കൊച്ചിയിലേക്ക് ഒഴുകുന്നു എം.ഡി.എം.എ

കൊ​ച്ചി: അ​ന്വേ​ഷ​ണ​ങ്ങ​ളും അ​റ​സ്റ്റും സ​ജീ​വ​മാ​ണെ​ങ്കി​ലും മാ​ര​ക മ​യ​ക്കു​മ​രു​ന്നാ​യ എം.​ഡി.​എം.​എ​യു​ടെ കൊ​ച്ചി​യി​ലേ​ക്കു​ള്ള ഒ​ഴു​ക്ക് നി​ല​ക്കാ​തെ തു​ട​രു​ന്നു. ക​ഴി​ഞ്ഞ ഒ​രു​മാ​സ​ത്തി​നി​ടെ ല​ക്ഷ​ങ്ങ​ളു​ടെ എം.​ഡി.​എം.​എ​യാ​ണ് പൊ​ലീ​സും എ​ക്സൈ​സും ജി​ല്ല​യി​ൽ പി​ടി​കൂ​ടി​യ​ത്. ഒ​രി​ക്ക​ൽ കേ​സി​ൽ അ​ക​പ്പെ​ട്ട​യാ​ൾ വീ​ണ്ടും മ​യ​ക്കു​മ​രു​ന്നു​മാ​യി പി​ടി​കൂ​ടി​യ സം​ഭ​വ​മ​ട​ക്കം നി​ര​വ​ധി കേ​സു​ക​ൾ ര​ജി​സ്റ്റ​ർ ചെ​യ്യ​പ്പെ​ട്ടു. ക​ട​വ​ന്ത്ര​യി​ൽ ഏ​താ​നും ദി​വ​സം മു​മ്പ് ന​ട​ന്ന എ​ക്സൈ​സ് മി​ന്ന​ൽ പ​രി​ശോ​ധ​ന​യി​ൽ ല​ഹ​രി മാ​ഫി​യ​യു​ടെ മു​ഖ്യ​ക​ണ്ണി​യാ​ണ് കു​ടു​ങ്ങി​യ​ത്.

9.053ഗ്രാം ​എം.​ഡി.​എം.​എ​യാ​ണ് ഇ​യാ​ളു​ടെ പ​ക്ക​ൽ അ​റ​സ്റ്റി​ലാ​കു​മ്പോ​ൾ ഉ​ണ്ടാ​യി​രു​ന്ന​ത്. സി​ന്ത​റ്റി​ക്ക് ഡ്ര​ഗ്സ് ഇ​ന​ത്തി​ൽ​പ്പെ​ട്ട എം.​ഡി.​എം.​എ ഒ​രു ഗ്രാം ​കൈ​വ​ശം വെ​ച്ചാ​ൽ 10 വ​ർ​ഷം ത​ട​വും ഒ​രു ല​ക്ഷം രൂ​പ പി​ഴ​യും കി​ട്ടു​ന്ന കു​റ്റ​മാ​ണ്. ബം​ഗ​ളൂ​രു, ഗോ​വ എ​ന്നി​വി​ട​ങ്ങ​ളി​ൽ നി​ന്നാ​ണ് കൊ​ച്ചി​യി​ലേ​ക്ക് മു​ഖ്യ​മാ​യും ഈ ​ല​ഹ​രി എ​ത്തു​ന്ന​തെ​ന്ന് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്നു. ഒ​രു ഗ്രാ​മി​ന് 2500 രൂ​പ​ക്ക് ബം​ഗ​ളൂ​രു​വി​ൽ നി​ന്ന് വാ​ങ്ങി കൊ​ച്ചി​യി​ൽ കൊ​ണ്ട് വ​ന്ന് ഏ​ക​ദേ​ശം 4000 മു​ത​ൽ 6000 രൂ​പ വ​രെ നി​ര​ക്കി​ലാ​ണ് കൊ​ച്ചി​യി​ൽ വി​ൽ​പ​ന.

