ആയുധവുമായി ഭീഷണി; രണ്ടുപേർ പിടിയിൽ

ആലപ്പുഴ: നഗരത്തിലെ ലോഡ്ജിൽ ആയുധവുമായി എത്തി ഭീകരാന്തരീക്ഷം സൃഷ്ടിച്ച കേസിൽ രണ്ടുപേർ പിടിയിൽ.പുന്നപ്ര സ്റ്റേഷൻ പരിധിയിലെ കാകൻ മനു വധക്കേസിലെ പ്രതികളായ പുന്നപ്ര പഞ്ചായത്ത് 16ാം വാർഡ് വടക്കേഅറ്റത്ത് വീട്ടിൽ പ്രവീൺ (30), പുന്നപ്ര പഞ്ചായത്ത് 12ാം വാർഡിൽ വടക്കേയറ്റത്ത് വീട്ടിൽ ആന്റണി സേവ്യർ (27) എന്നിവരെയാണ് അറസ്റ്റ് ചെയ്തത്.

ആലപ്പുഴ സൗത്ത് സ്റ്റേഷൻ എസ്.ഐമാരായ വി.ഡി. രജി രാജ്, ബി.സി. വിഷ്ണു നായർ, സി.പി.ഒ ജിനാസ് എന്നിവരടങ്ങിയ സംഘമാണ് പ്രതികളെ പിടികൂടിയത്.