രോ​ഗി​യു​ടെ കൂട്ടിരിപ്പുകാരനെ മർദിച്ച സുരക്ഷ ജീവനക്കാർ അറസ്റ്റിൽ

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ രോ​ഗി​യു​ടെ കൂ​ട്ടി​രി​പ്പു​കാ​ര​നാ​യ യു​വാ​വി​നെ ക്രൂ​ര​മാ​യി മ​ർ​ദി​ച്ച സു​ര​ക്ഷ ജീ​വ​ന​ക്കാ​ർ അറസ്റ്റിൽ. സ്വകാര്യ സുരക്ഷാ ജീവനക്കാരായ വിഷ്ണു, രതീഷ് എന്നിവരെ മെ​ഡി​ക്ക​ൽ കോ​ള​ജ് പൊ​ലീ​സ് ആണ് അറസ്റ്റ് ചെയ്തത്. മ​ർ​ദ​നം സം​ബ​ന്ധി​ച്ച്​ അ​രു​ൺ​ദേ​വ് നൽകിയ പ​രാ​തിയിലാണ് പൊ​ലീ​സി​ന്‍റെ നടപടി.

വെ​ള്ളി​യാ​ഴ്ച രാ​വി​ലെ ഏ​ഴോ​ടെയാണ് രോ​ഗി​യു​ടെ കൂ​ട്ടി​രി​പ്പു​കാ​ര​നാ​യ ചി​റ​യി​ൽ​കീ​ഴ് കി​ഴു​വി​ലം സ്വ​ദേ​ശി അ​രു​ൺ​ ദേ​വിനെ (28) സു​ര​ക്ഷ ജീ​വ​ന​ക്കാ​ർ സം​ഘം ചേ​ർ​ന്ന്​ ക്രൂ​ര​മാ​യി മ​ർ​ദി​ച്ച​വ​ശ​നാ​ക്കിയത്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പ​ഴ​യ മോ​ർ​ച്ച​റി ഗേ​റ്റി​ലാ​യി​രു​ന്നു സം​ഭ​വം. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലു​ള്ള മു​ത്ത​ശ്ശി​ക്ക്​​ അ​രു​ൺ​ദേ​വാ​ണ് ആ​ശു​പ​ത്രി​യി​ൽ കൂ​ട്ടി​രി​ക്കു​ന്ന​ത്. വെ​ള്ളി​യാ​ഴ്ച രാ​വി​ലെ മു​ത്ത​ശ്ശി​യു​ടെ പ​രി​ശോ​ധ​നാ ഫ​ല​ങ്ങ​ൾ വാ​ങ്ങാ​നാ​യി ആ​ശു​പ​ത്രി​ക്ക് പു​റ​ത്തി​റ​ങ്ങി​യ അ​രു​ൺ​ദേ​വ് തി​രി​കെ വ​രു​മ്പോ​ൾ ബ​ന്ധു​കൂ​ടി ഒ​പ്പ​മു​ണ്ടാ​യി​രു​ന്നു. മോ​ർ​ച്ച​റി​ക്കു സ​മീ​പ​ത്തെ ഗേ​റ്റി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന സു​ര​ക്ഷ ജീ​വ​ന​ക്കാ​ര​നോ​ട് ബ​ന്ധു​വി​നെ കൂ​ടി ഉ​ള്ളി​ൽ പ്ര​വേ​ശി​പ്പി​ക്ക​ണ​മെ​ന്ന് അ​ര​ു​ൺ​ദേ​വ്​ അ​ഭ്യ​ർ​ഥി​ച്ചു.

