രണ്ട്​ പെൺകുട്ടികളെ പീഡിപ്പിച്ച കേസിൽ രണ്ടാനച്ഛന് ജീവിതാന്ത്യംവരെ തടവ്

ആ​റ്റി​ങ്ങ​ൽ: ബ​ന്ധു​വാ​യ യു​വ​തി​ക്കൊ​പ്പം താ​മ​സി​ച്ച് അ​വ​രു​ടെ ര​ണ്ട്​ പെ​ൺ​മ​ക്ക​ളെ ലൈം​ഗി​കാ​തി​ക്ര​മ​ത്തി​ന് വി​ധേ​യ​മാ​ക്കി​വ​ന്ന പ്ര​തി​ക്ക് ജീ​വി​താ​ന്ത്യം വ​രെ ത​ട​വ് ശി​ക്ഷ. ര​ണ്ട് പെ​ൺ​കു​ട്ടി​ക​ളോ​ടും അ​തി​ക്ര​മം ന​ട​ത്തി​യ​ത് സം​ബ​ന്ധി​ച്ച് വ്യ​ത്യ​സ്ത കേ​സു​ക​ൾ ര​ജി​സ്റ്റ​ർ ചെ​യ്ത പ്ര​കാ​രം ഇ​രു കേ​സു​ക​ളി​ലും വി​ചാ​ര​ണ പൂ​ർ​ത്തി​യാ​ക്കി​യാ​ണ് ആ​റ്റി​ങ്ങ​ൽ ഫാ​സ്റ്റ് ട്രാ​ക്ക് സ്പെ​ഷ​ൽ കോ​ട​തി ജ​ഡ്ജ് ബി​ജു​കു​മാ​ർ സി.​ആ​ർ പ്ര​തി​യെ കു​റ്റ​ക്കാ​ര​നെ​ന്ന് ക​ണ്ടെ​ത്തി ശി​ക്ഷ വി​ധി​ച്ച​ത്. പ്ര​തി​ക്ക് വ്യ​ത്യ​സ്ത കേ​സു​ക​ളി​ലാ​യി ക​ഠി​ന​ത​ട​വു​ൾ​പ്പെ​ടെ ജീ​വി​താ​ന്ത്യം വ​രെ ത​ട​വും 14.5 ല​ക്ഷം രൂ​പ പി​ഴ ശി​ക്ഷ​യു​മാ​ണ് വി​ധി​ച്ച​ത്.

പ്ര​തി ബ​ന്ധു​വാ​യ യു​വ​തി​യോ​ട് അ​ടു​പ്പം സ്ഥാ​പി​ച്ച ശേ​ഷം ര​ണ്ടാ​ന​ച്ഛ​നാ​യി കൂ​ടെ താ​മ​സി​ച്ചു​വ​ന്ന് അ​തി​ജീ​വി​ത​ക​ളെ ര​ണ്ടു​വ​ർ​ഷ​ക്കാ​ല​ത്തി​ല​ധി​കം ലൈം​ഗി​കാ​തി​ക്ര​മ​ത്തി​ന് വി​ധേ​യ​രാ​ക്കി.

നി​ർ​ബ​ന്ധി​ച്ച് മ​ദ്യം കു​ടി​പ്പി​ക്കു​ക​യും ദേ​ഹോ​പ​ദ്ര​വം ഏ​ൽ​പ്പി​ക്കു​ക​യും അ​സു​ഖാ​വ​സ്ഥ​യി​ൽ ആ​ശു​പ​ത്രി​യി​ൽ എ​ത്തി​ക്കാ​തി​രി​ക്കു​ക​യും ചെ​യ്​​തെ​ന്നും പ്രോ​സി​ക്യൂ​ഷ​ൻ ആ​രോ​പി​ച്ചി​രു​ന്നു.

പ്ര​തി​യു​ടെ ഭീ​ഷ​ണി​ക്ക് വ​ഴ​ങ്ങി ലൈം​ഗി​കാ​തി​ക്ര​മം പു​റ​ത്തു​പ​റ​യാ​ൻ ഭ​യ​പ്പെ​ട്ട കു​ട്ടി​ക​ൾ വി​ഷം ക​ഴി​ച്ച് ആ​ത്മ​ഹ​ത്യ​ക്ക് ശ്ര​മി​ച്ച​താ​യും മൊ​ഴി​യു​ണ്ട്.

കു​ട്ടി​ക​ൾ ബ​ന്ധു​വീ​ട്ടി​ൽ അ​ഭ​യം തേ​ടി​യ​ശേ​ഷ​മാ​ണ് നി​യ​മ​ന​ട​പ​ടി​ക​ൾ ആ​രം​ഭി​ച്ച​ത്.

പെ​ൺ​കു​ട്ടി​ക​ളി​ൽ മു​തി​ർ​ന്ന​യാ​ളെ അ​തി​ക്ര​മി​ച്ച കേ​സി​ൽ 26 സാ​ക്ഷി​ക​ളെ വി​സ്ത​രി​ക്കു​ക​യും 31 രേ​ഖ​ക​ൾ പ്രോ​സി​ക്യൂ​ഷ​ൻ ആ​സ്പ​ദ​മാ​ക്കു​ക​യും ചെ​യ്തു. ര​ണ്ടാ​മ​ത്തെ കു​ട്ടി​യെ ലൈം​ഗി​കാ​തി​ക്ര​മ​ത്തി​ന് വി​ധേ​യാ​ക്കി​യ കേ​സി​ൽ 24 സാ​ക്ഷി​ക​ളെ വി​സ്ത​രി​ക്കു​ക​യും 27 രേ​ഖ​ക​ൾ ആ​ധാ​ര​മാ​ക്കു​ക​യും ചെ​യ്തു.

അ​ച്ച​ൻ​കോ​വി​ൽ പൊ​ലീ​സ് ര​ജി​സ്റ്റ​ർ ചെ​യ്ത കേ​സ്​ പി​ന്നീ​ട്​ പ​ള്ളി​ക്ക​ൽ പൊ​ലീ​സി​ന്​ കൈ​മാ​റി. പ​ള്ളി​ക്ക​ൽ സ​ബ് ഇ​ൻ​സ്പെ​ക്ട​ർ എം. ​സ​ഹി​ല്‍ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത് ഇ​ൻ​സ്പെ​ക്ട​ർ ശ്രീ​ജി​ത്ത് പി ​അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ചു. ര​ണ്ട് കേ​സു​ക​ളി​ലും പ്രോ​സി​ക്യൂ​ഷ​ന് വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. എം. ​മു​ഹ​സി​ൻ ഹാ​ജ​രാ​യി.