മകളെ പീഡിപ്പിച്ച പിതാവിന് 97 വർഷം കഠിന തടവ്

പെ​രി​ന്ത​ൽ​മ​ണ്ണ: 11കാ​രി​യാ​യ മ​ക​ളെ അ​ഞ്ചു വ​യ​സ്സ് മു​ത​ൽ നി​ര​ന്ത​ര​മാ​യി ലൈം​ഗി​കാ​തി​ക്ര​മം ന​ട​ത്തി​വ​ന്ന പി​താ​വി​ന് 97 വ​ർ​ഷം ക​ഠി​ന ത​ട​വും 1.1 ല​ക്ഷം രൂ​പ പി​ഴ​യ​ട​ക്കാ​നും ശി​ക്ഷ. പെ​രി​ന്ത​ൽ​മ​ണ്ണ പോ​ക്സോ പ്ര​ത്യേ​ക അ​തി​വേ​ഗ കോ​ട​തി ജ​ഡ്ജി എ​സ്. സൂ​ര​ജാ​ണ് ശി​ക്ഷി​ച്ച​ത്. വി​വി​ധ വ​കു​പ്പു​ക​ളി​ലാ​യാ​ണ് ശി​ക്ഷ. പി​ഴ​യ​ട​ച്ചി​ല്ലെ​ങ്കി​ൽ നാ​ലു​വ​ർ​ഷ​വും ആ​റു​മാ​സ​വും അ​ധി​ക ത​ട​വ​നു​ഭ​വി​ക്ക​ണം.

2017ൽ ​ര​ജി​സ്റ്റ​ർ ചെ​യ്ത കേ​സി​ൽ സ​ബ് ഇ​ന്‍സ്പെ​ക്ട​റാ​യി​രു​ന്ന പി. ​ജ്യോ​തീ​ന്ദ്ര​കു​മാ​ര്‍, കെ.​എ​ന്‍. വി​ജ​യ​ന്‍, ജ​യ​പ്ര​കാ​ശ്, ഇ​ന്‍സ്പെ​ക്ട​ര്‍ അ​ബ്ദു​ല്‍ മ​ജീ​ദ് എ​ന്നി​വ​രാ​ണ് അ​ന്വേ​ഷ​ണം ന​ട​ത്തി പ്ര​തി​യെ അ​റ​സ്റ്റ് ചെ​യ്ത് കു​റ്റ​പ​ത്രം സ​മ​ര്‍പ്പി​ച്ച​ത്. നി​യ​മാ​നു​സ​ര​ണം കു​ട്ടി​യു​ടെ സം​ര​ക്ഷ​ണ ചു​മ​ത​ല​യു​ള്ള​യാ​ളാ​ണ് പ്ര​തി. പ്രോ​സി​ക്യൂ​ഷ​നു വേ​ണ്ടി സ്പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ അ​ഡ്വ. സ​പ്ന പി. ​പ​ര​മേ​ശ്വ​ര​ത് ഹാ​ജ​റാ​യി.