ഇ​ത്​ അ​നു​വ​ദി​ക്കാ​ൻ വി​സ​മ്മ​തി​ച്ച ​സു​ര​ക്ഷ ജീ​വ​ന​ക്കാ​ര​ൻ പ്ര​വേ​ശ​ന പാ​സ് വാ​ങ്ങി പ​രി​ശോ​ധി​ച്ച ശേ​ഷം മ​ട​ക്കി ന​ൽ​കി​യി​ല്ല. പാ​സ് മ​ട​ക്കി​ന​ൽ​ക​ണ​മെ​ന്ന് അ​രു​ൺ​ദേ​വ് ആ​വ​ശ്യ​പ്പെ​ട്ട​തോ​ടെ, സു​ര​ക്ഷ ജീ​വ​ന​ക്കാ​ര​ൻ പാ​സ് കീ​റി​യെ​റി​ഞ്ഞു. ഇ​തി​നെ തു​ട​ർ​ന്നു​ണ്ടാ​യ വാ​ക്കു​ത​ർ​ക്ക​ത്തി​നൊ​ടു​വി​ൽ അ​രു​ൺ​ദേ​വി​നെ ഒ​രു സു​ര​ക്ഷ ഉ​ദ്യോ​ഗ​സ്ഥ​ൻ പി​ടി​ച്ചു​ത​ള്ളി. സം​ഭ​വം ഇ​വി​ടെ​യ​ു​ണ്ടാ​യി​രു​ന്ന ചി​ല​ർ മൊ​ബൈ​ൽ കാ​മ​റ​ക​ളി​ൽ പ​ക​ർ​ത്താ​ൻ തു​ട​ങ്ങി​യ​തോ​ടെ അ​രു​ൺ​ദേ​വി​നെ സു​ര​ക്ഷ ഉ​ദ്യോ​ഗ​സ്ഥ​ർ ബ​ല​മാ​യി പി​ടി​ച്ചു​വ​ലി​ച്ച്‌ സെ​ക്യൂ​രി​റ്റി റൂ​മി​നു പി​ന്നി​ലേ​ക്ക് കൊ​ണ്ടു​പോ​യി സം​ഘം ചേ​ർ​ന്ന് ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു. മ​റ്റു​ള്ള​വ​ർ ഉ​ള്ളി​ലേ​ക്ക് ക​ട​ക്കാ​തി​രി​ക്കാ​ൻ ഗേ​റ്റ് അ​ട​ച്ചി​ട്ടാ​യി​രു​ന്നു മ​ർ​ദ​നം.

സം​ഘം ചേ​ർ​ന്നു​ള്ള മ​ർ​ദ​ന​ത്തി​ൽ അ​വ​ശ​നി​ല​യി​ലാ​യ അ​രു​ൺ​ദേ​വി​നെ ഒ​പ്പ​മു​ണ്ടാ​യി​രു​ന്ന ബ​ന്ധു മെ​ഡി​ക്ക​ൽ കോ​ള​ജി​ലെ അ​ത്യാ​ഹി​ത വി​ഭാ​ഗ​ത്തി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. മ​ർ​ദ​നം മൊ​ബൈ​ൽ കാ​മ​റ​ക​ളി​ൽ പ​ക​ർ​ത്തി​യ ചി​ല​ർ സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​െ​വ​ച്ച​തോ​ടെ​യാ​ണ് സം​ഭ​വം പു​റ​ത്ത​റി​ഞ്ഞ​ത്.

സം​ഭ​വ​ം വിവാദമായതോടെ അ​ന്വേ​ഷി​ച്ച് അ​ടി​യ​ന്ത​ര ന​ട​പ​ടി സ്വീ​ക​രി​ക്കാ​ന്‍ ആ​രോ​ഗ്യ ​മ​ന്ത്രി വീ​ണ ജോ​ര്‍ജ് മെ​ഡി​ക്ക​ല്‍ വി​ദ്യാ​ഭ്യാ​സ ഡ​യ​റ​ക്ട​ര്‍ക്ക് നി​ര്‍ദേ​ശം ന​ല്‍കിയിരുന്നു. സം​ഭ​വം സം​ബ​ന്ധി​ച്ച് സെ​ക്യൂ​രി​റ്റി ഓ​ഫി​സ​റും അ​ധി​കൃ​ത​ർ​ക്ക് റി​പ്പോ​ർ​ട്ട് സ​മ​ർ​പ്പി​ക്കും. സ്വ​കാ​ര്യ സെ​ക്യൂ​രി​റ്റി ഏ​ജ​ൻ​സി​ക്കാ​ണ്​ മെ​ഡി​ക്ക​ൽ കോ​ള​ജി​ലെ സു​ര​ക്ഷ ചു​മ​ത​ല​യു​ടെ ക​രാ​ർ ന​ൽ​കി​യി​രി​ക്കു​ന്ന​ത്. സെ​ക്യൂ​രി​റ്റി ജീ​വ​ന​ക്കാ​രു​ടെ മോ​ശ​മാ​യ പെ​രു​മാ​റ്റം സം​ബ​ന്ധി​ച്ച്​ നി​ര​വ​ധി പ​രാ​തി​ക​ളാ​ണു​ള്ള​ത്​.