കാറിൽ വന്ന സംഘം വീട്ടമ്മയുടെ മാല കവർന്നു

കുഴൽമന്ദം: കാറിൽ വന്ന സംഘം വീട്ടമ്മയുടെ മാല കവർന്നതായി പരാതി. കുഴൽമന്ദം മന്ദിരാട് വീട്ടിൽ അപ്പുക്കുട്ടന്റെ ഭാര്യ കമലാക്ഷി (72 )യുടെ രണ്ടര പവന്റെ സ്വർണമാലയാണ് കവർന്നത്. വ്യാഴാഴ്ച പകൽ നാലരയ്ക്ക് മന്ദിരാടായിരുന്നു സംഭവം.

ചന്തപ്പുരയിൽ നിന്നും വീട്ടുസാധനങ്ങൾ വാങ്ങിച്ച് നടന്നുവരുകയായിരുന്നു കമലാക്ഷി. റോഡരികിൽ നിർത്തിയിരുന്ന കാറിനു സമീപത്തായി യുവാവ് നിൽക്കുന്നണ്ടായിരുന്നു. കാറിനു മുൻ വശത്തൂടെ നടന്നു പോകുകയായിരുന്ന വീട്ടമ്മയുടെ പുറകിൽ വന്ന യുവാവ് കഴുത്തിൽ നിന്ന് മാല പൊട്ടിച്ച് കാറിൽ രക്ഷപ്പെടുകയായിരുന്നു. പൊലിസിൽ പരാതി നൽകി.