ബാർ ജീവനക്കാരനെ കുത്തിയയാൾ പിടിയിൽ

കൊല്ലം: ഇതരസംസ്ഥാനക്കാരനായ ബാർ ജീവനക്കാരനെ കുത്തി കൊലപ്പെടുത്താൻ ശ്രമിച്ചയാളെ പൊലീസ് പിടികൂടി. കൊല്ലം പള്ളിത്തോട്ടം നീലാംതോട്ടം അനിൽ ഭവനിൽ മണികണ്ഠൻ ആണ് (42) പൊലീസ് പിടിയിലായത്. കോട്ടമുക്കിലുളള ബാർ ഹോട്ടലിൽ മണികണ്ഠൻ മദ്യപിച്ച ശേഷം ട്രേയിൽ ഗ്ലാസുകളുമായി പോയ ക്ലീനിങ് സ്റ്റാഫായ അസം സ്വദേശി അസ്ഹറുളിനോട് ഇയാൾ കുപ്പി ആവശ്യപ്പെട്ടു. ഇത് നിരസിച്ച വിരോധത്തിലാണ് ആക്രമിച്ചത്. കൊല്ലം വെസ്റ്റ് ഇൻസ്പെക്ടർ ബി. ഷെഫീക്കിന്‍റെ നേതൃത്വത്തിൽ എസ്.ഐമാരായ കെ.ജി. ശ്യാം കുമാർ, ഹസൻകുഞ്ഞ്, എ.എസ്.ഐ സിദ്ദീഖ് ഉൾ അക്ബർ, സി.പി.ഒ വിനോദ്, ബാസ്റ്റിൻ എന്നിവരടങ്ങിയ സംഘമാണ് പ്രതിയെ പിടികൂടിയത്.