മാനാഞ്ചിറ ടി.ടി.ഐ കവർച്ച: പ്രതി പിടിയിൽ

കോഴിക്കോട്: സിറ്റി പൊലീസ് മേധാവിയുടെ ഓഫിസിന് സമീപം നടന്ന കവർച്ചക്കേസിൽ പ്രതി അറസ്റ്റിൽ. മാനാഞ്ചിറ ഗവ. ടി.ടി.ഐ (മെൻ) സ്കൂളിലെ വാതിൽ പൊളിച്ച് ആറ് ലാപ്ടോപ്പും 3800 രൂപയും മോഷ്ടിച്ച കേസിലെ പ്രതി തൃശൂർ ചാഴൂർ വട്ടപ്പറമ്പിൽ വി.ആർ. വിഷ്ണുവാണ് (25) അറസ്റ്റിലായത്. മാർച്ച് 10നായിരുന്നു മോഷണം.

കസബ പൊലീസാണ് കേസ് അന്വേഷിച്ചത്. ഒന്നര ലക്ഷം രൂപയുടെ ലാപ്ടോപ് നഷ്ടപ്പെട്ടുവെന്നായിരുന്നു പരാതി. കമീഷണറുടെ ഓഫിസിന് സമീപത്തെ കവർച്ച പൊലീസിന് നാണക്കേടുണ്ടാക്കിയിരുന്നു. പ്രതിയെ റിമാൻഡ് ചെയ്തു.