'മാഫിയ ഡോൺ ആകണം'; തോക്കുചൂണ്ടുന്ന വിഡിയോയിൽ പാട്ടും ചേർത്ത്​ പോസ്റ്റ്​ ചെയ്​തു; കിട്ടിയത്​ മുട്ടൻപണി

ലഖ്​നോ: ഉത്തർപ്രദേശിലെ ഗാസിയാബാദിൽ മാഫിയ ഡോൺ ആകണമെന്ന ആഗ്രഹം വെളിപ്പെടുത്തി തോക്ക്​ ചൂണ്ടുന്ന വിഡിയോ സമൂഹമാധ്യമങ്ങളിൽ പോസ്റ്റ്​ ചെയ്​ത യുവാവ്​ അറസ്റ്റിൽ. ഗാസിയാബാദ്​ സ്വദേശിയായ റിതിക്​ മാലിക്കാണ്​ അറസ്റ്റിലായത്​. തോക്കു ചൂണ്ടി നിൽകുന്ന വിഡ​ിയോ സ്വയം ഷൂട്ട്​ ചെയ്യുകയും ​ബോളിവുഡ്​ ഗാനത്തിനൊപ്പം ചേർത്ത്​ സമൂഹമാധ്യമങ്ങളിൽ പോസ്റ്റ്​ ചെയ്യുകയുമായിരുന്നു. പടിഞ്ഞാറൻ യു.പിയിലെ മാഫിയ ഡോണാകണമെന്നാണ്​ വിഡിയോയിലൂടെ വെളിപ്പെടുത്തിയ ആഗ്രഹം.

വിഡിയോ സമൂഹമാധ്യമങ്ങളിലൂടെ വൻതോതിൽ പ്രചരിക്കുകയും വൈറലാകുകയുമായിരുന്നു. ഇതോടെ ഇയാൾ പൊലീസിന്‍റെ നിരീക്ഷണത്തിലാകുകയും ചെയ്​തു. പിന്നീട്​ മാലിക്കിന്‍റെ കൈവശം സൂക്ഷിച്ച തോക്ക്​ ​കണ്ടെടുക്കുകയും ​ഇയാ​െള അറസ്റ്റ്​ ചെയ്യുകയുമായിരുന്നുവെന്ന്​ സിറ്റി സ്​റ്റേഷൻ ഹൗസ്​ ഓഫിസർ സന്ദീപ്​ കുമാർ സിങ്​ പറയുന്നു.

താൻ ഉപയോഗിച്ച രണ്ടു തോക്കുകളിൽ ഒന്ന്​ കളിത്തോക്കായിരുന്നുവെന്നാണ്​ മാലിക്കിന്‍റെ പ്രതികരണം. ആളുകളിൽ ഭയം ഉണ്ടാക്കുന്നതിന്​ വേണ്ടിയാണ്​ അത്​ ചെയ്​തന്നെും ഒരു​ ക്രിമിനൽ സംഘത്തിന്‍റെ തലവൻ ആകാനാണ്​ ആഗ്രഹമെന്നും മാലിക്​ പറഞ്ഞിരുന്നു.

മാലിക്ക്​ അറസ്റ്റിലായതിന്​ ശേഷം ഗാസിയബാദ്​ എസ്​.പി ചിത്രങ്ങൾ ട്വിറ്ററിൽ പോസ്റ്റ്​ ചെയ്​തു. 'തോക്കുകളോട്​ ഏറെ ഇഷ്ടമുള്ളയാൾ ജയിലിൽ എത്തിയിട്ടുണ്ട്​. എങ്കിലും അവൻ ത​െന്‍റ തെറ്റ്​ അംഗീകരിച്ചുവെന്നത്​ വളരെ വലിയ കാര്യമാണ്​. ഭാവിയിൽ നല്ലതുവ​ര​േട്ട' -അദ്ദേഹം ട്വീറ്റ്​ ചെയ്​തു.

ട്വിറ്ററിൽ അദ്ദേഹം പങ്കുവെച്ച ചിത്രങ്ങളിൽ ഒന്നിൽ തനിക്ക്​ മാഫിയ ഡോൺ ആകാനാണ്​ ആഗ്രഹമെന്നും മറ്റൊന്നിൽ എനിക്ക്​ മാഫിയ ഡോൺ ആകണ്ട, സാധാരണ മനുഷ്യനായാൽ മതിയെന്നുമുള്ള വാചകങ്ങളും പങ്കുവെച്ചിട്ടുണ്ട്​.