സുഹൃത്തിനെ കൊലപ്പെടുത്തിയ കേസിൽ പ്രതിക്ക് ജീവപര്യന്തം

കോ​ട്ട​യം: മ​ദ്യ​ല​ഹ​രി​യി​ൽ സു​ഹൃ​ത്തി​നെ കൊ​ല​പ്പെ​ടു​ത്തി​യ കേ​സി​ൽ പ്ര​തി​ക്ക് ജീ​വ​പ​ര്യ​ന്തം. ഗാ​ന്ധി​ന​ഗ​ർ നി​ര​ച്ചി​റ വീ​ട്ടി​ൽ മു​ട്ട​ൻ ജോ​സ് എ​ന്ന ജോ​സി​നെ​യാ​ണ്​ (56) സു​ഹൃ​ത്ത്​ അ​പ്പോ​ളോ​യെ കൊ​ല​പ്പെ​ടു​ത്തി​യ​തി​ന്​ അ​ഡീ​ഷ​ന​ൽ ജി​ല്ല കോ​ട​തി ര​ണ്ട്​ (സ്പെ​ഷ​ൽ) ജ​ഡ്ജി ജെ. ​നാ​സ​ർ ശി​ക്ഷി​ച്ച​ത്. അ​ഞ്ചു​ല​ക്ഷം രൂ​പ പി​ഴ​യ​ട​ക്ക​ണം. പി​ഴ അ​ട​ച്ചി​ല്ലെ​ങ്കി​ൽ ഒ​രു​വ​ർ​ഷം​കൂ​ടി ത​ട​വ്​ അ​നു​ഭ​വി​ക്ക​ണം.

2016 ജൂ​ൺ 22ന്​ ​രാ​ത്രി എ​ട്ടി​നാ​ണ്​ കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. പ്ര​തി​യും അ​പ്പോ​ളോ​യും സു​ഹൃ​ത്തു​ക്ക​ളാ​യി​രു​ന്നു. ഇ​രു​വ​രും സ്ഥി​ര​മാ​യി പ്ര​തി​യു​ടെ വീ​ട്ടി​ലി​രു​ന്ന്​ മ​ദ്യ​പി​ക്കാ​റു​ണ്ടാ​യി​രു​ന്നു. ഒ​രി​ക്ക​ൽ മ​ദ്യ​പി​ക്കു​ന്ന​തി​നി​ടെ അ​പ്പോ​ളോ പ്ര​തി​യു​ടെ വീ​ടി​ന്‍റെ ജ​ന​ൽ ചി​ല്ല്​ ത​ല്ലി​പ്പൊ​ട്ടി​ച്ചു. ഇ​തി​ന്‍റെ വൈ​രാ​ഗ്യ​ത്തി​ൽ ജോ​സ് മ​റ്റൊ​രു ദി​വ​സം അ​പ്പോ​ളോ​യെ വീ​ട്ടി​ലി​രു​ന്നു മ​ദ്യ​പി​ക്കാ​ൻ ക്ഷ​ണി​ക്കു​ക​യും പ​ട്ടി​ക​ക്ക​ഷ​ണം കൊ​ണ്ട് ത​ല​ക്ക​ടി​ച്ചു കൊ​ല​പ്പെ​ടു​ത്തു​ക​യു​മാ​യി​രു​ന്നു. ദൃ​ക്​​സാ​ക്ഷി​ക​ൾ ഇ​ല്ലാ​തി​രു​ന്ന കേ​സി​ൽ സാ​ഹ​ച​ര്യ​ത്തെ​ളി​വു​ക​ളു​ടെ​യും ശാ​സ്ത്രീ​യ തെ​ളി​വു​ക​ളു​ടെ​യും അ​ടി​സ്ഥാ​ന​ത്തി​ലാ​ണ്​ പ്ര​തി കു​റ്റ​ക്കാ​ര​നെ​ന്ന് ക​​ണ്ടെ​ത്തി​യ​ത്. പ്രോ​സി​ക്യു​ഷ​ന് വേ​ണ്ടി അ​ഡ്വ. സി​റി​ൾ തോ​മ​സ് പാ​റ​പ്പു​റം ഹാ​ജ​രാ​യി.