വീ​ട്ടി​ൽ മോ​ഷ​ണം; സ്വ​ർ​ണാ​ഭ​ര​ണ​വും ടി.​വി​യും നഷ്ടമായി

വ​ട​ക്കാ​ഞ്ചേ​രി: വീ​ട്ടി​ൽ​നി​ന്നും എ​ട്ട് ല​ക്ഷം രൂ​പ​യു​ടെ സ്വ​ർ​ണാ​ഭ​ര​ണ​വും ടി.​വി​യും ക​വ​ർ​ന്നു. എ​ങ്ക​ക്കാ​ട് എ​ച്ച്.​എം.​സി കോ​ർ​ണ​റി​നും ല​ക്ഷം വീ​ടി​നും ഇ​ട​യി​ലു​ള്ള ക​ള​ത്തി​ൽ പ​റ​മ്പി​ൽ കു​ഞ്ഞാ​ന്റെ അ​ട​ച്ചി​ട്ട വീ​ട്ടി​ലാ​ണ് എ​ട്ട് ല​ക്ഷം രൂ​പ വി​ല​വ​രു​ന്ന 15 പ​വ​ൻ സ്വ​ർ​ണാ​ഭ​ര​ണ​ങ്ങ​ളും ര​ണ്ട് എ​ൽ.​ഇ.​ഡി ടി.​വി​ക​ളും കൂ​ടാ​തെ ബാ​ത്ത് റൂ​മു​ക​ളി​ലെ പി​ച്ച​ള ഫി​റ്റി​ങ്സും മോ​ഷ്ടാ​ക്ക​ൾ ക​വ​ർ​ന്ന​ത്. മു​റി​ക​ളി​ലു​ള്ള അ​ല​മാ​ര​ക​ൾ കു​ത്തി തു​റ​ന്ന നി​ല​യി​ലും വ​സ്ത്ര​ങ്ങ​ളെ​ല്ലാം വാ​രി വ​ലി​ച്ചി​ട്ട നി​ല​യി​ലു​മാ​ണ്.

ക​ഴി​ഞ്ഞ​ദി​വ​സം രാ​വി​ലെ പു​ല്ല് വെ​ട്ടാ​ൻ വ​ന്ന തൊ​ഴി​ലാ​ളി​ക​ളാ​ണ് വീ​ട് തു​റ​ന്നി​ട്ട നി​ല​യി​ൽ ക​ണ്ട​തും ഉ​ട​മ​സ്ഥ​നെ അ​റി​യി​ച്ച​തും. ഭാ​ര്യ മ​രി​ച്ച​തി​നെ തു​ട​ർ​ന്ന് കു​ഞ്ഞാ​നും മ​ക്ക​ളും മ​ല​പ്പു​റ​ത്താ​ണ്. മ​ല​പ്പു​റ​ത്ത് കോ​ള​ജി​ലെ ജീ​വ​ന​ക്കാ​ര​നാ​ണ് കു​ഞ്ഞാ​ൻ. വി​വ​ര​മ​റി​യി​ച്ച​തി​നെ തു​ട​ർ​ന്ന് പൊ​ലീ​സ് എ​സ്.​എ​ച്ച്.​ഒ റി​ജി​ൻ എം. ​തോ​മ​സി​ന്റെ നേ​തൃ​ത്വ​ത്തി​ൽ അ​ന്വേ​ഷ​ണം ആ​രം​ഭി​ച്ചു. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സം​ഭ​വ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.