‘താ​നാ​ണ്​ ക​ത്തി​ച്ച​തെ​ന്ന്​ ഉ​റ​ക്കെ വി​ളി​ച്ചു​പ​റ​ഞ്ഞ​താ​യി ദൃ​ക്സാ​ക്ഷി​ക​ൾ’; ഭാര്യയെ കൊലപ്പെടുത്തിയ കേസിൽ പ്രതി കൃത്യം നടത്തിയത് ആസൂത്രിതമായെന്ന് എഫ്.ഐ.ആർ

കൊല്ലം: നടുറോഡിൽ കാറിൽ യുവതിയെ തീകൊളുത്തിക്കൊന്ന സംഭവത്തിൽ ഭ​ർ​ത്താ​വ്​ അറസ്റ്റിൽ. കൊ​ല്ലം ന​ഗ​ര​ത്തി​ൽ ബേ​ക്ക​റി ന​ട​ത്തു​ന്ന കൊ​ട്ടി​യം ത​ഴു​ത്ത​ല തു​ണ്ടി​ൽ മേ​ല​തി​ൽ വീ​ട്ടി​ൽ അ​നി​ല(44)​യാ​ണ്​ കൊ​ല്ല​പ്പെ​ട്ട​ത്. കാ​റി​ലു​ണ്ടാ​യി​രു​ന്ന ബേ​ക്ക​റി ജീ​വ​ന​ക്കാ​ര​ൻ സോ​ണി​ക്ക്​ പൊ​ള്ള​ലേ​റ്റു. സം​ഭ​വ​ത്തി​ൽ അ​നി​ല​യു​ടെ ഭ​ർ​ത്താ​വ്​ പ​ത്​​മ​രാ​ജ​നെ (60) യാണ് കൊ​ല്ലം ഈ​സ്റ്റ്​ പൊ​ലീ​സ്​ അറസ്റ്റ് ചെയ്തത്.

ന​ഗ​ര​മ​ധ്യ​ത്തി​ലെ റോ​ഡി​ൽ ത​ട​ഞ്ഞു​നി​ർ​ത്തി കാ​റി​ൽ പെ​ട്രോ​ളൊ​ഴി​ച്ച്​ യു​വ​തി​യെ തീ​കൊ​ളു​ത്തി​ക്കൊ​ല്ലുകയായിരുന്നു. പ്രതി കൃത്യം നടത്തിയത് ആസൂത്രിതമായെന്ന് എഫ്.ഐ.ആർ. പ്രതി കൃത്യം നടത്താനായി 300 രൂപയ്ക്ക് പെട്രോൾ വാങ്ങി. ഭാര്യയെയും സുഹൃത്തിനെയും കൊല്ലണം എന്ന ലക്ഷ്യത്തോടെയാണ് പ്രതി എത്തിയത്. കടയിൽ നിന്ന് ഇറങ്ങിയത് മുതൽ പത്മരാജൻ അനിലയെ പിന്തുടർന്നുണ്ടായിരുന്നു. സംഭവസമയത്ത് അനിലക്കൊപ്പം കാറിൽ ഉണ്ടായിരുന്നത് സ്വന്തം സ്ഥാപനത്തിലെ ജീവനക്കാരൻ സോണിയായിരുന്നു. സോണിക്ക് പൊള്ളലേറ്റിരുന്നു.

താ​നാ​ണ്​ ക​ത്തി​ച്ച​തെ​ന്ന്​ ഇ​യാ​ൾ ഉ​റ​ക്കെ വി​ളി​ച്ചു​പ​റ​ഞ്ഞ​താ​യി ദൃ​ക്സാ​ക്ഷി​ക​ൾ പ​റ​യു​ന്നു. ഇ​യാ​ൾ പൊ​ലീ​സി​ൽ കീ​ഴ​ട​ങ്ങു​ക​യാ​യി​രു​ന്നു. അ​നി​ല​യു​ടെ ബേ​ക്ക​റി​യി​ൽ പാ​ർ​ട്​​ണ​റാ​യ യു​വാ​വി​നെ ല​ക്ഷ്യ​മി​ട്ടാ​ണ്​ കൊ​ല​പാ​ത​കം ആ​സൂ​ത്ര​ണം ചെ​യ്ത​തെ​ന്നാ​ണ്​ പ്ര​തി​ മൊ​ഴി നൽകി. ആ ​യു​വാ​വും അ​നി​ല​യും ത​മ്മി​ലു​ള്ള സൗ​ഹൃ​ദ​ത്തി​ന്‍റെ പേ​രി​ൽ നി​ര​ന്ത​ര​മു​ണ്ടാ​യ കു​ടും​ബ​പ്ര​ശ്ന​ങ്ങ​ളും സാ​മ്പ​ത്തി​ക പ്ര​ശ്ന​ങ്ങ​ളു​മാ​ണ്​​ കൊ​ല​പാ​ത​ക​ത്തി​ലേ​ക്ക്​ ന​യി​ച്ച​തെ​ന്നാ​ണ്​ നിഗമനം.

ചൊ​വ്വാ​ഴ്ച രാ​ത്രി ഒ​മ്പ​തോ​ടെ കൊ​ല്ലം ന​ഗ​ര​ത്തി​ൽ ചെ​മ്മാ​ൻ​മു​ക്കി​ലാ​ണ്​ സം​ഭ​വം. അ​നി​ല​യും സോ​ണി​യും സ​ഞ്ച​രി​ച്ച കാ​റി​ന്​ മു​ന്നി​ൽ ഡോ​ർ തു​റ​ക്കാ​നാ​കാ​തെ മ​റ്റൊ​രു കാ​ർ കൊ​ണ്ട്​ ത​ട​ഞ്ഞു​നി​ർ​ത്തി​യ പ​ത്മ​രാ​ജ​ൻ പെ​​ട്രോ​ൾ ഒ​ഴി​ക്കു​ക​യും​ തീ​യി​ടു​ക​യു​മാ​യി​രു​ന്നു. വാ​ഹ​ന​ത്തി​ൽ മൂ​ന്ന്​ ത​വ​ണ പൊ​ട്ടി​ത്തെ​റി​യു​ണ്ടാ​യി. വാ​ഹ​നം ക​ത്തു​ന്ന​ത്​ ക​ണ്ട്​ വ​ഴി​യാ​ത്ര​ക്കാ​ർ പൊ​ലീ​സി​നെ​യും അ​ഗ്നി​ര​ക്ഷാ​സേ​ന​യെ​യും വി​വ​ര​മ​റി​യി​ച്ചു.

ക​ണ്ടു​നി​ന്ന​വ​ർ ര​ക്ഷി​ക്കാ​ൻ ശ്ര​മം ന​ട​ത്തി​യെ​ങ്കി​ലും കാ​ർ ആ​ളി​ക്ക​ത്തി​യ​തി​നാ​ൽ ആ​ളു​ക​ൾ​ക്ക്​ അ​ടു​ക്കാ​നാ​യി​ല്ല. പൊ​ലീ​സെ​ത്തി വാ​ഹ​നം തു​റ​ന്ന്​ പൊ​ള്ള​ലേ​റ്റ നി​ല​യി​ൽ സോ​ണി​യെ പു​റ​ത്തെ​ത്തി​ക്കു​ക​യാ​യി​രു​ന്നു. സോ​ണി​യെ ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പാ​ച​ക തൊ​ഴി​ലാ​ളി​യാ​ണ്​ പ​ത്​​മ​രാ​ജ​ൻ. ​