നമ്പി നാരായണൻ ഭൂമി നൽകിയത് അന്വേഷിക്കണമെന്ന ഹരജി തള്ളി
text_fieldsനമ്പി നാരായണൻ
കൊച്ചി: നമ്പി നാരായണനും ഐ.എസ്.ആർ.ഒ ചാരക്കേസിെൻറ അന്വേഷണച്ചുമതലയുണ്ടായിരുന്നവർ ഉൾപ്പെടെയുള്ള സി.ബി.ഐ ഉദ്യോഗസ്ഥരും തമ്മിൽ നടന്ന ഭൂമി ഇടപാടുകൾ അന്വേഷിക്കണമെന്ന ഹരജി ഹൈകോടതി തള്ളി. ഇതുസംബന്ധിച്ച തെൻറ ആവശ്യം തള്ളിയ തിരുവനന്തപുരം സി.ബി.ഐ കോടതി ഉത്തരവ് പുനഃപരിശോധിക്കണമെന്ന് ആവശ്യപ്പെട്ട് ഐ.എസ്.ആർ.ഒ ഗൂഢാലോചനക്കേസിലെ ഒന്നാം പ്രതി എസ്. വിജയൻ നൽകിയ ഹരജിയാണ് ജസ്റ്റിസ് ആർ. നാരായണ പിഷാരടി തള്ളിയത്.
അതേസമയം, മതിയായ തെളിവുണ്ടെങ്കിൽ അന്വേഷണ ആവശ്യവുമായി ഹരജിക്കാരന് വീണ്ടും സി.ബി.ഐ പ്രത്യേക കോടതിയെ സമീപിക്കാമെന്നും കോടതി വ്യക്തമാക്കി.
ചാരക്കേസ് അന്വേഷണം അട്ടിമറിക്കാൻ 2004ൽ സി.ബി.ഐ ഉദ്യോഗസ്ഥനായിരുന്ന ഡി.ഐ.ജി രാജേന്ദ്ര നാഥ് കൗളിനടക്കം തമിഴ്നാട്ടിലെ തിരുനെൽവേലി ജില്ലയിലെ നാങ്കുനേരിയിലുള്ള സ്ഥലം നമ്പി നാരായണൻ സമ്മാനമായി എഴുതി നൽകിയെന്നാണ് ഹരജിയിൽ ആരോപിക്കുന്നത്. ഇതിെൻറ അടിസ്ഥാനത്തിലാണ് ഐ.എസ്.ആർ.ഒ ചാരക്കേസ് എഴുതിത്തള്ളണമെന്ന് അന്വേഷണസംഘം കോടതിയിൽ റിപ്പോർട്ട് നൽകിയത്. രാജേന്ദ്ര നാഥ് കൗൾ അടക്കമുള്ളവരെ എതിർകക്ഷിയാക്കിയാണ് ഹരജി.
ആരോപണങ്ങൾ ബാലിശമാണെന്ന് വിലയിരുത്തിയാണ് സ്പെഷൽ കോടതി ഹരജി തള്ളിയത്. അടിസ്ഥാനരഹിത ആരോപണങ്ങളാണ് ഹരജിക്കാരൻ ഉന്നയിച്ചിരിക്കുന്നതെന്ന പ്രത്യേക കോടതി ഉത്തരവ് ഹൈകോടതിയും ശരിവെച്ചു. അഴിമതിവിരുദ്ധ നിയമ പ്രകാരം അന്വേഷണം നടത്താനുള്ള ഘടകങ്ങൾ പ്രഥമദൃഷ്ട്യാ പരാതിയിലില്ല. ചാരക്കേസ് എഴുതിത്തള്ളാൻ റിപ്പോർട്ട് നൽകി എട്ടുവർഷത്തിനുശേഷം നടന്ന ഭൂമി ഇടപാടിെൻറ പേരിൽ അഴിമതി നിരോധന നിയമം ബാധകമാകില്ല. ഹരജിക്കാരൻ ഹാജരാക്കിയിരിക്കുന്ന രേഖകൾ സംശയാതീതമല്ലെന്നും കോടതി ചൂണ്ടിക്കാട്ടി. തുടർന്നാണ് ഹരജി തള്ളിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.