പി​ടി​ക്ക​പ്പെ​ടാ​തി​രി​ക്കാ​ൻ പ​യ​റ്റു​ന്ന​ത്​ പ​ല വ​ഴി​ക​ൾ

പൊ​ലീ​സി​ന്‍റെ ‘വ​ല’​യി​ൽ അ​ക​പ്പെ​ടാ​തി​രി​ക്കാ​ൻ ല​ഹ​രി​ക​ട​ത്ത് സം​ഘ​ങ്ങ​ൾ നേ​രി​ട്ടു​ള്ള ഇ​ട​പാ​ടു​ക​ൾ കു​റ​ച്ച്, പ​ക​രം ആ​വ​ശ്യ​ക്കാ​ർ​ക്ക് വി​വി​ധ സോ​ഷ്യ​ൽ ആ​പ്പു​ക​ൾ വ​ഴി​യും ഇ​ട​നി​ല​ക്കാ​ർ മു​ഖാ​ന്തി​ര​വും വി​ത​ര​ണം ചെ​യ്യു​ന്ന രീ​തി​യാ​ണ് ഇ​പ്പോ​ൾ സ്വീ​ക​രി​ക്കു​ന്ന​ത്. സം​ശ​യി​ക്കാ​തി​രി​ക്കാ​ൻ ആ​ഡം​ബ​ര ഹോ​ട്ട​ലു​ക​ൾ കേ​ന്ദ്രീ​ക​രി​ച്ച് സ്ത്രീ​ക​ളെ മു​ൻ​നി​ർ​ത്തി ക​ച്ച​വ​ടം ന​ട​ത്തു​ന്ന​വ​രു​മു​ണ്ട്. ന​ഗ​ര​ത്തി​ലെ ആ​ഢം​ബ​ര ഹോ​ട്ട​ലി​ൽ നി​ന്ന് 19.82 ഗ്രാം ​എം.​ഡി.​എം.​എ​യും 4.5 ഗ്രാം ​ഹാ​ഷി​ഷ്​ ഓ​യി​ലു​മാ​യി യു​വ​തി​യു​ൾ​പ്പെ​ടെ മൂ​ന്നു​പേ​ർ ഏ​താ​നും ദി​വ​സം മു​മ്പ് പൊ​ലീ​സ്​ പി​ടി​യി​ലാ​യി​രു​ന്നു.

ആ​യു​ധ​ങ്ങ​ള​ട​ക്ക​മാ​ണ് മ​യ​ക്കു​മ​രു​ന്ന് മാ​ഫി​യ​യു​ടെ സ​ഞ്ചാ​ര​മെ​ന്നും സ​മീ​പ​കാ​ല സം​ഭ​വ​ങ്ങ​ളി​ലൂ​ടെ വ്യ​ക്ത​മാ​കു​ന്നു. ന​ഗ​ര​ത്തി​ലെ വി​വി​ധ ഓ​യോ ഹോ​ട്ട​ലി​ലും ലോ​ഡ്ജി​ലും ന​ട​ത്തി​യ പ​രി​ശോ​ധ​ന​യി​ൽ ല​ഹ​രി മ​രു​ന്നു​ക​ൾ​ക്കൊ​പ്പം എ​യ​ർ പി​സ്റ്റ​ലും പി​ടി​ച്ചെ​ടു​ത്തി​രു​ന്നു. ഇ​രു​ച​ക്ര​വാ​ഹ​ന​ങ്ങ​ളി​ലും കാ​റു​ക​ളി​ലും ന​ഗ​രം ചു​റ്റി ല​ഹ​രി എ​ത്തി​ക്കു​ന്ന സം​ഘ​ങ്ങ​ളു​മു​ണ്ട്.

