മുക്കുപണ്ടം പണയംവെച്ച്​ വായ്പ തട്ടിപ്പ്; യുവാവ്​ അറസ്റ്റിൽ

മ​ല്ല​പ്പ​ള്ളി: സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ മു​ക്കു​പ​ണ്ടം പ​ണ​യം​വെ​ച്ച് ര​ണ്ടേ​മു​ക്കാ​ൽ ല​ക്ഷ​ത്തോ​ളം രൂ​പ വാ​യ്പ​യെ​ടു​ത്ത് ത​ട്ടി​പ്പ് ന​ട​ത്തി​യ കേ​സി​ൽ യു​വാ​വ്​ അ​റ​സ്റ്റി​ൽ. ച​ങ്ങ​നാ​ശ്ശേ​രി പെ​രു​ന്ന എ​ൻ.​എ​സ്.​എ​സ് കോ​ള​ജി​ന് സ​മീ​പം പ​ടി​ഞ്ഞാ​റെ പു​ത്ത​ൻ​പു​ര​യി​ൽ വീ​ട്ടി​ൽ ഡി. ​ദി​ൽ​ജി​ത്താ​ണ്​ (26) കീ​ഴ്‌​വാ​യ്‌​പ്പൂ​ര്​ പൊ​ലീ​സി​ന്റെ പി​ടി​യി​ലാ​യ​ത്.

കു​ന്ന​ന്താ​നം മാ​ന്താ​നം കോ​ള​നി​പ്പ​ടി ഗീ​താ​ഞ്‌​ജ​ലി വീ​ട്ടി​ൽ രാ​മ​ച​ന്ദ്ര​ൻ പി​ള്ള​യു​ടെ മാ​ന്താ​ന​ത്തെ ഗീ​താ​ഞ്‌​ജ​ലി ധ​ന​കാ​ര്യ സ്ഥാ​പ​ന​ത്തി​ലാ​ണ് നാ​ലു​ത​വ​ണ​യാ​യി 67.700 ഗ്രാം ​മു​ക്കു​പ​ണ്ടം പ​ണ​യം​വെ​ച്ച് പ​ണം ത​ട്ടി​യ​ത്.

ക​ഴി​ഞ്ഞ മേ​യ്​ 20 മു​ത​ൽ സെ​പ്റ്റം​ബ​ർ 15 വ​രെ​യാ​ണ് ഇ​ത്ത​ര​ത്തി​ൽ വാ​യ്പ​യെ​ടു​ത്ത​ത്. രാ​മ​ച​ന്ദ്ര​ൻ പി​ള്ള​യു​ടെ പ​രാ​തി​പ്ര​കാ​ര​മാ​ണ്​ കേ​സ്​ എ​ടു​ത്ത​ത്. മാ​ന്താ​ന​ത്ത് നാ​ട്ടു​കാ​ർ ത​ട​ഞ്ഞു​വെ​ച്ച ദി​ൽ​ജി​ത്തി​നെ പൊ​ലീ​സ്​ ക​സ്റ്റ​ഡി​യി​ലെ​ടു​ത്തു. കൂ​ടു​ത​ൽ ചോ​ദ്യം ചെ​യ്ത​പ്പോ​ൾ കോ​ട്ട​യം ഈ​സ്റ്റ്‌, തൃ​ക്കൊ​ടി​ത്താ​നം, ച​ങ്ങ​നാ​ശ്ശേ​രി, നെ​ടു​മു​ടി സ്റ്റേ​ഷ​നു​ക​ളി​ൽ വി​ശ്വാ​സ​വ​ഞ്ച​ന, ക​വ​ർ​ച്ച തു​ട​ങ്ങി​യ കേ​സു​ക​ളി​ൽ ഇ​യാ​ൾ പ്ര​തി​യാ​ണെ​ന്ന് പൊ​ലീ​സ്​ പ​റ​ഞ്ഞു. ഇ​യാ​ൾ ജാ​മ്യ​ത്തി​ലാ​യി​രു​ന്നു. പ്ര​തി​യെ കോ​ട​തി​യി​ൽ ഹാ​ജ​രാ​ക്കി.