ജീപ്പിൽനിന്ന് പണം പിടികൂടി

കാഞ്ഞങ്ങാട്: ജീപ്പിൽ കടത്തിയ കുഴൽപണവുമായി ഒരാളെ പൊലീസ് പിടികൂടി. തളിപ്പറമ്പ് സ്വദേശി ആലംകുളം അബ്‌ദുൽ സെയ്ദ് എന്ന സെയ്ദിനെയാണ് (42) കഴിഞ്ഞ ദിവസം അർധരാത്രി കാഞ്ഞങ്ങാട് പെട്രോൾ പമ്പ് പരിസരത്ത് നിന്നും പിടികൂടിയത്. 1,23,000 രൂപ ജീപ്പിൽനിന്ന് കണ്ടെടുത്തു. ജീപ്പ് തളിപ്പറമ്പ് ഭാഗത്തേക്ക് പോവുകയായിരുന്നു. ഇൻസ്പെക്ടർ കെ.പി. ഷൈനിന്റെ നേതൃത്വത്തിൽ എസ്.ഐ കെ. രാജീവൻ, എ.എസ്.ഐ രാമചന്ദ്രൻ ഉൾപ്പെടെ നടത്തിയ പരിശോധനയിലാണ് പണം കണ്ടെത്തിയത്.