കൂ​ടി​യ അ​ള​വി​ൽ എം.​ഡി.​എം.​എ കൊ​റി​യ​ർ സ​ർ​വി​സ് വ​ഴി ബം​ഗ​ളൂ​രു​വി​ൽ​നി​ന്ന് വാ​ങ്ങി ക​വ​റു​ക​ളി​ലാ​ക്കി ആ​വ​ശ്യ​ക്കാ​ർ പ​റ​യു​ന്നി​ട​ത്ത് എ​ത്തി​ക്കു​ന്ന രീ​തി​യു​മു​ണ്ട്. ആ​ളൊ​ഴി​ഞ്ഞ സ്ഥ​ല​ങ്ങ​ളി​ലും വാ​ഹ​ന​ങ്ങ​ളി​ലും വെ​ച്ച പൊ​തി​ക​ളു​ടെ ഫോ​ട്ടോ ഇ​ട​പാ​ടു​കാ​ർ​ക്ക് അ​യ​ച്ചു​കൊ​ടു​ത്താ​ണ് തു​ട​ർ​ന്നു​ള്ള ഇ​വ​രു​ടെ ഡെ​ലി​വ​റി. കൊ​റി​യ​ർ വ​ഴി​യു​ള്ള ല​ഹ​രി ക​ട​ത്ത് നി​യ​ന്ത്രി​ക്കു​ന്ന​തി​ന് ശ​ക്ത​മാ​യ ന​ട​പ​ടി അ​ധി​കൃ​ത​ർ സ്വീ​ക​രി​ച്ചി​ട്ടു​ണ്ട്. കേ​സി​ൽ അ​ക​പ്പെ​ട്ട​വ​രെ​യും കൂ​ട്ടാ​ളി​ക​ളെ​യും കേ​ന്ദ്രീ​ക​രി​ച്ചും നി​ര​ന്ത​ര നി​രീ​ക്ഷ​ണം തു​ട​രു​ക​യാ​ണ് ഉ​ദ്യോ​ഗ​സ്ഥ​ർ.

കൊ​ച്ചി സി​റ്റി പൊ​ലീ​സ് ബം​ഗ​ളൂ​രു​വി​ൽ

എം.​ഡി.​എം.​എ മാ​ഫി​യ​യെ​ക്കു​റി​ച്ച് അ​ന്വേ​ഷി​ക്കാ​ൻ കൊ​ച്ചി സി​റ്റി പൊ​ലീ​സ് സം​ഘം ബം​ഗ​ളൂ​രു​വി​ൽ. ക​ഴി​ഞ്ഞ ദി​വ​സം പി​ടി​യി​ലാ​യ അ​മ​ൽ​നാ​യ​രു​മാ​യി(​പ​പ്പ​ട​വ​ട അ​മ​ൽ) ബ​ന്ധ​പ്പെ​ട്ട കേ​സ​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​ണ് എ​റ​ണാ​കു​ളം സൗ​ത്ത് പൊ​ലീ​സ് ബം​ഗ​ളൂ​രു​വി​ലേ​ക്ക് പു​റ​പ്പെ​ട്ട​ത്. അ​വി​ടെ ല​ഹ​രി​മാ​ഫി​യ​യു​മാ​യി ബ​ന്ധ​പ്പെ​ട്ട ആ​ഫ്രി​ക്ക​ൻ സം​ഘ​ത്തി​ലേ​ക്ക് അ​ന്വേ​ഷ​ണം നീ​ളു​ന്ന​താ​യാ​ണ് വി​വ​രം. അ​മ​ൽ നാ​യ​ർ​ക്ക് അ​വ​രി​ൽ നി​ന്നാ​ണ് എം.​ഡി.​എം.​എ ല​ഭി​ച്ചി​രു​ന്ന​തെ​ന്നാ​ണ് സൂ​ച​ന​ക​ൾ. വി​ശ​ദ​മാ​യ തെ​ളി​വെ​ടു​പ്പും അ​ന്വേ​ഷ​ണ​വു​മാ​ണ് ന​ട​ക്കു​ന്ന​ത്. ചോ​ദ്യം ചെ​യ്യ​ലി​ൽ നി​ർ​ണാ​യ​ക വി​വ​രം ല​ഭി​ച്ച​തി​ന് പി​ന്നാ​ലെ​യാ​ണ് അ​ന്വേ​ഷ​ണം അ​വി​ടേ​ക്ക് വ്യാ​പി​പ്പി​ച്ച​ത്.