സി.പി.എം ലോക്കൽ സെക്രട്ടറിയുടെ കൊലപാതകം; പ്രതി അഭിലാഷിനെ ഇന്ന് കസ്റ്റഡിയില്‍ വാങ്ങും, കൂടുതല്‍ ചോദ്യം ചെയ്യാനൊരുങ്ങി പൊലീസ്

കോ​ഴി​ക്കോ​ട്: സി.പി.എം ലോക്കൽ ​സെക്രട്ടറിയെ കൊലപ്പെടുത്തിയ കേസിലെ പ്രതി അഭിലാഷിനെ ഇന്ന് കൂടുതൽ ചോദ്യം ചെയ്യുന്നതിനായി അന്വേഷണം സംഘം കസ്റ്റഡിയിൽ വാങ്ങും. കൊയിലാണ്ടി കോടതിയിലാണ് കസ്റ്റഡി അപേക്ഷ നൽകുക. ഇന്നലെ രാത്രി മജിസ്ട്രേറ്റിന് മുന്നിൽ ഹാജരാക്കിയ അഭിലാഷിനെ 14 ദിവസത്തേക്ക് റിമാൻഡ് ചെയ്തിരിക്കയാണ്. കൂടുതൽ ചോദ്യം ചെയ്യലിനും തെളിവെടുപ്പിനുമായി അഞ്ചുദിവസത്തേക്ക് കസ്റ്റഡിയിൽ വാങ്ങാനാണ് അന്വേഷണ സംഘത്തിന്‍റെ തീരുമാനം.

പെ​​രു​​വ​​ട്ടൂ​​രി​​ലെ ചെ​​റി​​യ​പു​​റം ക്ഷേ​​ത്രോ​​ത്സ​​വ​​ത്തി​നി​ടെയാണ് സി.​പി.​എം കൊ​യി​ലാ​ണ്ടി സെ​ന്‍ട്ര​ല്‍ ലോ​ക്ക​ല്‍ ക​മ്മി​റ്റി സെ​ക്ര​ട്ട​റി പി.​വി. സ​ത്യ​നാ​ഥ​നെ വെ​ട്ടി​ക്കൊ​ന്നത്. കേ​സ് അ​ന്വേ​ഷ​ണത്തിന് വ​ട​ക​ര ഡി​വൈ.​എ​സ്.​പി സ​ജേ​ഷ് വാ​ഴ​യി​ൽ മേ​ൽ​നോ​ട്ട​ം നൽകും. കൊ​യി​ലാ​ണ്ടി സി.​ഐ മെ​ൽ​വി​ൻ ജോ​സ​ഫി​നാ​ണ് അ​ന്വേ​ഷ​ണ​ച്ചു​മ​ത​ല.

കൊ​യി​ലാ​ണ്ടി സ്റ്റേ​ഷ​നി​ൽ​നി​ന്ന് പ്ര​തി​യെ സു​ര​ക്ഷാ​കാ​ര​ണ​ങ്ങ​ളാ​ൽ എ​ട​ച്ചേ​രി സ്റ്റേ​ഷ​നി​ലേ​ക്ക് മാ​റ്റി​യി​രു​ന്നു. കൊ​യി​ലാ​ണ്ടി​യി​ൽ​നി​ന്ന് വെ​ള്ളി​യാ​ഴ്ച വൈ​കീ​ട്ടോ​ടെ എ​ട​ച്ചേ​രി​യി​ലെ​ത്തി​യ സി.​ഐ മെ​ൽ​ബി​ൻ ജോ​സി​ന്റെ നേ​തൃ​ത്വ​ത്തി​ലു​ള്ള സം​ഘം ചോ​ദ്യം​ചെ​യ്ത് അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു.

വ്യ​ക്തി​വി​രോ​ധ​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്. മ​റ്റ് പാ​ർ​ട്ടി​ക്കാ​രി​ൽ​നി​ന്ന് മ​ർ​ദ​ന​മേ​റ്റ സം​ഭ​വ​ത്തി​ൽ​പോ​ലും പാ​ർ​ട്ടി സെ​ക്ര​ട്ട​റി ത​ന്നെ കു​റ്റ​പെ​ടു​ത്തു​ക​യാ​യി​രു​ന്നു. തി​ക​ഞ്ഞ അ​വ​ഗ​ണ​ന​യാ​ണ് പ​ല​പ്പോ​ഴും സെ​ക്ര​ട്ട​റി​യി​ൽ​നി​ന്ന് ഉ​ണ്ടാ​യ​തെ​ന്നും പ്ര​തി പൊ​ലീ​സി​നു മൊ​ഴി ന​ൽ​കി. മൂ​ർ​ച്ച​യേ​റി​യ ക​ത്തി​യു​പ​യോ​ഗി​ച്ചാ​ണ് അ​ക്ര​മം ന​ട​ത്തി​യ​ത്.

