യുവതിയുടെ കണ്ണിൽ മുളകുപൊടി വിതറി മാല പൊട്ടിച്ചു; മോഷ്ടാക്കളെ നാട്ടുകാർ പിടികൂടി

ശാ​സ്താം​കോ​ട്ട: യു​വ​തി​യു​ടെ ക​ണ്ണി​ൽ മു​ള​കു​പൊ​ടി വി​ത​റി മാ​ല അ​പ​ഹ​രി​ച്ച മോ​ഷ്ടാ​ക്ക​ളെ നാ​ട്ടു​കാ​ർ പി​ന്തു​ട​ർ​ന്ന് പി​ടി​കൂ​ടി. ച​വ​റ മു​കു​ന്ദ​പു​രം ക​രി​ങ്ങാ​ട്ടി​ൽ വ​ട​ക്ക​തി​ൽ ഷാ​ജി (48), ഇ​ട​പ്പ​ള്ളി​ക്കോ​ട്ട നെ​റ്റി​യാ​ട്ട് ത​ണ്ട​ള​ത്ത് വീ​ട്ടി​ൽ സു​ഹൈ​ൽ (45) എ​ന്നി​വ​രാ​ണ് പി​ടി​യി​ലാ​യ​ത്.

ഞാ​യ​റാ​ഴ്ച രാ​വി​ലെ പ​തി​നൊ​ന്നോ​ടെ ശാ​സ്താം​കോ​ട്ട റെ​യി​ൽ​വേ സ്‌​റ്റേ​ഷ​ന് സ​മീ​പം കു​റ്റി​യി​ൽ മു​ക്ക് റോ​ഡി​ലാ​ണ് സം​ഭ​വം. മൈ​നാ​ഗ​പ്പ​ള്ളി സ്വ​ദേ​ശി​യാ​യ ബി​ന്ദു റെ​യി​ൽ​വേ സ്‌​റ്റേ​ഷ​ന് സ​മീ​പ​മു​ള്ള ബ​ന്ധു​വീ​ട്ടി​ൽ എ​ത്തി​യ​താ​യി​രു​ന്നു. ആ​ഞ്ഞി​ലി​മൂ​ട്ടി​ൽ പോ​യി സാ​ധ​ന​ങ്ങ​ൾ വാ​ങ്ങി സ്കൂ​ട്ട​റി​ൽ വ​ന്ന ബി​ന്ദു​വി​നെ സ്കൂ​ട്ടി​ലെ​ത്തി​യ ര​ണ്ടു​പേ​ർ പി​ന്തു​ട​ർ​ന്നു. സ്കൂട്ട​ർ ഓ​ടി​ച്ച് വ​ലി​യ പ​രി​ച​യ​മി​ല്ലാ​ത്ത ബി​ന്ദു പ​ല പ്രാ​വ​ശ്യം സ്കൂ​ട്ട​ർ ഒ​തു​ക്കി പി​ന്തു​ട​ർ​ന്ന് വ​ന്ന​വ​ർ​ക്ക് ക​യ​റി​പ്പോ​കാ​ൻ സൗ​ക​ര്യം ഒ​രു​ക്കി​യെ​ങ്കി​ലും ഇ​വ​ർ ത​യാ​റാ​കാ​തെ പി​ന്തു​ട​രു​ക​യാ​യി​രു​ന്നു.

ബി​ന്ദു​വി​നോ​ട് സൈ​ല​ൻ​സ​റി​ൽ നി​ന്ന് പു​ക​വ​രു​ന്ന​താ​യി പ​റ​യു​ക​യും സ​ഹാ​യി​ക്കാ​നെ​ന്ന വ്യാ​ജേ​ന സ്കൂ​ട്ട​റി​ന​ടു​ത്തെ​ത്തി ക​ണ്ണി​ൽ മു​ള​ക് പൊ​ടി വി​ത​റി മാ​ല പൊ​ട്ടി​ച്ചെ​ടു​ക്കു​ക​യാ​യി​രു​ന്നു. ബി​ന്ദു​വും മാ​ല​യി​ൽ പി​ടി​ച്ചി​രു​ന്നെ​ങ്കി​ലും വ​ലി​യ ക​ഷ​ണം മോ​ഷ്ടാ​ക്ക​ൾ അ​പ​ഹ​രി​ച്ചു.

ഇ​വ​ർ സ്കൂ​ട്ട​ർ ഓ​ടി​ച്ച് ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ൻ ഭാ​ഗ​ത്തേ​ക്ക് പോ​യി. ബി​ന്ദു​വി​ന്‍റെ ക​ര​ച്ചി​ൽ കേ​ട്ട് ഓ​ടി​യെ​ത്തി​യ സ​മീ​പ​വാ​സി​ക​ൾ ശാ​സ്താം​കോ​ട്ട റെ​യി​ൽ​വേ സ്‌​റ്റേ​ഷ​നി​ല​ട​ക്കം പ​രി​ശോ​ധ​ന ന​ട​ത്തി. ഈ ​സ​മ​യം ടി​ക്ക​റ്റ് എ​ടു​ക്കാ​നെ​ന്ന വ്യാ​ജേ​ന നി​ൽ​ക്കു​ക​യാ​യി​രു​ന്ന പ്ര​തി​ക​ളെ ക​ണ്ടെ​ത്തു​ക​യാ​യി​രു​ന്നു. നാ​ട്ടു​കാ​ർ ത​ട​ഞ്ഞു​​െവ​ച്ച്​ ഇ​വ​ർ സ​ഞ്ച​രി​ച്ച സ്കൂ​ട്ട​ർ പ​രി​ശോ​ധി​ച്ച​പ്പോ​ൾ പൊ​ട്ടി​ച്ചെ​ടു​ത്ത മാ​ല​യു​ടെ ഭാ​ഗ​ങ്ങ​ളും മാ​റു​ന്ന​തി​നു​ള്ള വ​സ്ത്ര​ങ്ങ​ളും വാ​ഹ​ന​ത്തി​ൽ നി​ന്ന് ല​ഭി​ച്ചു. തു​ട​ർ​ന്ന്, നാ​ട്ടു​കാ​ർ വി​വ​രം അ​റി​യി​ച്ച​തോ​ടെ ശാ​സ്​​താം​കോ​ട്ട പോ​ലീ​സ് എ​ത്തി ഇ​വ​രെ ക​സ്റ്റ​ഡി​യി​ൽ എ​ടു​ക്കു​ക​യു​മാ​യി​രു​ന്നു.