ഭാര്യ ആത്മഹത്യ ചെയ്തു; ആറു വർഷത്തിനു ശേഷം മഹാരാഷ്​ട്ര യുവാവിന് ജയിൽ മോചനം

താനെ: മഹാരാഷ്ട്രയിലെ താനെ ജില്ലയിൽ യുവതിയു​ടെ ആത്മഹത്യയുമായി ബന്ധപ്പെട്ട് ശിക്ഷയനുഭവിക്കുകയായിരുന്ന ദമ്പതികളും മകനും ജയിൽ മോചിതരായി. 2017 ജനുവരിയിലാണ് യാഗസ്വാമി പിരാലയുടെ ഭാര്യയായിരുന്ന ലക്ഷ്മി ആത്മഹത്യ ചെയ്തത്.

ഭർതൃവീട്ടിലെ പീഡന​ങ്ങൾക്കൊടുവിലായിരുന്നു ആത്മഹത്യ. പെൺകുഞ്ഞിനെ പ്രസവിച്ചാൽ ഗുരുതര പ്രത്യാഘാതം നേരിടേണ്ടി വരുമെന്നും ലക്ഷ്മിയെ ഭർതൃവീട്ടുകാർ ഭീഷണിപ്പെടുത്തിയിരുന്നതായി പ്രോസിക്യൂഷൻ പറഞ്ഞു. യുവതിയുടെ ഭർതൃമാതാവും പിതാവുമായ മസ്താൻ നരസിംഹയെയും മംഗളാമ്മയെയും ഭർത്താവിനെയും ആത്മഹത്യ പ്രേരണക്കുറ്റം ചുമത്തിയാണ് ശിക്ഷിച്ചത്.

അതെസമയം ഇവർക്കെതിരായ കുറ്റം തെളിയിക്കുന്നതിൽ പ്രോസിക്യൂഷൻ പരാജ​യപ്പെട്ടുവെന്നാരോപിച്ചാണ് സെഷൻസ് ജഡ്ജി രചന ആർ തെഹ്റ മൂവരെയും കുറ്റവിമുക്തരാക്കിയത്.