പല്ല് തേക്കുന്നതിനെ ചൊല്ലി തർക്കം; ഭർത്താവ് ഭാര്യയെ വെട്ടിക്കൊന്നു

പാലക്കാട്: പല്ല് തേക്കുന്നതുമായി ബന്ധപ്പെട്ട തർക്കത്തെ തുടർന്ന് പാലക്കാട് പള്ളിക്കുറിപ്പിൽ ഭർത്താവ് ഭാര്യയെ വെട്ടിക്കൊലപ്പെടുത്തി. കോയമ്പത്തൂർ സ്വദേശിനി ദീപികയാണ് കൊല്ലപ്പെട്ടത്. ഭർത്താവ് അവിനാശിനെ പൊലീസ് കസ്റ്റഡിയിലെടുത്തു.

രാവിലെ എഴുന്നേറ്റെത്തിയ അവിനാശ് ഒന്നര വയസ്സുള്ള മകനെ ചുംബിക്കാൻ ശ്രമിച്ചപ്പോൾ പല്ലുതേച്ചതിന് ശേഷം ചുംബിച്ചാൽ മതിയെന്ന് ദീപിക പറഞ്ഞതാണ് വാക്ക് തർക്കത്തിലേക്കും കൊലപാതകത്തിലേക്കും നയിച്ചതെന്ന് പൊലീസ് പറഞ്ഞു.

ദീപികയുടെ നിലവിളി കേട്ട് ഓടിയെത്തിയ ബന്ധുക്കളും നാട്ടുകാരും ചേർന്ന് ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഇരുവരും തമ്മിൽ കുടുംബപ്രശ്നങ്ങളുണ്ടായിരുന്നതായി അറിയില്ലെന്ന് ബന്ധുക്കൾ പറഞ്ഞു.