മയക്കുമരുന്നുമായി നാല് വിദേശികൾ പിടിയിൽ

മസ്കത്ത്: രാജ്യത്തേക്ക് വൻതോതിൽ മയക്കുമരുന്ന് കടത്താൻ ശ്രമിച്ച സംഭവത്തിൽ നാല് വിദേശികളെ റോയൽ ഒമാൻ പൊലീസ് അറസ്റ്റ് ചെയ്തു.

145 കിലോഗ്രാം ഹഷീഷും 14 കിലോഗ്രാം ക്രിസ്റ്റൽ മയക്കുമരുന്നും ഇവരിൽനിന്ന് കണ്ടെടുക്കുകയും ചെയ്തു. മയക്കുമരുന്ന്, സൈക്കോട്രോപിക് ലഹരിവസ്തുക്കൾ തടയുന്നതിനുള്ള ഡയറക്‌ടറേറ്റ് ജനറലാണ് ഇവരെ പിടികൂടിയത്.

അന്താരാഷ്ട്ര സംഘവുമായി ചേർന്നായിരുന്നു ഇവർ മയക്കുമരുന്ന് കടത്തിയിരുന്നത്. നിയമനടപടികൾ പൂർത്തിയാക്കി വരുകയാണെന്ന് ആർ.ഒ.പി പറഞ്ഞു.