വി​വാ​ഹ വാ​ഗ്ദാ​നം ന​ൽ​കി പീ​ഡി​പ്പി​ക്ക​ൽ, പ​ണം ത​ട്ടി​യെ​ടു​ക്ക​ൽ; ഐ.ബി ഉദ്യോഗസ്ഥയുടെ ആത്മഹത്യയിൽ സുകാന്തിനെതിരെ തെളിവേറെ

തി​രു​വ​ന​ന്ത​പു​രം: ഐ.​ബി ഉ​ദ്യോ​ഗ​സ്ഥ ട്രെ​യി​നി​നു മു​ന്നി​ൽ ചാ​ടി മ​രി​ച്ച​ത് ഐ.​ബി ഉ​ദ്യോ​ഗ​സ്ഥ​ൻ സു​കാ​ന്തി​ന്‍റെ ലൈം​ഗി​ക ചൂ​ഷ​ണം മൂ​ല​മെ​ന്ന്​ പൊ​ലീ​സ്. ഒ​രു വ​ർ​ഷ​ത്തോ​ളം പെ​ൺ​കു​ട്ടി​യെ ലൈം​ഗി​ക ചൂ​ഷ​ണ​ത്തി​നി​ര​യാ​ക്കു​ക​യും ഗ​ർ​ഭഛി​ദ്രം ന​ട​ത്തു​ക​യും ചെ​യ്ത​തി​നു​ശേ​ഷം വി​വാ​ഹ​ത്തി​ൽ​നി​ന്ന്​ പി​ന്മാ​റി‍യ​താ​ണ് ആ​ത്മ​ഹ​ത്യ​ക്ക് കാ​ര​ണം. ആ​ത്മ​ഹ​ത്യ പ്രേ​ര​ണ​ക്ക്​ തെ​ളി​വു​ണ്ടെ​ന്നും സു​കാ​ന്തി​ന്‍റെ മു​ൻ​കൂ​ർ ജാ​മ്യ ഹ​ര​ജി​യെ എ​തി​ർ​ത്ത് ഹൈ​കോ​ട​തി​യി​ൽ റി​പ്പോ​ർ​ട്ട് ന​ൽ​കു​മെ​ന്നും പൊ​ലീ​സ് അ​റി​യി​ച്ചു.

വി​വാ​ഹ വാ​ഗ്ദാ​നം ന​ൽ​കി പീ​ഡി​പ്പി​ക്ക​ൽ, പ​ണം ത​ട്ടി​യെ​ടു​ക്ക​ൽ എ​ന്നീ ര​ണ്ട് വ​കു​പ്പു​ക​ൾ കൂ​ടി ചു​മ​ത്തി​യി​ട്ടു​ണ്ട്. നേ​ര​ത്തേ ബ​ലാ​ത്സം​ഗം, വ​ഞ്ച​ന, ആ​ത്മ​ഹ​ത്യ​പ്രേ​ര​ണ കു​റ്റ​ങ്ങ​ളാ​ണ്​ ചു​മ​ത്തി​യ​ത്. പെ​ൺ​കു​ട്ടി​യു​ടെ അ​ക്കൗ​ണ്ടി​ൽ​നി​ന്ന് മൂ​ന്ന​ര​ല​ക്ഷ​ത്തോ​ളം രൂ​പ സു​കാ​ന്തി​ന്‍റെ അ​ക്കൗ​ണ്ടി​ലേ​ക്ക് മാ​റ്റി​യി​രു​ന്നു. ഒ​ളി​വി​ൽ​പോ​യ സു​കാ​ന്തി​നാ​യി കേ​ര​ള​ത്തി​ന്​ പു​റ​ത്തേ​ക്കും പൊ​ലീ​സ് അ​ന്വേ​ഷ​ണം വ്യാ​പി​പ്പി​ച്ചു. ഇ​യാ​ളു​ടെ കു​ടും​ബാം​ഗ​ങ്ങ​ളും ഒ​ളി​വി​ലാ​ണ്. മ​രി​ച്ച പെ​ൺ​കു​ട്ടി​യെ ഗ​ർ​ഭഛി​ദ്ര​ത്തി​ന് സ​ഹാ​യി​ച്ച യു​വ​തി​യെ​യും പൊ​ലീ​സ് തി​ര​യു​ന്നു​ണ്ട്.

