കർണാടകയിൽ 15കാരിയെ കൂട്ടബലാത്സംഗം ചെയ്ത പ്രായപൂർത്തിയാകാത്ത ആറുപേർ അറസ്റ്റിൽ

ബംഗളൂരു: കർണാടകയിലെ ധാർവാഡിൽ പെൺകുട്ടിയെ കൂട്ടബലാത്സംഗം ചെയ്ത കേസിൽ പ്രായപൂർത്തിയാകാത്ത ആറുപേർ അറസ്റ്റിൽ. ആറുപേരെയും കോടതിയിൽ ഹാജരാക്കിയ ശേഷം ജുഡീഷ്യൽ ​കസ്റ്റഡിയിൽ വിട്ടു.

ആറു​പേരും ചേർന്ന്​ പെൺകുട്ടിയെ ബലാത്സംഗം ചെയ്ത ശേഷം ഭീഷണിപ്പെടുത്തിയതായും എഫ്​.ഐ.ആറിൽ പറയുന്നു. പെൺകുട്ടിയെ വിവിധ ഇടങ്ങളിലെത്തിച്ച്​ ആറുപേരും ബലാത്സംഗം ചെയ്യുകയായിരുന്നു. പിന്നീട്​ മാതാപിതാക്കളോട്​ അക്രമവിവരം പുറത്തുപറയരുതെന്ന്​ ഭീഷണിപ്പെടുത്തി.

സംഭവം അറിഞ്ഞതോടെ പെൺകുട്ടിയുടെ മാതാപിതാക്കൾ പൊലീസിൽ പരാതി നൽകുകയായിരുന്നു. തുടർന്ന്​ ആറുപേരുടെയും അറസ്റ്റ്​ രേഖപ്പെടുത്തി. പെൺകുട്ടിയെ മെഡിക്കൽ പരിശോധനക്ക്​ വിധേയമാക്കിയതായും പൊലീസ്​ അറിയിച്ചു. പ്രതികൾക്ക്​ പ്രായപൂർത്തിയാകാത്തതിനാൽ പേരുവിവരങ്ങൾ പുറത്തുവിട്ടിട്ടില്ല.