മുട്ടിൽ മരം മുറി: ആകെ കണ്ടുകെട്ടാനായത്​ 22 കഷണം തടികൾ മാത്രം

തി​രു​വ​ന​ന്ത​പു​രം: വ​യ​നാ​ട്​ മു​ട്ടി​ൽ മ​രം മു​റി​ക്കേ​സി​ൽ ഇ​തു​വ​രെ ക​ണ്ടു​കെ​ട്ടാ​നാ​യ​ത്​ 22 ക​ഷ​​ണം ഈട്ടി​ത്ത​ടി​ക​ൾ. വ​യ​നാ​ട്​ കൂ​ടാ​തെ തൃ​ശൂ​ർ, എ​റ​ണാ​കു​ളം, ഇ​ടു​ക്കി, കൊ​ല്ലം, തി​രു​വ​ന​ന്ത​പു​രം ഉ​ൾ​പ്പെ​ടെ വി​വി​ധ ജി​ല്ല​ക​ളി​ൽ​നി​ന്ന്​ 14.42 കോ​ടി​യു​ടെ മ​രം​ മു​റി​ച്ച്​ ക​ട​ത്തി​യെ​ന്നാ​ണ്​ വ​നം​വ​കു​പ്പി​ന്‍റെ പ്രാ​ഥ​മി​ക ക​ണ​ക്ക്. ഈ ​ജി​ല്ല​ക​ളി​ൽ​നി​ന്ന്​ ഏ​ക​ദേ​ശം 1800 ത​ടി​ക്ക​ഷ​ണ​ങ്ങ​ളാ​ണ്​ മു​റി​ച്ച്​ ക​ട​ത്തി​​യ​ത്. ​വ​യ​നാ​ട്​ ജി​ല്ല​യി​ലെ വ​നം വ​കു​പ്പ്​ ഉ​ദ്യോ​ഗ​സ്ഥ​രു​ടെ മി​ക​ച്ച പ്ര​വ​ർ​ത്ത​നം കൊ​ണ്ട്​ മാ​ത്ര​മാ​ണ്​ 22 ക​ഷ​ണ​ങ്ങ​ളെ​ങ്കി​ലും സ​ർ​ക്കാ​റി​ലേ​ക്ക്​ ക​ണ്ടു​കെ​ട്ടാ​നാ​യ​ത്.

2020 ഒ​ക്ടോ​ബ​ർ മു​ത​ൽ 2021 ഫെ​ബ്രു​വ​രി വ​രെ​യാ​ണ്​ വ​നം, റ​വ​ന്യൂ ഉ​ദ്യോ​ഗ​സ്ഥ​രു​ടെ സ​ഹാ​യ​ത്തോ​ടെ റോ​ജി അ​ഗ​സ്റ്റി​ൻ, ആ​ന്‍റോ അ​ഗ​സ്റ്റി​ൻ, ജോ​സു​കു​ട്ടി അ​ഗ​സ്റ്റി​ൻ എ​ന്നി​വ​രു​ടെ നേ​തൃ​ത്വ​ത്തി​ൽ വ്യാ​പ​ക​മാ​യി ഈട്ടി​മ​ര​ങ്ങ​ൾ മു​റി​ച്ച്​ ക​ട​ത്തി​യ​ത്. സ​ർ​ക്കാ​റി​ലേ​ക്ക്​ റി​സ​ർ​വ്​ ചെ​യ്ത മ​ര​ങ്ങ​ൾ മു​റി​ക്കാ​ൻ അ​നു​മ​തി​യു​ണ്ടെ​ന്ന്​ തെ​റ്റി​ദ്ധ​രി​പ്പി​ച്ചും വ്യാ​ജ​രേ​ഖ​ക​ൾ കാ​ണി​ച്ചും സ്വ​കാ​ര്യ വ്യ​ക്തി​ക​ളു​ടെ പ​റ​മ്പി​ൽ നി​ന്ന​ട​ക്ക​മാ​ണ്​ മ​ര​ങ്ങ​ൾ മു​റി​ച്ച​ത്. ഇ​വ ഇ​ട​നി​ല​ക്കാ​ർ വ​ഴി മ​ര​ക്ക​ച്ച​വ​ട​ക്കാ​ർ​ക്ക്​ വി​ൽ​ക്കു​ക​യും ചെ​യ്തു.

