പുതുക്കാട്ട് തലക്കടിച്ച് പണം കവര്ന്ന സംഭവം: രേഖാചിത്രം പുറത്തുവിട്ടു
text_fieldsകണ്ണമ്പത്തൂരില് ആക്രിക്കട ഉടമയെ തലക്കടിച്ച് പണം കവര്ന്ന സംഭവത്തില് പ്രതിയെന്ന് സംശയിക്കുന്നയാളുടെ രേഖാചിത്രം
ആമ്പല്ലൂര്: പുതുക്കാട് കണ്ണമ്പത്തൂരില് ബൈക്കിലെത്തി ആക്രിക്കട ഉടമയെ തലക്കടിച്ച് പണം കവര്ന്ന സംഭവത്തില് പ്രതിയെന്ന് സംശയിക്കുന്നയാളുടെ രേഖാചിത്രം പൊലീസ് പുറത്തുവിട്ടു. ആക്രമണത്തില് പരിക്കേറ്റ മുളയം സ്വദേശി മന്നത്ത് ജയാനന്ദെൻറ മൊഴിയുടെയും സി.സി.ടി.വി ദൃശ്യങ്ങളുടെയും അടിസ്ഥാനത്തിലാണ് പൊലീസ് രേഖാചിത്രം തയാറാക്കിയത്.
വെള്ളിയാഴ്ച ഉച്ചയോടെയായിരുന്നു ആക്രമണം. അരലക്ഷം രൂപയാണ് നഷ്ടപ്പെട്ടത്. ഒരു പെണ്കുട്ടിയുമായാണ് പ്രതി ബൈക്കില് ആക്രിക്കടയിലെത്തിയത്. പ്രതിയെക്കുറിച്ച് പൊലീസിന് സൂചന ലഭിച്ചതായാണ് വിവരം. ചാലക്കുടി ഡിവൈ.എസ്.പി സി.ആര്. സന്തോഷിെൻറ നേതൃത്വത്തിലുള്ള പ്രത്യേക സംഘമാണ് അന്വേഷണം നടത്തുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.