തേനിയിൽ 25 കിലോ കഞ്ചാവുമായി ഏഴുപേർ അറസ്റ്റിൽ

കു​മ​ളി: തേ​നി ജി​ല്ല​യി​ലെ ര​ണ്ടി​ട​ത്താ​യി 25 കി​ലോ ക​ഞ്ചാ​വ് പൊ​ലീ​സ് പി​ടി​കൂ​ടി. ഏ​ഴ് പേ​രെ അ​റ​സ്റ്റ് ചെ​യ്തു. തേ​നി ജി​ല്ല​യി​ലെ പെ​രി​യ​കു​ളം, ശെ​ങ്ക​പ്പെ​ട്ടി റോ​ഡി​ൽ ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം കാ​ത്തു​നി​ന്ന പൊ​ലീ​സാ​ണ് 21 കി​ലോ ക​ഞ്ചാ​വു​മാ​യി മൂ​ന്ന്​ പേ​രെ ആ​ദ്യം അ​റ​സ്റ്റ് ചെ​യ്ത​ത്. ഉ​ത്ത​മ പാ​ള​യം സ്വ​ദേ​ശി​ക​ളാ​യ പ്ര​ദീ​പ​ൻ (24), ച​ന്ദ്ര​ൻ (50), ശ​ശി​കു​മാ​ർ (30) എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇ​തി​നു​പി​ന്നാ​ലെ ക​മ്പ​ത്ത് വാ​ഹ​ന പ​രി​ശോ​ധ​ന ന​ട​ത്തു​ക​യാ​യി​രു​ന്ന പൊ​ലീ​സ് സം​ഘം കു​മ​ളി വ​ഴി ക​ട​ത്താ​ൻ കൊ​ണ്ടു​പോ​വു​ക​യാ​യി​രു​ന്ന നാ​ല്​ കി​ലോ ക​ഞ്ചാ​വും പി​ടി​കൂ​ടി.

സം​ഭ​വ​വു​മാ​യി ബ​ന്ധ​പ്പെ​ട്ട് ക​മ്പം സ്വ​ദേ​ശി​ക​ളാ​യ പ്ര​താ​പ് (23), വ​ണ്ണ​ക്കി​ളി (56), പ്ര​ദീ​പ് (19), ശാ​ന്തി (40) എ​ന്നി​വ​രെ അ​റ​സ്റ്റ് ചെ​യ്തു. തീ​ർ​ത്ഥാ​ട​ന കാ​ല​ത്തെ വാ​ഹ​ന​ത്തി​ര​ക്കി​നി​ട​യി​ൽ അ​തി​ർ​ത്തി​യി​ലെ ചെ​ക്ക്​​പോ​സ്റ്റ് അ​ധി​കൃ​ത​രെ വെ​ട്ടി​ച്ച് ക​ഞ്ചാ​വ് കേ​ര​ള​ത്തി​ലേ​ക്ക് ക​ട​ത്തു​ക​യാ​യി​രു​ന്നു പി​ടി​യി​ലാ​യ​വ​രു​ടെ ല​ക്ഷ്യ​മെ​ന്നാ​ണ്​ വി​വ​രം. അ​റ​സ്റ്റി​ലാ​യ പ്ര​തി​ക​ളെ ഉ​ത്ത​മ പാ​ള​യം കോ​ട​തി റി​മാ​ൻ​ഡ്​ ചെ​യ്തു.