ഗായത്രിയുടെ കൊലപാതകം: അന്വേഷണച്ചുമതല ഫോർട്ട് എ.സിക്ക്

തിരുവനന്തപുരം: തമ്പാനൂരിലെ ഹോട്ടലിൽ യുവതിയെ കാമുകൻ കഴുത്തുഞെരിച്ച് കൊലപ്പെടുത്തിയ കേസിൽ അന്വേഷണച്ചുമതല ഫോർട്ട് അസി.കമീഷണർക്ക് കൈമാറി. കാട്ടാക്കട വീരണകാവ് അരുവിക്കുഴി മുരിക്കറ വീട്ടിൽ എസ്. ഗായത്രി (24) പട്ടികജാതിക്കാരിയായതിനാലാണ് പട്ടികജാതി-വർഗ അതിക്രമം തടയൽ നിയമപ്രകാരം അന്വേഷണം തമ്പാനൂർ സി.ഐയിൽനിന്ന് ഡിവൈ.എസ്.പി റാങ്കിലുള്ള ഉദ്യോഗസ്ഥന് കൈമാറി സിറ്റി പൊലീസ് കമീഷണർ സ്പർജൻകുമാർ ഉത്തരവിറക്കിയത്.

പ്രതി കൊല്ലം പരവൂർ കോട്ടപ്പുറം ചെമ്പൻതൊടിയിൽ ജെ. പ്രവീണിനെ (31) കോടതിയിൽ ഹാജരാക്കി റിമാൻഡ് ചെയ്തു. കൂടുതൽ വിവരങ്ങൾക്കായി ഇയാളെ കസ്റ്റഡിയിൽ വാങ്ങി ചോദ്യം ചെയ്യുമെന്ന് ഫോർട്ട് അസി.കമീഷണർ എസ്. ഷാജി പറഞ്ഞു.

ഞായറാഴ്ച പുലർച്ചയാണ് തമ്പാനൂർ അരിസ്റ്റോ ജങ്ഷനിലെ ചോള സാമ്രാട്ട് ഹോട്ടലിലെ 107ാം നമ്പർ മുറിയിൽ ഗായത്രിയെ കഴുത്തുഞെരിച്ച് കൊലപ്പെടുത്തിയ നിലയിൽ കണ്ടെത്തിയത്. ഗായത്രിയുടെ ഫോണുമായാണ് പ്രവീൺ കടന്നുകളഞ്ഞത്.

ഈ ഫോണിൽ നിന്ന് ഞായറാഴ്ച 12.30ഓടെ ഹോട്ടൽ റിസപ്ഷനിൽ വിളിച്ച് കൊലപാതക വിവരം പ്രവീൺ തന്നെയാണ് അറിയിക്കുന്നത്.

തുടർന്ന്, ജീവനക്കാർ പൂട്ട് തകർത്ത് മുറി തുറന്നപ്പോഴാണ് വായിൽനിന്ന് നുരയും പതയും വന്ന നിലയിൽ ഗായത്രിയുടെ മൃതദേഹം കണ്ടത്. ബന്ധത്തിൽനിന്ന് പിന്മാറാത്തപക്ഷം ഗായത്രിയെ വകവരുത്താൻ മുൻകൂട്ടി തന്നെ പ്രവീൺ പദ്ധതിയിട്ടിരുന്നതായി പൊലീസ് പറയുന്നു. കസ്റ്റഡിയിൽ ലഭിച്ച് കൂടുതൽ ചോദ്യം ചെയ്യലിനു ശേഷം മാത്രമേ ഇത്തരം കാര്യങ്ങൾ പുറത്തൂവരൂവെന്ന് അന്വേഷണ ഉദ്യോഗസ്ഥർ 'മാധ്യമ'ത്തോട് പറഞ്ഞു.

കൊലപാതകത്തിനുശേഷം പ്രതി പ്രവീണുമായി ഗായത്രിയുടെ ബന്ധു നടത്തിയ ഫോണ്‍ സംഭാഷണവും പൊലീസിന് ലഭിച്ചിട്ടുണ്ട്. ശനിയാഴ്ച വൈകീട്ട് അഞ്ചോടെയാണ് ഗായത്രിയെ ഷാൾ ഉപയോഗിച്ച് കഴുത്തുഞെരിച്ച് കൊലപ്പെടുത്തുന്നത്.

തുടർന്ന്, രാത്രി ഏഴു മണിയോടെ, പത്തനംതിട്ടയിലെ ബന്ധുവാണ് ഗായത്രിയുടെ മൊബൈലിലേക്ക് വിളിക്കുന്നത്. ഫോൺ എടുത്ത പ്രവീണ്‍, ബന്ധു ആവശ്യപ്പെട്ടിട്ടും ഗായത്രിക്ക് ഫോണ്‍ കൈമാറാന്‍ വിസമ്മതിച്ചു.

