അവിഹിതബന്ധ​െമന്ന്​; ഭാര്യയെ കൊല​പ്പെടുത്താൻ ശ്രമിച്ച പ്രതി മക്കളെ അണക്കെട്ടിലെറിഞ്ഞ്​ ​കൊന്നു

ആരവല്ലി (ഗുജറാത്ത്​​): കുടുബവഴക്കിനെ തുടർന്ന്​ ഭാര്യയെ കൊലപ്പെടുത്താൻ ശ്രമിച്ചയാൾ മൂന്ന്​ കുട്ടികളെ അണക്കെട്ടിലെറിഞ്ഞ്​ കൊന്നു. ശേഷം ഇയാൾ​ ആത്മഹത്യക്ക്​ ശ്രമിച്ചു. ഗുജറാത്തിലെ ആരവല്ലി ജില്ലയിൽ മേഘ്​രാജ്​ താലൂക്കിലെ രാമഡ്​ ഗ്രാമത്തിലാണ്​ സംഭവം. ആക്രമണത്തിനിരയായ യുവതിയുടെ ആരോഗ്യനില ഗുരുതരമായി തുടരുകയാണ്​.

പ്രതിയായ ജീവഭായ്​ ദേദുനിനെ പൊലീസ്​ കസ്റ്റഡിയിലെടുത്തു. ഭാര്യക്ക്​ അവിഹിതബന്ധമുണ്ടെന്നായിരുന്നു പ്രതിയു​െട സംശയം. വെള്ളിയാഴ്ച രാത്രിയാണ്​ ഇയാൾ ഭാര്യയെ മഴുകൊണ്ട്​ ആക്രമിച്ചത്​. ശേഷം രണ്ടരയും എട്ടും വയസ്​ പ്രായമുള്ള പെൺകുട്ടികളെയു​ം ഒമ്പത്​ വയസുള്ള മകനെയും സമീപപ്രദേശത്തെ അണക്കെട്ടിൽ എറിഞ്ഞ്​ കൊലപ്പെടുത്തുകയായിരുന്നു. ശനിയാഴ്ച വൈകീട്ടാണ്​ കുട്ടികളുടെ മൃതദേഹം കണ്ടെത്തിയത്​.

ഞായറാഴ്ച രാവിലെ അണക്കെട്ടിന്​ സമീപത്തെ മരത്തിൽ തൂങ്ങി മരിക്കാൻ പ്രതി പദ്ധതിയി​ട്ടെങ്കിലും ഗ്രാമീണർ കണ്ടതോടെ ശ്രമം വിഫലമായി. ഇയാളെ രക്ഷപ്പെടുത്തിയ ശേഷം ആശുപത്രിയിലാക്കി.