പിടികിട്ടാപ്പുള്ളി പിടിയിൽ

പത്തനംതിട്ട: പിടികിട്ടാപ്പുള്ളിയായ മോഷ്ടാവിനെ പന്തളം പൊലീസ് പിടികൂടി. 17 വർഷം മുമ്പ് രജിസ്റ്റർ ചെയ്ത കേസിലെ പ്രതിയായ മാവേലിക്കര തഴക്കര കോനയ്യത്ത് വീട്ടിൽ അനീഷിനെയാണ് (39) വെള്ളിയാഴ്ച രാവിലെ വീടിനടുത്തുനിന്ന് പൊലീസി‍െൻറ പിടിയിലായത്.

പന്തളം സ്റ്റേഷനിലേത് കൂടാതെ മറ്റു ചില പൊലീസ് സ്റ്റേഷനുകളിലായി നാല് മോഷണക്കേസിലും മാവേലിക്കര പൊലീസ് സ്റ്റേഷനിലെ ഒരു വധശ്രമക്കേസിലും പ്രതിയാണ്.

ഒരാഴ്ചയായി ഇയാൾ നാട്ടിലുണ്ടെന്ന് പൊലീസിന് വിവരം ലഭിച്ചിരുന്നു. വേഷം മാറി സ്ഥലത്ത് തങ്ങിയ പൊലീസ് സംഘം ഇൻസ്‌പെക്ടർ എസ്. ശ്രീകുമാറി‍െൻറ നേതൃത്വത്തിൽ പ്രതിയെ പിടികൂടുകയായിരുന്നു.