എം.ഡി.എം.എ കേസ്: ഒരാൾകൂടി പിടിയിൽ

കൊച്ചി: കാക്കനാട് എം.ഡി.എം.എ കേസിൽ ഒരാൾകൂടി അറസ്​റ്റിൽ. മുഖ്യപ്രതികളെ സാമ്പത്തികമായി സഹായിക്കുകയും മയക്കുമരുന്ന് ചില്ലറ വിൽപന നടത്തുകയും ചെയ്ത തൃശൂർ മുകുന്ദപുരം സ്വദേശി തേവർപറമ്പിൽ ടി.എസ്. അനീഷിനെ (24) ആയാണ് എക്സൈസ് ക്രൈംബ്രാഞ്ച് അറസ്​റ്റ്​ ചെയ്തത്.

മുഖ്യപ്രതികളായ മൂന്നുപേരുടെ ബാങ്ക് അക്കൗണ്ടിലേക്കും അനീഷ് പണം അയച്ചു നൽകിയതായി കണ്ടെത്തി. ഇയാൾ ഇത്തരത്തിൽ മയക്കുമരുന്ന് വാങ്ങാൻ ലക്ഷങ്ങൾ നൽകിയിട്ടുണ്ട്. എറണാകുളത്ത് ഇയാൾ വലിയ തോതിൽ മയക്കുമരുന്ന് ചില്ലറ വിൽപന നടത്തിയതായി വാട്ട്സ്​ആപ്പ് ചാറ്റ് പരിശോധിച്ചതിലൂടെ തിരിച്ചറിഞ്ഞു.

എക്സൈസ് ക്രൈംബ്രാഞ്ച് ആസ്ഥാനത്ത് ചോദ്യം ചെയ്യലിന് വിളിച്ചുവരുത്തി അസിസ്​റ്റൻറ്​ കമീഷണർ ടി.എം. കാസിം അറസ്​റ്റ്​ ചെയ്യുകയായിരുന്നു.