മോ​ഷ്ടി​ച്ച പ​ണം പാ​വ​ങ്ങ​ൾ​ക്ക്, ബാക്കി മസാജിനും ഭക്ഷണത്തിനും; വ്യ​ത്യ​സ്ത​നാം കള്ളൻ പി​ടി​യി​ൽ

ബം​ഗ​ളൂ​രു: മോ​ഷ്ടി​ക്കു​ന്ന പ​ണത്തിൽനിന്ന് ഒരു പങ്ക് പാ​വ​ങ്ങ​ൾ​ക്ക് വി​ത​ര​ണം ചെ​യ്യു​ന്ന 'വ്യ​ത്യ​സ്ത​നാം മോ​ഷ്ടാ​വി'​നെ ബം​ഗ​ളൂ​രു പൊ​ലീ​സ് പി​ടി​കൂ​ടി. റോ​ബി​ൻ​ഹു​ഡ് സ്റ്റൈ​ലി​ൽ മോ​ഷ​ണം ന​ട​ത്തു​ന്ന ജോ​ൺ മെ​ൽ​വി​ൻ (46) ആ​ണ് പി​ടി​യി​ലാ​യ​ത്.

കൈ​യി​ൽ എ​പ്പോ​ഴും ബൈ​ബി​ൾ സൂ​ക്ഷി​ക്കു​ന്ന ഇ​യാ​ൾ മോ​ഷ്ടി​ക്കു​ന്ന പ​ണ​ത്തി​ന്‍റെ ഒ​രു വി​ഹി​തം വേ​ളാ​ങ്ക​ണ്ണി​യി​ലെ​യും മൈ​സൂ​രു​വി​ലെ​യും പ​ള്ളി​ക​ൾ​ക്ക് സ​മീ​പം ഭി​ക്ഷ​യാ​ചി​ക്കു​ന്ന​വ​ർ​ക്കാ​ണ് ന​ൽ​കാ​റു​ള്ള​ത്. വി​ജ​യ​ന​ഗ​റി​ലെ സ​ര്‍ക്കാ​ര്‍ ഉ​ദ്യോ​ഗ​സ്ഥ​ന്‍റെ വീ​ട്ടി​ല്‍ ന​ട​ന്ന മോ​ഷ​ണ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ അ​റ​സ്റ്റി​ലാ​യ​ത്.

ജാ​ല​ഹ​ള്ളി​ക്ക് സ​മീ​പ​ത്ത് ഇ​ടി​ഞ്ഞു​പൊ​ളി​ഞ്ഞ കെ​ട്ടി​ട​ത്തി​ല്‍ ഒ​റ്റ​ക്കാ​യി​രു​ന്നു ഇ​യാ​ളു​ടെ താ​മ​സം. സം​സ്ഥാ​ന​ത്തി​ന്‍റെ വി​വി​ധ​ഭാ​ഗ​ങ്ങ​ളി​ലാ​യി ന​ട​ന്ന 50ഓ​ളം മോ​ഷ​ണ​ങ്ങ​ളി​ല്‍ ജോ​ണ്‍ മെ​ല്‍വി​ന് പ​ങ്കു​ണ്ടെ​ന്നാ​ണ് പൊ​ലീ​സി​ന്‍റെ ക​ണ്ടെ​ത്ത​ല്‍. 1994ലാ​യി​രു​ന്നു ആ​ദ്യ മോ​ഷ​ണം. തു​ട​ര്‍ന്ന് ന​ട​ന്ന മോ​ഷ​ണ​ങ്ങ​ള്‍ക്കി​ട​യി​ല്‍ ഒ​രി​ക്ക​ല്‍പോ​ലും പി​ടി​ക്ക​പ്പെ​ട്ടി​ല്ല. രാ​ഷ്ട്രീ​യ​ക്കാ​രു​ടെ​യും സ​മ്പ​ന്ന​രു​ടെ​യും വീ​ടു​ക​ളി​ല്‍ മാ​ത്ര​മാ​ണ് ഇ​യാ​ള്‍ മോ​ഷ​ണം ന​ട​ത്തി​യി​രു​ന്ന​ത്. ആ​വ​ശ്യ​മാ​യ പ​ണ​വും ആ​ഭ​ര​ണ​ങ്ങ​ളും മാ​ത്ര​മെ​ടു​ക്കു​ന്ന​താ​യി​രു​ന്നു പ​തി​വ്.

ഒ​രു ഭാ​ഗം പാ​വ​പ്പെ​ട്ട​വ​ര്‍ക്കു​വേ​ണ്ടി മാ​റ്റി​വെ​ച്ച​തി​നു​ശേ​ഷം ബാ​ക്കി​യു​ള്ള തു​ക സ്പാ​ക​ളി​ല്‍നി​ന്ന് മ​സാ​ജ് ചെ​യ്യാ​നും ന​ല്ല​രീ​തി​യി​ൽ ഭ​ക്ഷ​ണം ക​ഴി​ക്കാ​നു​മാ​ണ് ഉ​പ​യോ​ഗി​ച്ച​ത്.