മയക്കുമരുന്നുമായി കൊലക്കേസ് പ്രതി ഉൾപ്പെടെ എട്ടുപേർ അറസ്റ്റിൽ

ക​ഴ​ക്കൂ​ട്ടം: എം.​ഡി.​എം.​എ ഉ​ൾ​പ്പെ​ടെ​യു​ള്ള ല​ഹ​രി വ​സ്തു​ക്ക​ളു​മാ​യി ക​ഴ​ക്കൂ​ട്ട​ത്ത് എ​ട്ടു​പേ​ർ പി​ടി​യി​ലാ​യി. നേ​മം സ്വ​ദേ​ശി ശ്രീ​ജി​ത്ത് (30), പൂ​ന്തു​റ പു​ത്ത​ൻ​പ​ള്ളി സ്വ​ദേ​ശി ആ​ർ​ശ് (21), മു​ട്ട​ത്ത​റ സ്വ​ദേ​ശി ദീ​പു ജി. ​ദ​ത്ത് (43), തി​രു​വ​ല്ലം സ്വ​ദേ​ശി ര​ജ്ജി​ത്ത് (22), പ​ള്ളി​ച്ച​ൽ സ്വ​ദേ​ശി​ക​ളാ​യ വി​ഷ്ണു (22), ശ്യാം​കു​മാ​ർ (25), ക​ര​മ​ന സ്വ​ദേ​ശി​ക​ളാ​യ സു​ബാ​ഷ് (25), അ​രു​ൺ (23) എ​ന്നി​വ​രാ​ണ് പി​ടി​യി​ലാ​യ​ത്. പി​ടി​യി​ലാ​യ​വ​രി​ൽ ദീ​പു ദ​ത്ത്, ശ്രീ​ജി​ത്ത് എ​ന്നി​വ​ർ കൊ​ല​പാ​ത​കം ഉ​ൾ​െ​പ്പ​ടെ നി​ര​വ​ധി കേ​സു​ക​ളി​ൽ പ്ര​തി​ക​ളാ​ണെ​ന്ന് പൊ​ലീ​സ് പ​റ​ഞ്ഞു. എം.​ഡി.​എം​എ​ക്ക്​ പു​റ​മേ എ​ൽ.​എ​സ്.​ഡി സ്റ്റാ​മ്പു​ക​ളും ഇ​വ​രി​ൽ നി​ന്നും പി​ടി​കൂ​ടി.

ജി​ല്ല​യ​ി​ലെ ല​ഹ​രി ക​ട​ത്തു​കാ​രെ നി​രീ​ക്ഷി​ച്ചു​വ​രു​ന്ന​തി​നി​ടെ​യാ​ണ് തി​രു​വ​ന​ന്ത​പു​രം ന​ഗ​ര​ത്തി​ലെ ഈ ​സം​ഘം ഗോ​വ​യും മ​റ്റ്​ സ്ഥ​ല​ങ്ങ​ളും സ​ന്ദ​ർ​ശി​ച്ച വി​വ​രം മ​ന​സ്സി​ലാ​യ​ത്. തു​ട​ർ​ന്ന്​ ന​ർ​ക്കോ​ട്ടി​ക് സെ​ൽ അ​സി. ക​മീ​ഷ​ണ​ർ ഷീ​ൻ ത​റ​യി​ലി​ന് ല​ഭി​ച്ച ര​ഹ​സ്യ​വി​വ​ര​ത്തെ​ത്തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ പ്ര​തി​ക​ൾ പി​ടി​യി​ലാ​വു​ക​യാ​യി​രു​ന്നു. ര​ണ്ടു കാ​റു​ക​ളി​ലാ​യി​ട്ടാ​ണ് സം​ഘം സ​ഞ്ച​രി​ച്ചി​രു​ന്ന​ത്. ജി​ല്ല അ​തി​ർ​ത്തി മു​ത​ൽ ഇ​വ​രെ നി​രീ​ക്ഷി​ച്ചു​വ​രു​ന്ന​തി​നി​ട​യി​ൽ ദേ​ശീ​യ​പാ​ത​യി​ൽ ക​ഴ​ക്കൂ​ട്ടം മി​ഷ​ൻ ആ​ശു​പ​ത്രി​ക്ക് സ​മീ​പം​വെ​ച്ചാ​യി​രു​ന്നു അ​റ​സ്​​റ്റ്.

ശ​രീ​ര​ത്തി​ന്റെ വി​വി​ധ സ്ഥ​ല​ങ്ങ​ളി​ൽ ഒ​ളി​പ്പി​ച്ച നി​ല​യി​ലാ​ണ് ല​ഹ​രി വ​സ്തു​ക്ക​ൾ ക​ണ്ടെ​ത്തി​യ​ത്. പ്ര​ത്യേ​കം പ​രി​ശീ​ല​നം ല​ഭി​ച്ച പൊ​ലീ​സ് നാ​യ​യെ​യും സ്ഥ​ല​ത്തെ​ത്തി​ച്ച് പ​രി​ശോ​ധ​ന ന​ട​ത്തി. പി​ടി​യി​ലാ​യ​വ​ർ വ​ലി​യ അ​ള​വി​ൽ എ​ത്തി​ച്ച ല​ഹ​രി വ​സ്തു​ക്ക​ൾ മ​റ്റെ​വി​ടെ​യെ​ങ്കി​ലും ക​ച്ച​വ​ടം ന​ട​ത്തി​യി​രി​ക്കാ​മെ​ന്ന നി​ഗ​മ​ന​ത്തി​ലാ​ണ് പൊ​ലീ​സ്. പ്ര​തി​ക​ളു​ടെ അ​റ​സ്റ്റ് ക​ഴ​ക്കൂ​ട്ടം ​പൊ​ലീ​സ്​ രേ​ഖ​പ്പെ​ടു​ത്തി.