2023 ഡി​സം​ബ​റി​ൽ ജോ​ധ്പു​രി​ലെ ട്രെ​യി​നി​ങ് സ​മ​യ​ത്താ​ണ് യു​വ​തി​യും സു​കാ​ന്തും പ​രി​ച​യ​പ്പെ​ടു​ന്ന​ത്. 2024ൽ ​മേ​യി​ൽ ട്രെ​യി​നി​ങ് ക​ഴി​ഞ്ഞ​ശേ​ഷം ഇ​രു​വ​രും ഒ​ന്നി​ച്ച് താ​മ​സി​ച്ച​ രേ​ഖ​ക​ൾ യു​വ​തി​യു​ടെ ബാ​ഗി​ൽ​ ക​ണ്ടെ​ത്തി​യി​രു​ന്നു. നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലെ ഇ​മി​ഗ്രേ​ഷ​ൻ ഓ​ഫി​സ​റാ​യ സു​കാ​ന്ത് അ​വി​ടെ അ​പ്പാ​ർ​ട്ട്​​​മെ​ന്‍റ് വാ​ട​ക​ക്കെ​ടു​ത്ത് യു​വ​തി​ക്കൊ​പ്പം താ​മ​സി​ച്ചി​രു​ന്നു. വി​വാ​ഹം ക​ഴി​ക്ക​ണ​മെ​ന്ന് വീ​ട്ടു​കാ​ര്‍ ആ​വ​ശ്യ​പ്പെ​ട്ട​പ്പോ​ള്‍ ത​ന്‍റെ സി​വി​ൽ സ​ര്‍വി​സ് പ​രീ​ക്ഷ​യെ ബാ​ധി​ക്കു​മെ​ന്ന് പ​റ​ഞ്ഞ് അക്കാര്യം ത​ള്ളി.

2024 ജൂ​ലൈ​യി​ലാ​ണ് യു​വ​തി തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ല്‍ ഗ​ര്‍ഭഛി​ദ്രം ന​ട​ത്തി​യ​ത്. ആ​ദ്യം ആ​ശു​പ​ത്രി​യി​ൽ ഒ​ന്നി​ച്ചെ​ത്തി​യ സു​കാ​ന്തും യു​വ​തി​യും ദ​മ്പ​തി​ക​ളെ​ന്നാ​ണ് പ​രി​ച​യ​പ്പെ​ടു​ത്തി​യ​ത്. ആ​ശു​പ​ത്രി അ​ധി​കൃ​ത​രെ വി​ശ്വ​സി​പ്പി​ക്കാ​ന്‍ വി​വാ​ഹ​രേ​ഖ​ക​ളും വി​വാ​ഹ ക്ഷ​ണ​ക്ക​ത്തും വ്യാ​ജ​മാ​യി ത​യാ​റാ​ക്കി ഹാ​ജ​രാ​ക്കി. എ​ന്നാ​ല്‍, പി​ന്നീ​ട് ര​ണ്ടു ത​വ​ണ​യും ആ​ശു​പ​ത്രി​യി​ലേ​ക്ക് സു​കാ​ന്ത് പോ​യി​ല്ല. ഗ​ർ​ഭഛി​ദ്രം ന​ട​ത്താ​ൻ സു​കാ​ന്തി​ന്‍റെ സു​ഹൃ​ത്താ​യ മ​റ്റൊ​രു യു​വ​തി​യെ​യാ​ണ് ഒ​പ്പം അ​യ​ച്ച​ത്. ഈ ​യു​വ​തി​ക്ക് ആ​ശു​പ​ത്രി​യി​ൽ പ​ല​രെ​യും പ​രി​ച​യ​മു​ണ്ടാ​യി​രു​ന്നു. ഈ ​പ​രി​ച​യ​വും സ്വാ​ധീ​ന​വു​മാ​ണ് ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ സ​ഹാ​യി​ച്ച​തെ​ന്ന് പൊ​ലീ​സ് ക​രു​തു​ന്നു. ആ​ശു​പ​ത്രി​യി​ലെ സി.​സി.​ടി.​വി ദൃ​ശ്യ​ങ്ങ​ൾ ശേ​ഖ​രി​ച്ചി​ട്ടു​ണ്ട്.

എ​ന്നാ​ൽ, യു​വ​തി​യെ വ​ഞ്ചി​ച്ച സു​കാ​ന്ത് നെ​ടു​മ്പാ​ശ്ശേ​രി​യി​ൽ ജോ​ലി ചെ​യ്യു​ന്ന മ​റ്റൊ​രു വ​നി​ത ഐ.​ബി ഓ​ഫി​സ​റു​മാ​യി ബ​ന്ധം സ്ഥാ​പി​ച്ചെ​ന്ന് വ്യ​ക്ത​മാ​യി​ട്ടു​ണ്ട്. ഇ​തു​മാ​യി ബ​ന്ധ​പ്പെ​ട്ട സ​ഹ​പ്ര​വ​ര്‍ത്ത​ക​രി​ൽ നി​ന്ന് മൊ​ഴി​യെ​ടു​ത്തു. അ​ടു​ത്ത ദി​വ​സം ഹൈ​കോ​ട​തി, സു​കാ​ന്തി​ന്‍റെ ജാ​മ്യ​ഹ​ര​ജി പ​രി​ഗ​ണി​ക്കു​മ്പോ​ള്‍ അ​ന്വേ​ഷ​ണ​ത്തി​ലെ ക​ണ്ടെ​ത്ത​ലു​ക​ള്‍ പൊ​ലീ​സ് കോ​ട​തി​യെ അ​റി​യി​ക്കും.