താലൂക്ക് ആശുപത്രി വളപ്പിൽ നിന്നും ബൈക്കും പണവും മോഷണം പോയി

തിരുവല്ല : തിരുവല്ല താലൂക്ക് ആശുപത്രി വളപ്പില്‍ നിന്നും ബൈക്കും പണവും മോഷണം പോയതായി പരാതി. കോഴഞ്ചേരി മാരാമണ്‍ പടിഞ്ഞാറേതില്‍ പി.ജി. ആകാശിന്‍റെ ബൈക്കും 400 രൂപയും സുഹൃത്ത് മനോജിന്‍റെ 4000 രൂപ അടങ്ങിയ പഴ്‌സുമാണ് മോഷണം പോയത്.

ആശുപത്രിയിൽ നിര്‍മ്മാണം നടക്കുന്ന കെട്ടിടത്തിന്‍റെ വൈദ്യൂതീകരണ പ്രവര്‍ത്തികളില്‍ ഏര്‍പ്പെട്ടിരുന്നവരാണിവര്‍. ചൊവ്വാഴ്ച രാവിലെ ബൈക്ക് പാര്‍ക്കിംഗ് സ്ഥലത്ത് നിര്‍ത്തിയശേഷം താക്കോല്‍ അടങ്ങിയ ബാഗ് കെട്ടിടത്തിന്‍റെ മൂന്നാം നിലയിലെ സ്‌റ്റോർ റൂമിൽ വെച്ചിരിക്കുകയായിരുന്നു. ഇവിടെ നിന്നാണ് പണവും ആകാശിന്‍റെ ബൈക്കിൻ്റെയും വീടി​േന്‍റയും താക്കോലുകൾ അടങ്ങുന്ന ബാഗും കാണാതായത്.

തുടർന്ന് നടത്തിയ തിരച്ചിലിലാണ് ബൈക്ക് മോഷണം പോയ വിവരം അറിഞ്ഞത്. സംഭവം സംബന്ധിച്ച് തുരുവല്ല പോലീസില്‍ പരാതി നല്‍കി.