ഇ​ത​ര സം​സ്ഥാ​ന തൊ​ഴി​ലാ​ളി​ക്ക് കു​ത്തേ​റ്റ സം​ഭ​വം: പ്ര​തി അ​റ​സ്റ്റി​ൽ

മേ​ലാ​റ്റൂ​ർ: ഇ​ത​ര സം​സ്ഥാ​ന തൊ​ഴി​ലാ​ളി​ക്ക് കു​ത്തേ​റ്റ്​ പ​രി​ക്കേ​റ്റ സം​ഭ​വ​ത്തി​ൽ പ്ര​തി അ​റ​സ്റ്റി​ൽ. ക​രു​വാ​ര​കു​ണ്ട്​ ചു​ള്ളി​യോ​ട്​ പു​ൽ​വെ​ട്ട കൈ​ത​ക്കു​ള്ളി​ൽ വീ​ട്ടി​ൽ കു​ഞ്ഞ​നെ​യാ​ണ്​ (40) മേ​ലാ​റ്റൂ​ർ പൊ​ലീ​സ്​ അ​റ​സ്റ്റ്​ ചെ​യ്ത​ത്. ബു​ധ​നാ​ഴ്ച രാ​വി​ലെ വീ​ട്ടി​ൽ​നി​ന്ന്​ പി​ടി​കൂ​ടി​യ പ്ര​തി​യെ ഉ​ച്ച​ക്ക്​ അ​റ​സ്റ്റ്​ ചെ​യ്യു​ക​യാ​യി​രു​ന്നു. ഇ​രു​വ​രും വാ​ക് ത​ർ​ക്ക​മു​ണ്ടാ​യ​ത്​​ ക​ത്തി​ക്കു​ത്തി​ൽ ക​ലാ​ശി​ക്കു​ക​യാ​യി​രു​ന്നെ​ന്ന്​ പൊ​ലീ​സ്​ പ​റ​ഞ്ഞു.

അ​സം ല​ഹാ​രി​ഗ​ഢ് സ്വ​ദേ​ശി ജം​ഷ​ദ്ഖാ​ന്‍റെ മ​ക​ൻ ഹ​മീ​ദു​ൽ ഇ​സ്‍ലാ​മി​നാ​ണ് (39) കു​ത്തേ​റ്റ​ത്. ക​ഴി​ഞ്ഞ വെ​ള്ളി​യാ​ഴ്ച രാ​ത്രി എ​ട്ട് മ​ണി​യോ​ടെ മേ​ലാ​റ്റൂ​ർ റെ​യി​ൽ​വേ ഗേ​റ്റ് പ​രി​സ​ര​ത്താ​ണ് സം​ഭ​വം. ഇ​രി​ങ്ങാ​ട്ടി​രി​യി​ൽ താ​മ​സി​ച്ച് ജോ​ലി ചെ​യ്തു​വ​രു​ന്ന ഹ​മീ​ദു​ൽ ഇ​സ്‍ലാം കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ അ​പ​ക​ട​നി​ല ത​ര​ണം ചെ​യ്തി​ട്ടു​ണ്ട്.

പെ​രി​ന്ത​ൽ​മ​ണ്ണ കോ​ട​തി​യി​ൽ ഹാ​ജ​റാ​ക്കി​യ പ്ര​തി​യെ റി​മാ​ൻ​ഡ്​ ചെ​യ്തു. എ​സ്.​ഐ​മാ​രാ​യ ഷി​ജോ സി. ​ത​ങ്ക​ച്ച​ൻ, ഉ​ല്ലാ​സ്​ ബാ​ബു, എ​സ്.​സി.​പി.​ഒ അ​നീ​ഷ്​ പീ​റ്റ​ർ, സി.​പി.​ഒ പ്ര​മോ​ദ്​ എ​ന്നി​വ​രാ​ണ്​ അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.