ഒന്നരക്കോടിയുടെ തട്ടിപ്പ്: ബാങ്ക് മാനേജർ അറസ്റ്റിൽ

കോ​ട്ട​യം: സ്വ​കാ​ര്യ ബാ​ങ്കി​ൽ അ​ക്കൗ​ണ്ടു​ള്ള വ​യോ​ദ​മ്പ​തി​ക​ളി​ൽ​നി​ന്ന്​ ഒ​ന്ന​ര​ക്കോ​ടി​യി​ല​ധി​കം രൂ​പ ത​ട്ടി​പ്പ് ന​ട​ത്തി​യ ബാ​ങ്ക് മാ​നേ​ജ​ർ അ​റ​സ്റ്റി​ൽ. ഏ​റി​കാ​ട് മ​ന്നാ​പ​റ​മ്പി​ൽ റെ​ജി ജേ​ക്ക​ബി​നെ​യാ​ണ് (41) ഈ​സ്റ്റ് പൊ​ലീ​സ് അ​റ​സ്റ്റ് ചെ​യ്ത​ത്. ക​ള​ത്തി​പ്പ​ടി​യി​ലെ സ്വ​കാ​ര്യ ബാ​ങ്കി​ൽ മാ​നേ​ജ​റാ​യി​രു​ന്ന ഇ​യാ​ൾ വി​ദേ​ശ​ത്താ​യി​രു​ന്ന (ക​ള​ത്തി​പ്പ​ടി​യി​ൽ താ​മ​സം) വ​യോ​ദ​മ്പ​തി​ക​ളി​ൽ​നി​ന്ന്​ 1,62,25000 രൂ​പ​യാ​ണ്​ ത​ട്ടി​യെ​ടു​ത്ത​ത്.

മു​മ്പ്​ ഇ​തേ ബാ​ങ്കി​ന്റെ ഏ​റ്റു​മാ​നൂ​ർ ശാ​ഖ​യി​ലെ മാ​നേ​ജ​റാ​യി​രു​ന്ന ഇ​യാ​ൾ ബാ​ങ്കി​ൽ അ​ക്കൗ​ണ്ട് തു​ട​ങ്ങി​യ വി​ദേ​ശ​ത്ത് താ​മ​സി​ച്ചു​വ​ന്നി​രു​ന്ന ഇ​വ​രു​മാ​യി അ​ടു​ത്ത സൗ​ഹൃ​ദ​ബ​ന്ധം സ്ഥാ​പി​ച്ചി​രു​ന്നു. തു​ട​ർ​ന്ന് ക​ള​ത്തി​പ്പ​ടി ബ്രാ​ഞ്ചി​ലേ​ക്ക് ഇ​യാ​ൾ​ക്ക്​ സ്ഥ​ലം​മാ​റ്റം കി​ട്ടി​യ കാ​ല​യ​ള​വി​ലാ​ണ്​ ദ​മ്പ​തി​ക​ൾ വി​ദേ​ശ​ത്തു​നി​ന്ന്​ നാ​ട്ടി​ലെ​ത്തി​യ​ത്. തു​ട​ർ​ന്ന്​ വി​ദേ​ശ​ത്തു​ള്ള മ​ക്ക​ൾ​ക്ക് പ​ണം അ​യ​ക്കു​ന്ന​തി​ന്​ ഇ​വ​ർ മാ​നേ​ജ​രെ സ​മീ​പി​ക്കു​ക​യും, ഇ​യാ​ള്‍ ബാ​ങ്കി​ന്റേ​താ​യ വി​വി​ധ കാ​ര​ണ​ങ്ങ​ൾ പ​റ​ഞ്ഞ് ഇ​വ​രി​ല്‍നി​ന്ന്​ ചെ​ക്കു​ക​ളും ഡെ​ബി​റ്റ് ഓ​ത​റൈ​സേ​ഷ​ൻ ലെ​റ്റ​റു​ക​ളും മ​റ്റും കൈ​ക്ക​ലാ​ക്കു​ക​യു​മാ​യി​രു​ന്നു. ഇ​ത് ദു​രു​പ​യോ​ഗ​പ്പെ​ടു​ത്തി​യാ​ണ്​ ഏ​റ്റു​മാ​നൂ​ർ, ക​ള​ത്തി​പ്പ​ടി ബ്രാ​ഞ്ചു​ക​ളി​ലു​ള്ള ഇ​വ​രു​ടെ അ​ക്കൗ​ണ്ടു​ക​ളി​ൽ​നി​ന്ന്​ 2021 മു​ത​ൽ 2023 വ​രെ പ​ല​ത​വ​ണ​ക​ളാ​യി വ​ൻ തു​ക റെ​ജി ജേ​ക്ക​ബി​ന്റെ സു​ഹൃ​ത്തു​ക്ക​ളു​ടെ​യും മ​റ്റും അ​ക്കൗ​ണ്ടു​ക​ളി​ലേ​ക്ക് അ​യ​ച്ച​ത്​.

തു​ട​ർ​ന്ന് ദ​മ്പ​തി​ക​ൾ ബാ​ങ്കി​നെ സ​മീ​പി​ക്കു​ക​യും ക്ര​മ​ക്കേ​ട് ക​ണ്ടെ​ത്തി​യ​തി​നെ​ത്തു​ട​ർ​ന്ന് ഇ​യാ​ൾ 22 ല​ക്ഷം രൂ​പ തി​രി​കെ ന​ൽ​കു​ക​യും ചെ​യ്തു. എ​ന്നാ​ൽ, ബാ​ക്കി തു​ക ന​ൽ​കാ​തെ ഇ​യാ​ൾ ഇ​വ​രെ ക​ബ​ളി​പ്പി​ക്കു​ക​യാ​യി​രു​ന്നു. പ​രാ​തി​യെ​ത്തു​ട​ർ​ന്ന് ഈ​സ്റ്റ് പൊ​ലീ​സ് കേ​സെ​ടു​ക്കു​ക​യും ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം ന​ട​ത്തി​യ പ​രി​ശോ​ധ​ന​യി​ൽ വ​ന്‍ ക്ര​മ​ക്കേ​ട് ന​ട​ന്ന​താ​യി ക​ണ്ടെ​ത്തു​ക​യും ഇ​യാ​ളെ പി​ടി​കൂ​ടു​ക​യു​മാ​യി​രു​ന്നു.