സ​ത്യ​നാ​ഥ​ന്റെ ശ​രീ​ര​ത്തി​ൽ ആ​റു മു​റി​വു​ക​ളു​ണ്ടാ​യി​രു​ന്നു. ര​ണ്ടെ​ണ്ണം ക​ഴു​ത്തി​ലും മൂ​ന്നെ​ണ്ണം തോ​ളി​ലും ഒ​ന്ന് തോ​ളി​ന് താ​ഴെ​യു​മാ​യി​രു​ന്നു. കൊ​ല​പാ​ത​ക​ത്തി​ന് ഉ​പ​യോ​ഗി​ച്ച ക​ത്തി പൊ​ലീ​സ്​ ക​ണ്ടെ​ടു​ത്തു. ക്ഷേ​ത്ര​ത്തി​നു തൊ​ട്ട​ടു​ത്ത പ​റ​മ്പി​ൽ​നി​ന്നാ​ണ് നേ​ർ​ത്ത മൂ​ർ​ച്ച​യേ​റി​യ ക​റു​ത്ത പി​ടി​യു​ള്ള ക​ത്തി ക​ണ്ടെ​ത്തി​യ​ത്. ചോ​ദ്യം​ചെ​യ്യ​ലി​ൽ അ​ഭി​ലാ​ഷ് ആ​യു​ധം ഉ​പേ​ക്ഷി​ച്ച സ്ഥ​ല​ത്തെ​ക്കു​റി​ച്ച് ​പൊ​ലീ​സി​ന് വ്യ​ക്ത​മാ​യ വി​വ​രം ന​ൽ​കി​യി​രു​ന്നു. ഇ​തു​പ്ര​കാ​രം ന​ട​ത്തി​യ തി​ര​ച്ചി​ലി​ലാ​ണ് ക​ത്തി ക​ണ്ടെ​ത്തി​യ​ത്.

സ​ത്യ​നാ​ഥ​ന്റെ മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പോ​സ്റ്റു​മോ​ർ​ട്ട​ത്തി​നു​ശേ​ഷം വെ​ള്ളി​യാ​ഴ്ച ര​ണ്ടു​മ​ണി​യോ​ടെ വെ​ങ്ങ​ള​ത്തു​നി​ന്ന് വി​ലാ​പ​യാ​ത്ര​യാ​യി കൊ​ണ്ടു​വ​ന്ന്​ കൊ​യി​ലാ​ണ്ടി സെ​ൻ​ട്ര​ൽ ഏ​രി​യ ക​മ്മി​റ്റി ഓ​ഫി​സ് പ​രി​സ​ര​ത്ത് പൊ​തു​ദ​ർ​ശ​ന​ത്തി​നു​വെ​ച്ച​ശേ​ഷം രാ​ത്രി എ​ട്ടോ​ടെ വീ​ട്ടു​വ​ള​പ്പി​ൽ സം​സ്ക​രി​ച്ചു.

പ്രതി മുൻ സി.പി.എമ്മുകാരൻ

കൊ​യി​ലാ​ണ്ടി: സി.​പി.​എം കൊ​യി​ലാ​ണ്ടി സെ​ന്‍ട്ര​ല്‍ ലോ​ക്ക​ല്‍ ക​മ്മി​റ്റി സെ​ക്ര​ട്ട​റി പി.​വി. സ​ത്യ​നാ​ഥ​നെ വെ​ട്ടി​ക്കൊ​ന്ന കേ​സി​ലെ പ്ര​തി അ​ഭി​ലാ​ഷ് മു​ൻ സി.​പി.​എ​മ്മു​കാ​ര​ൻ. കൊ​യി​ലാ​ണ്ടി ന​ഗ​ര​സ​ഭ​യി​ൽ കെ. ​ശാ​ന്ത, കെ. ​സ​ത്യ​ൻ എ​ന്നി​വ​ർ ചെ​യ​ർ​പേ​ഴ്സ​ൻ​മാ​രാ​യി​രു​ന്ന​പ്പോ​ൾ ഡ്രൈ​വ​റാ​യി ജോ​ലി​യെ​ടു​ത്തി​രു​ന്നു. പി​ന്നീ​ട് ഡി.​വൈ.​എ​ഫ്.​ഐ പാ​ലി​യേ​റ്റി​വ് കെ​യ​റി​ന്റെ ഡ്രൈ​വ​റാ​യി​രു​ന്നു. അ​തി​ൽ​നി​ന്ന് ഒ​ഴി​വാ​ക്കി​യ​തി​നു ശേ​ഷം ഗ​ൾ​ഫി​ൽ കു​റ​ച്ചു​കാ​ലം ജോ​ലി​ചെ​യ്തു.

തി​രി​ച്ചെ​ത്തി​യ​ശേ​ഷം സ​ർ​ജി​ക്ക​ൽ ഉ​പ​ക​ര​ണ​ങ്ങ​ൾ വി​ൽ​ക്കു​ന്ന സ്വ​കാ​ര്യ​സ്ഥാ​പ​ന​ത്തി​ൽ ജോ​ലി ചെ​യ്യു​ക​യാ​യി​രു​ന്നു. എ​ട്ടു​വ​ർ​ഷം മു​മ്പ് വാ​ഴ​ത്തോ​ട്ടം വെ​ട്ടി​ന​ശി​പ്പി​ച്ച സം​ഭ​വ​ത്തി​ൽ പാ​ർ​ട്ടി ന​ട​പ​ടി​ക്ക് വി​ധേ​യ​നാ​യി​രു​ന്നു. 2016ൽ ​ബി.​ജെ.​പി പ്ര​വ​ർ​ത്ത​ക​ന്റെ വീ​ട് ആ​ക്ര​മി​ച്ച കേ​സി​ൽ പ്ര​തി​യാ​ണ് അ​ഭി​ലാ​ഷ്.