സം​സ്ഥാ​ന​ത്ത്​ നി​ല​വി​ലു​ള്ള 1964ലെ ​കേ​ര​ള ഭൂ​മി പ​തി​വ്​ ച​ട്ടം, വ​നം വ​കു​പ്പി​​ന്‍റെ കേ​ര​ള പ്ര​മോ​ഷ​ൻ ഓ​ഫ്​ ട്രീ ​ഗ്രോ​ത്ത്​ ആ​ക്​​ട്​ 2011, കേ​ര​ള പ്രി​സ​ർ​വേ​ഷ​ൻ ഓ​ഫ്​ ട്രീ​സ്​ ആ​ക്​​ട്​ എ​ന്നി​വ പ്ര​കാ​രം തേ​ക്ക്, ച​ന്ദ​നം, ക​രി​ങ്ങാ​ലി, ഈ​ട്ടി എ​ന്നി​വ​യു​ടെ അ​വ​കാ​ശം സ​ർ​ക്കാ​റി​ൽ നി​ക്ഷി​പ്​​ത​മാ​ണ്. എ​ന്നാ​ൽ​ റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി​യു​ടെ​ 2020 ഒ​ക്​​ടോ​ബ​ർ 24ലെ ​ഉ​ത്ത​ര​വ്​ പ്ര​കാ​രം ച​ന്ദ​നം ഒ​ഴി​കെ എ​ല്ലാ മ​ര​ങ്ങ​ളു​ടെ​യും അ​വ​കാ​ശം ക​ർ​ഷ​ക​ർ​ക്കാ​ണെ​ന്നും ​മു​റി​ക്കാ​ൻ​ ആ​രു​ടെ​യും അ​നു​വാ​ദം വാ​ങ്ങേ​ണ്ട​തി​ല്ലെ​ന്നും വ്യ​ക്ത​മാ​ക്കി. ഇ​തി​ന്‍റെ മ​റ​വി​ലാ​യി​രു​ന്നു മ​രം കൊ​ള്ള.

ഇ​ടു​ക്കിയി​ൽ​നി​ന്ന്​ മാ​ത്രം വ​നം, റ​വ​ന്യൂ ഉ​ദ്യോ​ഗ​സ്ഥ​രു​മാ​യി ഗൂ​ഢാ​ലോ​ച​ന ന​ട​ത്തി നി​ര​വ​ധി പാ​സു​ക​ൾ പ്ര​തി​ക​ൾ സ​മ്പാ​ദി​ച്ചു. മ​രം​മു​റി കേ​സ്​ അ​ന്വേ​ഷി​ച്ച പ്ര​ത്യേ​ക സം​ഘ​വും വ​നം വ​കു​പ്പും കു​റ്റ​ക്കാ​ര​നെ​ന്ന്​ ക​ണ്ടെ​ത്തി​യ ക​ൺ​സ​ർ​വേ​റ്റ​ർ എം.​ടി. സാ​ജ​നെ സം​ര​ക്ഷി​ക്കു​ക​യാ​ണ്​ ചെ​യ്ത​ത്. അ​ദ്ദേ​ഹ​ത്തെ സ്ഥാ​ന​ക്ക​യ​റ്റം ന​ൽ​കി ദ​ക്ഷി​ണ​മേ​ഖ​ല വ​നം സ​ർ​ക്കി​ൾ മേ​ധാ​വി​യാ​ക്കി. വ​യ​നാ​ട്​ ഒ​ഴി​കെ ജി​ല്ല​ക​ളി​ൽ​നി​ന്ന്​ മു​റി​ച്ച്​ ക​ട​ത്തി​യ മ​ര​ങ്ങ​ൾ എ​വി​ടെ​പ്പോ​യെ​ന്ന​തി​ൽ വ​നം​വ​കു​പ്പി​ന്​ മ​റു​പ​ടി​യു​മി​ല്ല.