മന്ത്രവാദം നടത്തിയ യുവതി ലക്ഷങ്ങളുടെ സ്വർണം കവർന്നതായി പരാതി

നേ​മം: കു​ടും​ബ​ത്തി​ലെ മ​ര​ണ​ങ്ങ​ൾ​ക്ക്​ പ​രി​ഹാ​രം കാ​ണാ​നെ​ന്ന പേ​രി​ൽ ദു​ർ​മ​ന്ത്ര​വാ​ദം ന​ട​ത്തി​യ യു​വ​തി ല​ക്ഷ​ങ്ങ​ളു​ടെ സ്വ​ർ​ണം ക​വ​ർ​ന്ന​താ​യി പ​രാ​തി. വെ​ള്ളാ​യ​ണി സ്വ​ദേ​ശി വി​ശ്വം​ഭ​ര​ന്റെ​യും മ​ക്ക​ളു​ടെ​യും 55 പ​വ​ൻ സ്വ​ർ​ണം ക​ളി​യി​ക്കാ​വി​ള സ്വ​ദേ​ശി​നി വി​ദ്യ ദു​ര്‍മ​ന്ത്ര​വാ​ദം ന​ട​ത്തി ക​വ​ർ​ന്നെ​ന്നാ​ണ്​ പ​രാ​തി. സം​സ്ഥാ​ന പൊ​ലീ​സ്‌ മേ​ധാ​വി​ക്ക്‌ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ നേ​മം പൊ​ലീ​സ്‌ അ​ന്വേ​ഷ​ണ​മാ​രം​ഭി​ച്ചു.

വീ​ട്ടി​ലു​ണ്ടാ​യ മ​ര​ണ​ങ്ങ​ളാ​ണ് വി​ശ്വം​ഭ​ര​നെ​യും മ​ക്ക​ളെ​യും ദു​ര്‍മ​ന്ത്ര​വാ​ദി​യു​ടെ അ​രി​കി​ലെ​ത്തി​ച്ച​ത്. അ​ടി​ക്ക​ടി അ​ഞ്ചു​മ​ര​ണ​ങ്ങ​ള്‍ ഉ​ണ്ടാ​യ​പ്പോ​ഴാ​ണ് വി​ശ്വം​ഭ​ര​നും മ​ക്ക​ളും തെ​റ്റി​യോ​ട് ദേ​വി​യെ​ന്ന് വി​ളി​പ്പേ​രു​ള്ള ക​ളി​യി​ക്കാ​വി​ള​യി​ലെ ആ​ള്‍ദൈ​വ​ത്തി​ന് മു​ന്നി​ലെ​ത്തി​യ​ത്. ആ​ള്‍ദൈ​വ​മാ​യ വി​ദ്യ​യും നാ​ലം​ഗ​സം​ഘ​വും ക​ഴി​ഞ്ഞ​വ​ര്‍ഷം പൂ​ജ​ക്കാ​യി വെ​ള്ളാ​യ​ണി​യി​ലെ വീ​ട്ടി​ലെ​ത്തി. പ​ക​ലും രാ​ത്രി​യി​ലും പൂ​ജ​ക​ള്‍ ന​ട​ത്തി. സ്വ​ര്‍ണ​വും പ​ണ​വും പൂ​ജാ​മു​റി​യി​ലെ അ​ല​മാ​ര​യി​ല്‍ ​െവ​ച്ച് പൂ​ട്ടി. മ​ന്ത്ര​വാ​ദി​യ​ല്ലാ​തെ ആ​രും തു​റ​ക്ക​രു​തെ​ന്നും വി​ല​ക്കി. തു​റ​ന്നാ​ല്‍ ക​രി​നാ​ഗം ക​ടി​ക്കു​മെ​ന്ന് വീ​ട്ടു​കാ​രെ ഭ​യ​പ്പെ​ടു​ത്തി​.

ഇ​ട​ക്ക്​ വി​ദ്യ എ​ത്തി അ​ല​മാ​ര തു​റ​ന്ന് പൂ​ജ ന​ട​ത്തി മ​ട​ങ്ങു​ക​യാ​യി​രു​ന്നു പ​തി​വെ​ന്ന്​ പ​രാ​തി​യി​ൽ പ​റ​യു​ന്നു. ബ​ന്ധു​വി​ന്റെ ക​ല്യാ​ണ ആ​വ​ശ്യ​ത്തി​ന് സ്വ​ര്‍ണം ആ​വ​ശ്യ​മാ​യി വ​ന്ന​പ്പോ​ഴാ​ണ് ക​ള്ള​ക്ക​ളി​ക​ള്‍ പു​റ​ത്താ​യ​ത്.

അ​ല​മാ​ര തു​റ​ന്ന് സ്വ​ര്‍ണം വേ​ണ​മെ​ന്ന് കു​ടും​ബം ആ​വ​ശ്യ​പ്പെ​ട്ടു. ശാ​പം ക​ഴി​ഞ്ഞി​ല്ല പൂ​ജ തു​ട​ര​ണ​മെ​ന്നാ​യി​രു​ന്നു മ​ന്ത്ര​വാ​ദി​നി​യു​ടെ നി​ർ​ദേ​ശം. ഒ​ടു​വി​ൽ വീ​ട്ടു​കാ​ർ ബ​ലം​പ്ര​യോ​ഗി​ച്ച്​ അ​ല​മാ​ര തു​റ​ന്ന​പ്പോ​ഴാ​ണ്‌ സ്വ​ർ​ണ​വും പ​ണ​വും ന​ഷ്ട​മാ​യ​ത്‌ അ​റി​ഞ്ഞ​ത്‌. അ​തി​ന്‍റെ അ​ടി​സ്ഥാ​ന​ത്തി​ലാ​ണ്​ പൊ​ലീ​സി​ൽ പ​രാ​തി ന​ൽ​കി​യ​ത്. അ​ന്വേ​ഷ​ണം ആ​രം​ഭി​ച്ച​താ​യി പൊ​ലീ​സ്​ പ​റ​ഞ്ഞു.