രോഗിയെ പരിചരിക്കാനെത്തിയ ഹോംനഴ്‌സ് പണവും സ്വർണവുമായി മുങ്ങി

കോഴിക്കോട്: ആശുപത്രിയിൽ ചികിത്സയിലുള്ളയാളെ പരിചരിക്കാനെത്തിയ ഹോംനഴ്‌സ് ഏഴു പവ​െൻറ ആഭരണവും 5000 രൂപയും മൊബൈൽ ഫോണുമായി കടന്നു.

തൊണ്ടയാട് ബൈപാസ് റോഡിലെ സ്വകാര്യ ആശുപത്രിയിൽ വെള്ളിയാഴ്ച രാവിലെ ഏഴോടെയാണ് സംഭവം. മലാപ്പറമ്പ് ഹരിചന്ദനം വീട്ടിൽ യോഗേഷി​െൻറ ഭാര്യയുടെ ആഭരണമാണ് നഷ്​ടപ്പെട്ടത്. ഇവർ ശുചിമുറിയിൽ പോയി തിരിച്ചുവന്നപ്പോൾ ഹോംനഴ്‌സിനെ കാണാത്തതിനെത്തുടർന്ന് സംശയം തോന്നിയപ്പോഴാണ് ഫോണും പണവും ആഭരണവും നഷ്​ടപ്പെട്ട വിവരം അറിഞ്ഞത്.

യോഗേഷി‍െൻറ ഭാര്യാപിതാവിനെ പരിചരിക്കാനെത്തിയതായിരുന്നു ഹോംനഴ്‌സ്‌. യോഗേഷി​െൻറ പരാതിയിൽ മെഡിക്കൽ കോളജ് പൊലീസ് കേസെടുത്തു.