ആറുമാസത്തിനിടെ 16കാരിയെ ബലാത്സംഗം ചെയ്​തത്​ 400ഓളം പേർ; ​കേസ്​

മുംബൈ: മഹാരാഷ്​ട്രയിലെ ബീഡ്​ ജില്ലയിൽ ആറുമാസത്തിനിടെ 16കാരിയെ 400ഓളം പേർ ബലാത്സംഗം ചെയ്​തതായി പരാതി. ബലാത്സംഗ പരാതി നൽകാനെത്തിയപ്പോൾ പൊലീസുകാരനും ലൈംഗികമായി ഉപദ്രവിച്ചതായി പെൺകുട്ടി പറയുന്നു. രണ്ടുമാസം ഗർഭിണിയാണ്​ പെൺകുട്ടി.

പെൺകുട്ടിയുടെ പരാതിയിൽ​ ശൈശവ വിവാഹ നിരോധനം, പോക്​സോ, ക്രിമിനൽ വകുപ്പുകൾ പ്രകാരം കേസെടുത്തു. സംഭവത്തിൽ മൂന്നുപേരെ ഇതുവരെ അറസ്റ്റ്​ ചെയ്​തതായി ബീഡ്​ പൊലീസ്​ സൂപ്രണ്ട്​ രാജ രാമസാമി അറിയിച്ചു.

വർഷങ്ങൾക്ക്​ മുമ്പ്​ പെൺകുട്ടിക്ക്​ അമ്മയെ നഷ്​ടമായിരുന്നു. എട്ടുമാസം മുമ്പ്​ പിതാവ്​ പെൺകുട്ടിയെ വിവാഹം കഴിച്ച്​ അയച്ചു. എന്നാൽ, ഭർത്താവും മാതാപിതാക്കളും ചേർന്ന്​ പെൺകുട്ടിയെ ക്രൂരമായി മർദിക്കുകയും മോശമായി പെരുമാറുകയുമായിരുന്നു. ഇതോടെ പെൺകുട്ടി ഭർതൃവീട്ടിൽനിന്ന്​ മടങ്ങി സ്വന്തം വീട്ടിലെത്തി. ജീവിക്കാനായി അംബജോഗയ്​ ബസ്​ സ്റ്റാൻഡിൽ ഭിക്ഷയെടുക്കാൻ ആരംഭിച്ചു. ശേഷം പെൺകുട്ടിയെ പലരും ബലാത്സംഗത്തിന്​ വിധേയമാക്കുകയായിരുന്നു.

'എന്നെ നിരവധി​േപർ ദുരുപയോഗം ചെയ്​തു. നിരവധി ​തവണ അംബ​േജാഗയ്​ പൊലീസ്​ സ്​റ്റേഷനിൽ പരാതിയുമായെത്തി. പക്ഷേ പൊലീസ്​ പ്രതികൾക്കെതിരെ നടപടി സ്വീകരിച്ചില്ല. അവരും എന്നെ ഉപദ്രവിച്ചു' -പെൺകുട്ടി ശിശു സംരക്ഷണ സമിതിയോട്​ പറഞ്ഞു.

സംഭവത്തിൽ പൊലീസ്​ ഒരാഴ്ചമുമ്പ്​ കേസ്​ രജിസ്റ്റർ ചെയ്​തു. അന്വേഷണം പു​രോഗമിക്കുകയാണെന്നും മൂന്നുപേരെ ഇതുവരെ അറസ്റ്റ്​ ചെയ്​തതായും പൊലീസ്​ പറഞ്ഞു.