യുവാക്കളെ മർദിച്ച് പണവും മൊബൈൽ ഫോണും കവർന്ന സംഘം പിടിയിൽ

കൊ​ച്ചി: ആ​യു​ധം കാ​ണി​ച്ച്​ ഭീ​ഷ​ണി​പ്പെ​ടു​ത്തി യു​വാ​ക്ക​ളെ മ​ർ​ദി​ച്ച് പ​ണ​വും മൊ​ബൈ​ൽ​ഫോ​ണും മ​റ്റും ക​വ​ർ​ന്ന സം​ഘം പി​ടി​യി​ൽ. നെ​ട്ടൂ​ർ അ​മ്പ​ല​ക്ക​ട​വ് ക​ള​ത്തി​പ്പ​റ​മ്പ് വീ​ട്ടി​ൽ ഷൈ​ജു (38), ത​മ്മ​നം, കൈ​ത​ക്ക​ൽ കു​ന്നേ​ൽ വീ​ട്ടി​ൽ റി​ൻ​സ​ൺ (22), ചേ​രാ​ന​ല്ലൂ​ർ, കു​ന്നും​പു​റം, പ​ടി​പ്പു​ര​ക്ക​ൽ വീ​ട്ടി​ൽ ജി​തീ​ഷ് (26), ക​ട​വ​ന്ത്ര, ഗാ​ന്ധി​ന​ഗ​ർ, ഉ​ദ​യ കോ​ള​നി, 91-ാം ന​മ്പ​ർ വീ​ട്ടി​ൽ മ​ഹേ​ന്ദ്ര​ൻ (24), മ​ല​പ്പു​റം, നി​ല​മ്പൂ​ർ, കു​റു​ങ്ങോ​ടാ​ൻ വീ​ട്ടി​ൽ സു​ബി​ജി​ത്ത് (23) എ​ന്നി​വ​രെ​യാ​ണ് എ​റ​ണാ​കു​ളം സെ​ൻ​ട്ര​ൽ പൊ​ലീ​സ്​ പി​ടി​കൂ​ടി​യ​ത്.

നോ​ർ​ത്ത് പ​റ​വൂ​ർ സ്വ​ദേ​ശി​യും ഫ്രീ​ലാ​ൻ​സ്​ ഫോ​ട്ടോ​ഗ്രാ​ഫ​റു​മാ​യ യു​വാ​വി​ന്‍റെ പ​രാ​തി​യി​ലാ​ണ്​ കേ​സ് ര​ജി​സ്റ്റ​ർ ചെ​യ്ത​ത്. ഈ ​മാ​സം 14ന്​ ​ഉ​ച്ച​ക്ക്​ 12 ഓ​ടെ​യാ​ണ് കേ​സി​നാ​സ്പ​ദ​മാ​യ സം​ഭ​വം. പ​രാ​തി​ക്കാ​ര​നും സു​ഹൃ​ത്തും വാ​ട​ക​ക്ക്​ താ​മ​സി​ച്ചി​രു​ന്ന ഹോ​ട്ട​ലി​ലെ മു​റി​യി​ലേ​ക്ക് അ​തി​ക്ര​മി​ച്ചെ​ത്തി​യ പ്ര​തി​ക​ൾ പ​രാ​തി​ക്കാ​ര​നോ​ട് മ​ദ്യ​പി​ക്കാ​നാ​യി പ​ണം ആ​വ​ശ്യ​പ്പെ​ടു​ക​യും പ​ണം കൊ​ടു​ക്കാ​ത്ത​തി​ന്റെ വൈ​രാ​ഗ്യ​ത്തി​ൽ ഒ​ന്നാം പ്ര​തി പ​രാ​തി​ക്കാ​ര​ന്‍റെ ക​ഴു​ത്തി​ൽ വ​ടി​വാ​ൾ വെ​ച്ച് ഭീ​ഷ​ണി​പ്പെ​ടു​ത്തി​യ​ശേ​ഷം ശാ​രീ​രി​ക​മാ​യി ഉ​പ​ദ്ര​വി​ച്ച് പ​രാ​തി​ക്കാ​ര​ന്‍റെ പ​ഴ്സി​ലു​ണ്ടാ​യി​രു​ന്ന 10,000 രൂ​പ​യും എ.​ടി.​എം കാ​ർ​ഡും സ്മാ​ർ​ട്ട് വാ​ച്ചും ബ്ലൂ​ടൂ​ത്ത് ഹെ​ഡ് സെ​റ്റും മ​റ്റും ക​വ​ർ​ച്ച ചെ​യ്യു​ക​യാ​യി​രു​ന്നു.

വീ​ണ്ടും 10,000 രൂ​പ ആ​വ​ശ്യ​പ്പെ​ട്ട്​ പ​രാ​തി​ക്കാ​ര​ന്‍റെ സു​ഹൃ​ത്തി​നെ പ്ര​തി​ക​ൾ ഓ​ട്ടോ​യി​ൽ ക​യ​റ്റി എ​റ​ണാ​കു​ളം ഹൈ​കോ​ട​തി​ക്ക​ടു​ത്തു​ള്ള ബാ​റി​ൽ എ​ത്തി​ച്ച് വീ​ണ്ടും പ​ണം ആ​വ​ശ്യ​പ്പെ​ട്ട് ഭീ​ഷ​ണി​പ്പെ​ടു​ത്തി ദേ​ഹോ​പ​ദ്ര​വം ഏ​ൽ​പി​ച്ചു. തു​ട​ർ​ന്ന്​ ര​ണ്ട്​ മൊ​ബൈ​ൽ ഫോ​ൺ, സ്മാ​ർ​ട്ട്‌ വാ​ച്ച്, 10,000 രൂ​പ അ​ട​ക്കം ആ​കെ 50,000 രൂ​പ​യു​ടെ മു​ത​ലു​ക​ൾ പ്ര​തി​ക​ൾ ചേ​ർ​ന്ന് ക​വ​ർ​ന്നു.

എ​റ​ണാ​കു​ളം സെ​ൻ​ട്ര​ൽ പൊ​ലീ​സ് ഇ​ൻ​സ്പെ​ക്ട​ർ അ​നീ​ഷ് ജോ​യി​യു​ടെ നേ​തൃ​ത്വ​ത്തി​ൽ പ്രി​ൻ​സി​പ്പ​ൽ സ​ബ് ഇ​ൻ​സ്പെ​ക്ട​ർ കെ. ​പി. അ​നി​ൽ, സ​ബ് ഇ​ൻ​സ്പെ​ക്ട​ർ​മാ​രാ​യ സി. ​അ​നൂ​പ്, സു​നി​ൽ ര​വീ​ന്ദ്ര​ൻ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ശി​ഹാ​ബ്, ഉ​ണ്ണി​കൃ​ഷ്ണ​ൻ, ഉ​മേ​ഷ് എ​ന്നി​വ​ര​ട​ങ്ങി​യ സം​ഘം ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ പി​ടി​യി​ലാ​യ​ത്. പ്ര​തി​ക​ൾ എ​ല്ലാ​വ​രും നി​ര​വ​ധി ക്രി​മി​ന​ൽ കേ​സു​ക​ളി​ലെ പ്ര​തി​ക​ളാ​ണ്.