![Stop Rape Stop Rape](https://www.madhyamam.com/h-upload/2021/12/28/1347112-minor-girl-raped-killed-in-madhya-pradesh-body-found-on-roof-of-her-house.webp)
അഞ്ചുവയസുകാരിയെ ബലാത്സംഗം ചെയ്തശേഷം കഴുത്തുഞെരിച്ച് കൊന്ന് വീടിന്റെ മുകളിൽ ഉപേക്ഷിച്ചു
text_fieldsഭോപാൽ: മധ്യപ്രദേശിലെ ഹോഷങ്കാബാദിൽ അഞ്ചുവയസുകാരിയെ ബലാത്സംഗം ചെയ്ത് കൊലപ്പെടുത്തിയ നിലയിൽ. ശനിയാഴ്ച സോഹഗ്പുർ പ്രദേശത്തെ വീടിന്റെ മേൽക്കൂരയിൽ തുണിയിൽ പൊതിഞ്ഞ നിലയിലായിരുന്നു അഞ്ചുവയസുകാരിയുടെ മൃതദേഹം.
ശനിയാഴ്ച പുറത്തുവന്ന പ്രാഥമിക പോസ്റ്റ്മോർട്ടം റിപ്പോർട്ടിൽ അഞ്ചുവയസുകാരിയെ ബലാത്സംഗം ചെയ്യുകയും ശേഷം കഴുത്ത് ഞെരിച്ച് കൊലപ്പെടുത്തുകയുമായിരുന്നുവെന്ന് പറയുന്നു.
ശനിയാഴ്ച മൂന്നുമണിയോടെയാണ് അഞ്ചുവയസുകാരിയെ കാണാതാകുന്നത്. കുട്ടിയെ വീട്ടുകാർ തെരഞ്ഞെങ്കിലും കണ്ടെത്താൻ കഴിഞ്ഞിരുന്നില്ല. പിന്നീട് നാട്ടുകാർക്കൊപ്പം ഗ്രാമം മുഴുവൻ തെരയുകയും പിന്നീട് പൊലീസിൽ പരാതി നൽകുകയുമായിരുന്നു.
തുടർന്ന് വീടിന്റെ മുകളിൽ പരിശോധിച്ചപ്പോൾ അവിടെ തുണിയിൽ പൊതിഞ്ഞ നിലയിൽ മൃതദേഹം കണ്ടെത്തി. പൊലീസ് കേസെടുത്ത് അന്വേഷണം ആരംഭിച്ചു. പോക്സോ പ്രകാരമാണ് കേസ്. പെൺകുട്ടിയുടെ വീടിന് സമീപം താമസിക്കുന്നയാളെ പൊലീസ് കസ്റ്റഡിയിലെടുത്ത് ചോദ്യം ചെയ്യുന്നുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.