നെടുമ്പാശ്ശേരിയിൽ 60 കോടിയുടെ മയക്കുമരുന്നുമായി ഒരാൾ പിടിയിൽ
text_fieldsനെടുമ്പാശ്ശേരി: കസ്റ്റംസിെൻ റ കണ്ണുവെട്ടിച്ച് കൊണ്ടുവന്ന 60 കോടി രൂപയുടെ മയക്കുമരുന്ന് കൊച്ചി രാജ്യാന്തര വിമാനത്താവളത്തിൽ സുരക്ഷ വിഭാഗം പിടികൂടി. സിംബാബ്വെയിൽനിന്ന് ഖത്തർ എയർവേസ് വിമാനത്തിൽ ദോഹ വഴിയെത്തിയ പാലക്കാട് സ്വദേശി മുരളീധരൻ നായരിൽനിന്നാണ് 30 കിലോ മയക്കുമരുന്ന് പിടികൂടിയത്.
കൊച്ചിയിൽ മയക്കുമരുന്നടങ്ങിയ ബാഗ് ഇറക്കിയശേഷം എയർ ഏഷ്യ വിമാനത്തിൽ കയറ്റി ഡൽഹിയിലേക്ക് കൊണ്ടുപോകാനായിരുന്നു ശ്രമം. ഇതിനു മുമ്പ് ലഗേജ് സുരക്ഷ വിഭാഗത്തിന്റെ 3ഡി എം.ആർ.ഐ സ്കാനിങ്ങിൽ പരിശോധിച്ചപ്പോഴാണ് മയക്കുമരുന്നാണെന്ന് തിരിച്ചറിഞ്ഞത്. രാജ്യാന്തര വിപണിയിൽ കിലോക്ക് രണ്ടുകോടി രൂപ വരെ ഇതിന് വിലയുണ്ട്. കൂടുതൽ പരിശോധനക്കായി മയക്കുമരുന്നിന്റെ സാമ്പിൾ ലബോറട്ടറിയിലേക്ക് അയച്ചു. തുടരന്വേഷണത്തിനായി പ്രതിയെ കേന്ദ്ര നാർകോട്ടിക് കൺട്രോൾ വിഭാഗം കസ്റ്റഡിയിൽവാങ്ങും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.