മെഡി. കോളജിൽ യുവതിയുടെ മരണം: മരുന്നി​ന്‍റെ പാർശ്വഫലമെന്ന് പോസ്റ്റ്മോർട്ടം റിപ്പോർട്ട്

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​​ള​ജ് ആ​ശു​പ​ത്രി​യി​ൽ കു​ത്തി​വെ​പ്പെ​ടു​ത്ത​യു​ട​ൻ യു​വ​തി മ​രി​ക്കാ​നി​ട​യാ​യ​ത് മ​രു​ന്നി​​ന്റെ പാ​ർ​ശ്വ​ഫ​ലം കാ​ര​ണ​മെ​ന്ന് പോ​സ്റ്റ്മോ​ർ​ട്ടം പ്രാ​ഥ​മി​ക റി​പ്പോ​ർ​ട്ട്. മ​രു​ന്ന് മാ​റി കു​ത്തി​വെ​ച്ചു എ​ന്ന ആ​രോ​പ​ണ​ത്തെ തു​ട​ർ​ന്ന് ന​ട​ത്തി​യ പോ​സ്റ്റ്മോ​ർ​ട്ട​ത്തി​ലാ​ണ് ക​ണ്ടെ​ത്ത​ൽ. റി​പ്പോ​ർ​ട്ട് കേ​സ് അ​ന്വേ​ഷി​ക്കു​ന്ന അ​സി. ക​മീ​ഷ​ണ​ർ കെ. ​സു​ദ​ർ​ശ​ന് ല​ഭി​ച്ചു. ആ​ന്ത​രി​കാ​വ​യ​വ​ങ്ങ​ളു​ടെ പ​രി​ശോ​ധ​ന റി​പ്പോ​ർ​ട്ട് ല​ഭി​ച്ചാ​ലേ മ​ര​ണ​കാ​ര​ണ​ത്തെ കു​റി​ച്ച് കൂ​ടു​ത​ൽ വ്യ​ക്ത​ത ല​ഭി​ക്കൂ എ​ന്ന് പൊ​ലീ​സ് പ​റ​ഞ്ഞു.

വ്യാ​ഴാ​ഴ്ച രാ​വി​ലെ​യാ​ണ് മ​രു​ന്ന് കു​ത്തി​വെ​ച്ച​തി​നെ തു​ട​ർ​ന്ന് കൂ​ട​ര​ഞ്ഞി സ്വ​ദേ​ശി സി​ന്ധു മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മ​രി​ച്ച​ത്. ന​ഴ്സ് മ​രു​ന്നു മാ​റി കു​ത്തി​വെ​ച്ച​താ​ണ് മ​ര​ണ​കാ​ര​ണ​മെ​ന്ന് ഭ​ർ​ത്താ​വും ബ​ന്ധു​ക്ക​ളും ആ​രോ​പി​ച്ചി​രു​ന്നു. പോ​സ്റ്റ്മോ​ർ​ട്ട​ത്തി​ന്റെ പ്രാ​ഥ​മി​ക റി​പ്പോ​ർ​ട്ടി​ലാ​ണ് മ​രു​ന്ന് മാ​റി​യി​ട്ടി​ല്ലെ​ന്ന് വ്യ​ക്ത​മാ​യ​ത്. ന​ഴ്സ് ഫോ​ണി​ൽ സം​സാ​രി​ച്ചു​കൊ​ണ്ടാ​ണ് കു​ത്തി​വെ​ച്ച​തെ​ന്നും രോ​ഗി അ​സ്വ​സ്ഥ​ത പ്ര​ക​ടി​പ്പി​ച്ചത് പ​റ​ഞ്ഞ​പ്പോ​ൾ അ​വ​ഗ​ണി​ച്ചെ​ന്നും ഭ​ർ​ത്താ​വ് പ​രാ​തി ഉ​ന്ന​യി​ച്ചി​രു​ന്നു.

പാ​ർ​ശ്വ​ഫ​ല​മു​ള്ള മ​രു​ന്ന് കു​ത്തി​വെ​ക്കു​ന്ന​തി​ന് മു​മ്പ് ടെ​സ്റ്റ് ഡോ​സ് ന​ൽ​കി​യ​പ്പോ​ൾ ഫ​ലം നെ​ഗ​റ്റി​വ് ആ​യി​രു​ന്നു​വെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. ര​ണ്ടാം ഡോ​സ് ന​ൽ​കി​യ​പ്പോ​ഴാ​ണ് മ​ര​ണം സം​ഭ​വി​ച്ച​ത്. ബു​ധ​നാ​ഴ്ച​യാ​ണ് യു​വ​തി​യെ പ​നി​സം​ബ​ന്ധ​മാ​യ പ​രി​ശോ​ധ​ന​ക​ൾ​ക്കാ​യി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. അ​ന്ന് വി​വി​ധ പ​രി​ശോ​ധ​ന​ക​ൾ ന​ട​ത്തി ആ​രോ​ഗ്യ​​പ്ര​ശ്ന​ങ്ങ​ളി​ല്ലെ​ന്ന് ക​ണ്ടെ​ത്തി​യി​രു​ന്നു. ക്രി​സ്റ്റ​ലൈ​ൻ പെ​നി​സി​ലി​ൻ എ​ന്ന ആ​ന്റി​ബ​യോ​ട്ടി​ക്കാ​ണ് രോ​ഗി​ക്ക് ന​ൽ​കി​യ​ത്. പാ​ർ​ശ്വ​ഫ​ല​മി​ല്ലെ​ന്ന് ഉ​റ​പ്പു വ​രു​ത്തി​യാ​ണ് കു​ത്തി​വെ​ച്ച​തെ​ന്ന് അ​ധി​കൃ​ത​ർ അ​റി​യി​ച്ചു. എ​ന്നാ​ലും ഇ​ത്ത​രം പാ​ർ​ശ്വ​ഫ​ല​ങ്ങ​ൾ സം​ഭ​വി​ക്കാ​മെ​ന്നും ഇവർ പ​റ​യു​ന്നു.