യുവതിയുടെ വീട്ടിൽ അതിക്രമിച്ചു കയറിയ പ്രതി അറസ്റ്റിൽ

കിളിമാനൂർ: ദലിത് യുവതിയെ തട്ടിക്കൊണ്ടുപോകാനായി വീട്ടിൽ അതിക്രമിച്ചുകയറി മുറിക്കുള്ളിൽ ഒളിച്ച യുവാവിനെ പൊലീസ് പിടികൂടി. പഴയകുന്നുമ്മേൽ ചെമ്പകശ്ശേരി അരുൺ നിവാസിൽ അരുൺ(29) ആണ് അറസ്റ്റിലായത്. മുളയ്ക്കലത്തുകാവ് സ്വദേശിനിയായ യുവതിയെ തട്ടിക്കൊണ്ടുപോകാനാണ് ശ്രമം നടന്നത്.

നിരവധി കേസുകളിലെ പ്രതിയായ ഇയാൾ കിളിമാനൂർ പൊലീസ് സ്റ്റേഷൻ റൗഡി ലിസ്റ്റിൽ ഉൾപ്പെട്ടയാളാണ്. കിളിമാനൂർ പൊലീസ് സ്റ്റേഷൻ ഹൗസ് ഓഫിസർ സനൂജ്, എ.എസ്.ഐ സുഭാഷ്, എസ്.സി.പി.ഒ അരുൺ, സി.പി.ഒ ശ്രീരാജ് എന്നിവർ അടങ്ങിയ സംഘം പിടികൂടിയ പ്രതിയെ കോടതിയിൽ ഹാജരാക്കി.