ജാ​തി​പ്പേ​ര് വി​ളി​ച്ച് വെ​ട്ട്; പ്ര​തി​ക​ൾ​ക്ക് ജീ​വ​പ​ര്യ​ന്തം തടവും 60000 രൂ​പ പി​ഴ​യും

മ​ണ്ണാ​ര്‍ക്കാ​ട്: യു​വാ​വി​നെ ജാ​തി​പ്പേ​ര് വി​ളി​ച്ച് അ​ധ​ിക്ഷേ​പി​ക്കു​ക​യും വെ​ട്ടി​പ്പ​രി​ക്കേ​ല്‍പ്പി​ക്കു​ക​യും ചെ​യ്ത കേ​സി​ല്‍ ര​ണ്ട് പേ​രെ ജീ​വ​പ​ര്യ​ന്തം ത​ട​വി​നും അ​റു​പ​തി​നാ​യി​രം രൂ​പ പി​ഴ​യൊ​ടു​ക്കാ​നും കോ​ട​തി വി​ധി​ച്ചു. ചാ​ലി​ശ്ശേ​രി സ്വ​ദേ​ശി​ക​ളാ​യ ചാ​ഴി​യാ​ട്ടി​ല്‍ മ​തു​പ്പു​ള്ളി പ​തി​യാ​ട്ടു​വ​ള​പ്പി​ല്‍ ഇ​സ്മാ​യി​ല്‍ (46), മ​ണി​യ​ന്‍കു​ന്ന​ത്തു വീ​ട്ടി​ല്‍ അ​നീ​സ് (30) എ​ന്നി​വ​രെ​യാ​ണ് മ​ണ്ണാ​ര്‍ക്കാ​ട് പ​ട്ടി​ക​ജാ​തി-​പ​ട്ടി​ക​വ​ര്‍ഗ പ്ര​ത്യേ​ക കോ​ട​തി ജ​ഡ്ജി ജോ​മോ​ന്‍ ജോ​ണ്‍ ശി​ക്ഷി​ച്ച​ത്. പി​ഴ​യൊ​ടു​ക്കാ​ത്ത പ​ക്ഷം ആ​റു​മാ​സം അ​ധി​ക ത​ട​വ് അ​നു​ഭ​വി​ക്ക​ണം.

പി​ഴ​ത്തു​ക​യി​ല്‍ നി​ന്നും അ​മ്പ​തി​നാ​യി​രം ഇ​ര​ക്ക് ന​ല്‍കാ​നും കോ​ട​തി ഉ​ത്ത​ര​വി​ട്ടു. ചാ​ലി​ശ്ശേ​രി ചാ​ഴി​യാ​ട്ടി​ല്‍ സ്വ​ദേ​ശി പേ​ര​ടി​പു​റ​ത്ത് വീ​ട്ടി​ല്‍ വേ​ലാ​യു​ധ​ന്റെ മ​ക​ന്‍ സ​ന്തോ​ഷി​നെ (35) വ​ടി​വാ​ള്‍ കൊ​ണ്ട് വെ​ട്ടി​പ​രി​ക്കേ​ല്‍പ്പി​ച്ചെ​ന്നാ​ണ് കേ​സ്. 2017 ഒ​ക്ടോ​ബ​ര്‍ 27നാ​യി​രു​ന്നു സം​ഭ​വം.

