മുൻഭാര്യയെ കത്രികകൊണ്ട് കുത്താൻ ശ്രമിച്ച യുവാവ് അറസ്റ്റിൽ
text_fieldsജോൺ മാനുവൽ
ആലപ്പുഴ: മുൻഭാര്യയെ കത്രികകൊണ്ട് കുത്താൻ ശ്രമിച്ച യുവാവ് അറസ്റ്റിൽ. ആലപ്പുഴ മുനിസിപ്പാലിറ്റി റെയിൽവേ സ്റ്റേഷൻ വാർഡ് തിരുവമ്പാടി തൈപറമ്പിൽ വീട്ടിൽ ജോൺ മാനുവലിനെയാണ് (41) സൗത്ത് പൊലീസ് അറസ്റ്റ് ചെയ്തത്.
തിങ്കളാഴ്ച രാത്രി എട്ടിന് ആലപ്പുഴ റെയിൽവേ സ്റ്റേഷന് സമീപത്തെ തപാൽ സൂപ്രണ്ട് ഓഫിസിന് മുന്നിലായിരുന്നു സംഭവം. ആലപ്പുഴയിലെ സ്വകാര്യസ്ഥാപനത്തിൽനിന്ന് ജോലികഴിഞ്ഞ് വീട്ടിലേക്ക് മടങ്ങിയ 32കാരിയാണ് ആക്രമണത്തിന് ഇരയായത്.
പാതയോരത്ത് പതിയിരുന്ന ഇയാൾ യുവതിയെ ഓടിച്ചിട്ട് കത്രിക ഉപയോഗിച്ച് കുത്താൻശ്രമിച്ചു.
ഓട്ടത്തിനിടെ വീണ ഇയാളെ നാട്ടുകാർ ചേർന്ന് പിടികൂടുകയായിരുന്നു. വീഴ്ചയിൽ ഇയാളുടെ കൈക്കും പരിക്കേറ്റിരുന്നു. രണ്ടുവർഷംമുമ്പ് വിവാഹബന്ധം വേർപെടുത്തിയിരുന്നു.
എന്നിട്ടും ശല്യംചെയ്യുകയാണെന്ന് ചൂണ്ടിക്കാട്ടി യുവതി ഒരുമാസം മുമ്പ് പൊലീസിൽ പരാതി നൽകിയിരുന്നു.
ഇതിന് പിന്നാലെയാണ് കൊലപ്പെടുത്തുകയെന്ന ലക്ഷ്യത്തോടെ കത്രികയുമായി ഇയാൾ എത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.