വീ​ട് കു​ത്തി​ത്തു​റ​ന്ന് മോഷണം: അഞ്ചുപേർ അറസ്​റ്റിൽ

മ​റ​യൂ​ര്‍: വീ​ട് കു​ത്തി​ത്തു​റ​ന്ന് മോ​ഷ്​​ടി​ച്ച വ​ള​ക​ള്‍ വീ​ട്ടി​ല്‍ സൂ​ക്ഷി​ച്ച് ത​മി​ഴ്‌​നാ​ട്ടി​ലേ​ക്ക് ക​ട​ന്ന പ്ര​ധാ​ന​പ്ര​തി ഉ​ള്‍പ്പെ​ടെ അ​ഞ്ചു​പേ​രെ മ​റ​യൂ​ര്‍ പൊ​ലീ​സ് പി​ടി​കൂ​ടി. കോ​വി​ല്‍ക​ട​വ് പ​ത്ത​ടി​പ്പാ​ലം സ്വ​ദേ​ശി​ക​ളാ​യ വി​നീ​ഷ് (39), അ​രു​ണ്‍കു​മാ​ര്‍ (39), ര​മേ​ശ് (46), മ​ണി​ക​ണ്ഠ​ന്‍ (46), കോ​ട്ട​ക്കു​ളം സ്വ​ദേ​ശി മു​ത്തു​രാ​ജ് (42) എ​ന്നി​വ​രാ​ണ് പി​ടി​യി​ലാ​യ​ത്.

ക​ഴി​ഞ്ഞ വ്യാ​ഴാ​ഴ്ച​യാ​ണ് സം​ഭ​വം. കാ​ന്ത​ല്ലൂ​ര്‍ പ​ഞ്ചാ​യ​ത്തി​ല്‍ ക​ര്‍ശ​നാ​ട് അ​മ്പ​ല​കോ​ട്ട​യി​ല്‍ പാ​റ​യ​ടി​യി​ല്‍ ജോ​ര്‍ജി​െൻറ വീ​ട്ടി​ല്‍നി​ന്നാ​ണ് ഏ​ഴു​പ​വ​ന്‍ സ്വ​ര്‍ണം മോ​ഷ​ണം​പോ​യ​ത്. മ​ക​ളു​ടെ പ്ര​സ​വ​വു​മാ​യി ബ​ന്ധ​പ്പെ​ട്ട് കോ​വി​ല്‍ക​ട​വി​ല്‍ മു​റി​യെ​ടു​ത്ത് താ​മ​സി​ക്കു​ക​യാ​യി​രു​ന്നു കു​ടും​ബം. വെ​ള്ളി​യാ​ഴ്ച രാ​വി​ലെ വീ​ട്ടു​കാ​ർ വ​ള​ര്‍ത്തു​മൃ​ഗ​ങ്ങ​ള്‍ക്ക് തീ​റ്റ കൊ​ടു​ക്കാ​ന്‍ എ​ത്തി​യ​പ്പോ​ഴാ​ണ്​ മോ​ഷ​ണം​ അ​റി​യു​ന്ന​ത്.

നാ​ല്​ പ്ര​തി​ക​ളെ കോ​വി​ല്‍ക​ട​വി​ല്‍നി​ന്ന്​ പ്ര​ധാ​ന പ്ര​തി വി​നീ​ഷി​നെ തേ​നി ബോ​ഡി​നാ​യ്ക്ക​ന്നൂ​രി​ല്‍ ഭാ​ര്യ​യു​ടെ വീ​ട്ടി​ല്‍നി​ന്നു​മാ​ണ്​ പി​ടി​കൂ​ടി​യ​ത്. ഞാ​യ​റാ​ഴ്​​ച പ്ര​തി​ക​ളെ മോ​ഷ​ണം ന​ട​ന്ന വീ​ട്ടി​ലും സ്വ​ര്‍ണം ഒ​ളി​പ്പി​ച്ച വി​നീ​ഷി​െൻറ വീ​ട്ടി​ലു​മെ​ത്തി​ച്ച് തെ​ളി​വെ​ടു​പ്പ് ന​ട​ത്തി. വി​നീ​ഷി​െൻറ വീ​ട്ടി​ല്‍നി​ന്ന്​ മൂ​ന്ന് വ​ള​ക​ളും മ​റ​യൂ​രി​ലെ സ്വ​കാ​ര്യ സ്ഥാ​പ​ന​ത്തി​ല്‍ പ​ണ​യം​വെ​ച്ച ഒ​രു വ​ള​യും അ​ന്വേ​ഷ​ണ​സം​ഘം ക​ണ്ടെ​ത്തി. പ്ര​തി​ക​ളെ ദേ​വി​കു​ളം കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.

സ്​​റ്റേ​ഷ​ന്‍ ഹൗ​സ് ഓ​ഫി​സ​ര്‍ പി.​ടി. ബി​ജോ​യ്, എ​സ്.​ഐ അ​നൂ​പ് മോ​ന്‍, എ.​എ​സ്‌.​ഐ കെ.​പി. ബെ​ന്നി, ഹ​രീ​ഷ്‌​കു​മാ​ര്‍, രാ​ജീ​വ് കെ.​കെ, ഡെ​നി​ഷ്, സു​ധീ​ഷ്, എ​ബി​ന്‍ തോ​മ​സ് എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.