ആ​ർ.​എ​സ്.​എ​സ് പ്ര​വ​ർ​ത്ത​ക​നാ​യ സ​ന്തോ​ഷ്‌ മ​തു​പ്പു​ള്ളി​യി​ല്‍ ശാ​ഖ ന​ട​ത്തി​യ​തു​മാ​യി ബ​ന്ധ​പ്പെ​ട്ട വി​രോ​ധ​വും ര​ണ്ടാം പ്ര​തി അ​നീ​സി​ന്റെ സ​ഹോ​ദ​ര​നെ മ​ര്‍ദി​ച്ചെ​ന്ന തെ​റ്റി​ദ്ധാ​ര​ണ​യി​ലു​മാ​ണ് പ്ര​തി​ക​ള്‍ ചേ​ര്‍ന്ന് ആ​ക്ര​മി​ച്ചെ​ന്നാ​ണ് കു​റ്റ​പ​ത്ര​ത്തി​ലു​ള്ള​ത്. സം​ഭ​വ​ദി​വ​സം രാ​വി​ലെ സ​ന്തോ​ഷും സു​ഹൃ​ത്തും സ​ഞ്ച​രി​ച്ചി​രു​ന്ന ബൈ​ക്ക് പി​ന്തു​ട​ര്‍ന്ന് പെ​രി​ങ്ങോ​ട് മു​പ്പ​റ​മ്പ് റോ​ഡി​ല്‍ വെ​ച്ച് ത​ട​ഞ്ഞു​നി​ര്‍ത്തി ജാ​തി​പ്പേ​ര് വി​ളി​ച്ച് വ​ടി​വാ​ള്‍ കൊ​ണ്ട് ആ​ക്ര​മി​ക്കു​ക​യാ​യി​രു​ന്നു. ത​ല​ക്കും ശ​രീ​ര​ത്തി​ലും വെ​ട്ടേ​റ്റ സ​ന്തോ​ഷ് സ​മീ​പ​ത്തെ വീ​ട്ടി​ല്‍ അ​ഭ​യം തേ​ടു​ക​യാ​യി​രു​ന്നു. തു​ട​ര്‍ന്ന് ആ​ശു​പ​ത്രി​യി​ല്‍ ചി​കി​ത്സ തേ​ടി.

ശി​ക്ഷി​ക്ക​പ്പെ​ട്ട പ്ര​തി​ക​ൾ പോ​പ്പു​ല​ർ ഫ്ര​ണ്ട് പ്ര​വ​ർ​ത്ത​ക​രാ​ണ്. പ​ട്ടി​ക​ജാ​തി-​പ​ട്ടി​ക​വ​ര്‍ഗ അ​തി​ക്ര​മം ത​ട​യ​ല്‍ നി​യ​മം വ​കു​പ്പ് 2 (3) അ​ഞ്ച് വ​കു​പ്പ് പ്ര​കാ​ര​മാ​ണ് ജീ​വ​പ​ര്യ​ന്തം ത​ട​വും പി​ഴ​യും വി​ധി​ച്ച​ത്. ഐ.​പി.​സി 307 വ​കു​പ്പ് പ്ര​കാ​രം പ​ത്ത് വ​ര്‍ഷം ക​ഠി​ന ത​ട​വും 25000 രൂ​പ പി​ഴ​യും 506-2 പ്ര​കാ​രം മൂ​ന്ന് വ​ര്‍ഷം ത​ട​വും 10000 രൂ​പ പി​ഴ​യും വ​കു​പ്പ് 341 പ്ര​കാ​രം ഒ​രു മാ​സം ത​ട​വും അ​നു​ഭ​വി​ക്ക​ണം. വി​വി​ധ വ​കു​പ്പു​ക​ള്‍ പ്ര​കാ​ര​മു​ള്ള ശി​ക്ഷ ജീ​വ​പ​ര്യ​ന്ത കാ​ല​യ​ള​വി​ല്‍ അ​നു​ഭ​വി​ച്ചാ​ല്‍ മ​തി. കേ​സി​ല്‍ 14 പേ​രെ വി​സ്ത​രി​ച്ചു. അ​ന്ന​ത്തെ ഷൊ​ര്‍ണൂ​ര്‍ ഡി​വൈ.​എ​സ്.​പി​യാ​യി​രു​ന്ന മു​ര​ളീ​ധ​ര​നാ​ണ് കേ​സ​ന്വേ​ഷി​ച്ച് കു​റ്റ​പ​ത്രം സ​മ​ര്‍പ്പി​ച്ച​ത്. പ്രോ​സി​ക്യു​ഷ​ന് വേ​ണ്ടി അ​ഡ്വ. പി. ​ജ​യ​ന്‍, അ​ഡ്വ. കെ. ​ദീ​പ എ​ന്നി​വ​ര്‍ ഹാ​ജ​രാ​യി.