ആരാണ് സംസാരിക്കുന്നതെന്ന ചോദ്യത്തിന് ഗായത്രിയെ വിവാഹം കഴിച്ചയാൾ എന്ന മറുപടിയാണ് പ്രവീൺ നൽകിയത്. ഇവർ ആവര്‍ത്തിച്ച് ആവശ്യപ്പെട്ടിട്ടും ഫോണ്‍ ഗായത്രിക്ക് കൈമാറാന്‍ പ്രവീണ്‍ തയാറായില്ല. ഗായത്രിയുടെ അമ്മയും സഹോദരിയും വിളിച്ചപ്പോഴും ഗായത്രിയുടെ ഫോണിൽ സംസാരിച്ചത് പ്രവീണായിരുന്നു.

പ്ര​വീ​ണി​ന്‍റെ ഭാ​ര്യ​യി​ൽ​നി​ന്ന്​ പൊ​ലീ​സ് വി​വ​ര​ങ്ങ​ൾ ശേ​ഖ​രി​ച്ചു

തി​രു​വ​ന​ന്ത​പു​രം: ഗാ​യ​ത്രി​യു​ടെ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് പ്ര​തി പ്ര​വീ​ണി​ന്‍റെ ഭാ​ര്യ​യി​ൽ​നി​ന്ന്​ പൊ​ലീ​സ് വി​വ​ര​ങ്ങ​ൾ ശേ​ഖ​രി​ച്ചു. പ്ര​വീ​ൺ കൊ​ല ന​ട​ത്തി​യെ​ന്ന്​ വി​ശ്വ​സി​ക്കു​ന്നി​ല്ലെ​ന്ന് ഐ​ശ്വ​ര്യ ത​മ്പാ​നൂ​ർ പൊ​ലീ​സി​നോ​ട്​ പ​റ​ഞ്ഞു.

ലോ​ക്ഡൗ​ണ്‍ ക​ഴി​ഞ്ഞ് ജ്വ​ല്ല​റി തു​റ​ന്ന​പ്പോ​ള്‍ ജീ​വ​ന​ക്കാ​രെ വാ​ഹ​ന​ത്തി​ല്‍ ജോ​ലി​ക്ക് എ​ത്തി​ക്കു​ക​യും മ​ട​ക്കി​ക്കൊ​ണ്ടു​പോ​വു​ക​യും ചെ​യ്തി​രു​ന്ന​ത് പ്ര​വീ​ണാ​യി​രു​ന്നു. അ​ക്കാ​ല​ത്താ​ണ് ജ്വ​ല്ല​റി​യി​ലെ റി​സ​പ്ഷ​നി​സ്റ്റാ​യ ഗാ​യ​ത്രി​യും ഡ്രൈ​വ​റാ​യ പ്ര​വീ​ണും അ​ടു​ക്കു​ന്ന​ത്. അ​ടു​പ്പം മ​ന​സ്സി​ലാ​ക്കി​യ​തി​നെ തു​ട​ർ​ന്ന് ഐ​ശ്വ​ര്യ പ്ര​വീ​ണി​നെ​തി​രെ പ​ര​വൂ​ർ പൊ​ലീ​സി​ൽ പ​രാ​തി ന​ൽ​കി. ഇ​ത്​ ബ​ന്ധു​ക്ക​ളു​ടെ സാ​ന്നി​ധ്യ​ത്തി​ൽ ച​ർ​ച്ച ചെ​യ്തു പ​രി​ഹ​രി​ക്കു​ക​യാ​യി​രു​ന്നു. തു​ട​ർ​ന്ന് ഇ​രു​വ​രും ത​മ്മി​ൽ ബ​ന്ധ​മു​ള്ള​താ​യി അ​റി​യി​ല്ലെ​ന്ന്​ ഐ​ശ്വ​ര്യ മൊ​ഴി ന​ൽ​കി.

പ​ര​വൂ​ർ സ്റ്റേ​ഷ​നി​ൽ ഐ​ശ്വ​ര്യ പ്ര​വീ​ണി​നെ​തി​രെ ന​ൽ​കി​യ പ​രാ​തി​യു​ടെ വി​ശ​ദാം​ശ​ങ്ങ​ൾ ഉ​ൾ​പ്പെ​ടെ മൊ​ഴി​യാ​യി രേ​ഖ​പ്പെ​ടു​ത്തും. കൊ​ല​പാ​ത​ക​ത്തി​നു പി​ന്നി​ൽ മ​റ്റാ​രു​ടെ​യെ​ങ്കി​ലും ഇ​ട​പെ​ട​ലു​ണ്ടോ എ​ന്നും പൊ​ലീ​സ് പ​രി​ശോ​ധി​ക്കു​ന്നു​ണ്ട്. ഐ​ശ്വ​ര്യ ര​ണ്ടാ​മ​തും ഗ​ർ​ഭി​ണി​യാ​യ​തോ​ടെ പ്ര​വീ​ൺ ഗാ​യ​ത്രി​യെ ഒ​ഴി​വാ​ക്കാ​ൻ ശ്ര​മി​െ​ച്ച​ന്നാ​ണ് പൊ​ലീ​സ് പ​റ​യു​ന്ന​ത്.