ബോട്ടിൽനിന്ന്​ വീണ്​ മരിച്ച സംഭവം: കൊലപാതകമെന്ന്​ കണ്ടെത്തൽ

വൈ​പ്പി​ൻ: മ​ത്സ്യ​ത്തൊ​ഴി​ലാ​ളി ബോ​ട്ടി​ൽ​നി​ന്ന് കാ​ൽ​വ​ഴു​തി വെ​ള്ള​ത്തി​ൽ വീ​ണ്​ മ​രി​ച്ചെ​ന്ന പ​രാ​തി​യി​ൽ പൊ​ലീ​സ് അ​ന്വേ​ഷ​ണ​ത്തി​ൽ തെ​ളി​ഞ്ഞ​ത് കൊ​ല​പാ​ത​കം. സം​ഭ​വ​വു​മാ​യി ബ​ന്ധ​പ്പെ​ട്ട് ര​ണ്ടു​പേ​ർ അ​റ​സ്റ്റി​ൽ. പ​ശ്ചി​മ ബം​ഗാ​ൾ ഉ​ത്ത​ർ ഗോ​വി​ന്ദ്പൂ​ർ സ്വ​ദേ​ശി രാം ​പ്ര​സാ​ദ് ദാ​സ് (54), കൈ​ലാ​സ്ന​ഗ​ർ കാ​ക്ക് ദ്വീ​പ് സ്വ​ദേ​ശി പ​നു ദാ​സ് (41) എ​ന്നി​വ​രെ​യാ​ണ് മു​ന​മ്പം പൊ​ലീ​സ് അ​റ​സ്റ്റ് ചെ​യ്ത​ത്.

ശ്രീ​ന​വ​ദു​ർ​ഗ ബോ​ട്ടി​ലെ ജോ​ലി​ക്കാ​ര​നാ​യ പ​ശ്ചി​മ ബം​ഗാ​ൾ സ്വ​ദേ​ശി അ​ല്ല​യെ​യാ​ണ്​ (30) 28ന് ​വൈ​കീ​ട്ട്​ ആ​റോ​ടെ ബോ​ട്ടി​ൽ നി​ന്നി​റ​ങ്ങു​മ്പോ​ൾ കാ​ൽ​തെ​റ്റി വെ​ള്ള​ത്തി​ൽ വീ​ണ് കാ​ണാ​താ​യി എ​ന്ന പ​രാ​തി പൊ​ലീ​സി​ൽ ല​ഭി​ച്ച​ത്. ജി​ല്ല പൊ​ലീ​സ് മേ​ധാ​വി വി​വേ​ക് കു​മാ​റി​ന്‍റെ നി​ർ​ദേ​ശ​ത്തെ തു​ട​ർ​ന്ന് ഇ​ൻ​സ്പെ​ക്ട​ർ എം. ​വി​ശ്വം​ഭ​ര​ന്‍റെ നേ​തൃ​ത്വ​ത്തി​ൽ പ്ര​ത്യേ​ക സം​ഘം രൂ​പ​വ​ത്​​ക​രി​ച്ച് അ​ന്വേ​ഷ​ണം തു​ട​ങ്ങി. 29ന് ​രാ​വി​ലെ ഒ​മ്പ​ത​ര​യോ​ടെ മു​ന​മ്പം മെ​യി​ൻ ഹാ​ർ​ബ​ർ പ​രി​സ​ര​ത്തു​ള്ള കാ​യ​ലി​ൽ മൃ​ത​ദേ​ഹം കാ​ണ​പ്പെ​ട്ടു. തു​ട​ർ​ന്ന് ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ മ​ര​ണം സം​ശ​യാ​സ്പ​ദ​മാ​ണെ​ന്ന് ക​ണ്ടെ​ത്തു​ക​യും അ​ന്വേ​ഷ​ണം വ്യാ​പി​പ്പി​ക്കു​ക​യു​മാ​യി​രു​ന്നു. ബാ​റ്റാ​പ്പ​ണവുമായി ബന്ധപ്പെട്ട തർക്കമാണ്കൊലപാതകത്തിലേക്ക് നയിച്ചത്.