മാതാപിതാക്കളെ വെട്ടികൊലപ്പെടുത്തിയ മകൻ കീഴടങ്ങി

ആ​മ്പ​ല്ലൂ​ര്‍ (തൃ​ശൂ​ർ): മ​റ്റ​ത്തൂ​ര്‍ ഇ​ഞ്ച​ക്കു​ണ്ടി​ല്‍ വീ​ട്ടു​മു​റ്റ​ത്ത് മാ​വി​ന്‍തൈ ന​ടു​ന്ന​തി​നെ ചൊ​ല്ലി​യു​ണ്ടാ​യ ത​ര്‍ക്ക​ത്തി​നി​ടെ മാ​താ​പി​താ​ക്ക​ളെ വെ​ട്ടി​ക്കൊ​ല​​പ്പെ​ടു​ത്തിയ മകൻ​ കീഴടങ്ങി. പുലർച്ചെ രണ്ടു മണിയോടെ തൃശൂർ കമീഷണർ ഓഫീസിലെത്തിയാണ് പ്രതി അ​നീ​ഷ് (38) കീഴടങ്ങിയത്. അനീഷിന്‍റെ അറസ്റ്റ് പൊലീസ് രേഖപ്പെടുത്തി.

ഞാ​യ​റാ​ഴ്ച രാ​വി​ലെ 9.15നാ​യി​രു​ന്നു നാ​ടി​നെ ന​ടു​ക്കി​യ അ​രും​കൊ​ല നടന്നത്. ഇ​ഞ്ച​ക്കു​ണ്ട് കു​ണ്ടി​ല്‍ സു​ബ്ര​ന്‍ (കു​ട്ട​ന്‍ - 68), ഭാ​ര്യ ച​ന്ദ്രി​ക (62) എ​ന്നി​വ​രാ​ണ് മ​രി​ച്ച​ത്. കൊ​ല​പാ​ത​ക​ത്തി​നു​ശേ​ഷം ബൈ​ക്കി​ല്‍ ര​ക്ഷ​പ്പെ​ട്ട അ​നീ​ഷി​നാ​യി പൊ​ലീ​സ്​ അ​ന്വേ​ഷ​ണം ഊ​ർ​ജി​ത​മാ​ക്കിയിരുന്നു.

അ​നീ​ഷും മാ​താ​പി​താ​ക്ക​ളും ത​മ്മി​ൽ വ​ര്‍ഷ​ങ്ങ​ളാ​യി ക​ല​ഹം പ​തി​വാ​യി​രു​ന്നു. മു​മ്പ് അ​നീ​ഷി​ന്റെ പേ​രി​ല്‍ സു​ബ്ര​ന്‍ വെ​ള്ളി​ക്കു​ള​ങ്ങ​ര സ്റ്റേ​ഷ​നി​ല്‍ പ​രാ​തി ന​ൽ​കു​ക​യും പൊ​ലീ​സ് കേ​സെ​ടു​ക്കു​ക​യും ചെ​യ്തി​രു​ന്നു. വീ​ട്ടു​മു​റ്റ​ത്ത് രാ​വി​ലെ മാ​വി​ന്‍തൈ ന​ടു​ന്ന​തി​നെ ചൊ​ല്ലി സു​ബ്ര​നും അ​നീ​ഷും ത​മ്മി​ലു​ണ്ടാ​യ ത​ര്‍ക്ക​മാ​ണ് കൊ​ല​പാ​ത​ക​ത്തി​ല്‍ ക​ലാ​ശി​ച്ച​തെ​ന്ന് പൊ​ലീ​സ് പ​റ​ഞ്ഞു.

സു​ബ്ര​ന്‍ ന​ട്ട മാ​വി​ന്‍തൈ അ​നീ​ഷ് പ​റി​ച്ചെ​റി​ഞ്ഞു. തു​ട​ര്‍ന്ന് ര​ണ്ടു​പേ​രും ത​മ്മി​ൽ വാ​ക്കേ​റ്റ​മാ​യി. ഇ​തി​നി​ടെ തൂ​മ്പ കൊ​ണ്ട് അ​നീ​ഷ് പി​താ​വി​നെ അ​ടി​ച്ചു. വീ​ടി​ന് മു​ന്‍വ​ശ​ത്തെ റോ​ഡി​ലേ​ക്ക് ഓ​ടി​ ര​ക്ഷ​പ്പെ​ടാ​ന്‍ ശ്ര​മി​ച്ച സു​ബ്ര​നെ അ​നീ​ഷ് പി​ന്തു​ട​ര്‍ന്ന് വെ​ട്ടു​ക​യാ​യി​രു​ന്നു. സം​ഭ​വം ക​ണ്ട് ത​ട​യാ​നെ​ത്തി​യ ച​ന്ദ്രി​ക​യെ​യും വെ​ട്ടി​വീ​ഴ്ത്തി. ക​ഴു​ത്തി​ല്‍ ആ​ഴ​ത്തി​ല്‍ മു​റി​വേ​റ്റ ഇ​രു​വ​രും ത​ല്‍ക്ഷ​ണം മ​രി​ച്ചു.

കൊ​ല്ല​പ്പെ​ട്ട സു​ബ്ര​ന്‍ ടാ​പ്പി​ങ് തൊ​ഴി​ലാ​ളി​യാ​ണ്. പ്ര​വാ​സി​യും ഡ്രൈ​വ​റു​മാ​ണ് അ​നീ​ഷ്.