പോത്തിന്‍കണ്ടം ക്ഷേത്രത്തിലെ വിഗ്രഹവുമായി രണ്ടുപേര്‍ പിടിയില്‍; മ​ദ്യ​ല​ഹ​രി​യി​ൽ ന​ട​ത്തി​യ സം​ഭാ​ഷ​ണം തു​മ്പാ​യി

നെ​ടു​ങ്ക​ണ്ടം: ഒ​രു​വ​ര്‍ഷം മു​മ്പ്​​ പോ​ത്തി​ന്‍ക​ണ്ടം ക്ഷേ​ത്ര​ത്തി​ല്‍നി​ന്ന്​ മോ​ഷ​ണം പോ​യ പ​ഞ്ച​ലോ​ഹ വി​ഗ്ര​ഹ​വു​മാ​യി ര​ണ്ടു​പേ​ര്‍ പി​ടി​യി​ല്‍. അ​ന്യാ​ര്‍തൊ​ളു ആ​നി​വേ​ലി​ല്‍ ശ​ശി (പ്ര​സാ​ദ്- 48), കാ​ഞ്ചി​യാ​ര്‍ ക​ല്‍ത്തൊ​ട്ടി കാ​നാ​ട്ട് റ​ജി​ജോ​സ​ഫ് (48) എ​ന്നി​വ​രെ​യാ​ണ് ക​മ്പം​മെ​ട്ട് പൊ​ലീ​സ് അ​റ​സ്റ്റ്​ ചെ​യ്ത​ത്.

പോ​ത്തി​ന്‍ക​ണ്ടം 1361 എ​സ്.​എ​ന്‍.​ഡി.​പി ശാ​ഖാ യോ​ഗ​ത്തി​ന്‍റെ ശ്രീ​നാ​രാ​യ​ണ ഗു​രു​ദേ​വ ക്ഷേ​ത്ര​ത്തി​ലെ പ​ഞ്ച​ലോ​ഹ വി​ഗ്ര​ഹ​മാ​ണ്​ 2021 ജ​നു​വ​രി 11ന്​ ​രാ​ത്രി​യി​ൽ മോ​ഷ​ണം​പോ​യ​ത്. ക്ഷേ​ത്ര​ത്തി​ന് മു​ന്നി​ല്‍ സ്ഥാ​പി​ച്ചി​രു​ന്ന കാ​ണി​ക്ക​വ​ഞ്ചി​യു​ടെ മു​ക​ളി​ല്‍ പ്ര​തി​ഷ്ഠി​ച്ചി​രു​ന്ന ഗു​രു​ദേ​വ​ന്‍റെ വി​ഗ്ര​ഹ​മാ​ണ് മോ​ഷ്ടി​ച്ച​ത്. 2015ലാ​ണ് ക്ഷേ​ത്ര​ത്തി​ല്‍ പ​ഞ്ച​ലോ​ഹ വി​ഗ്ര​ഹം സ്ഥാ​പി​ച്ച​ത്. കാ​ണി​ക്ക​വ​ഞ്ചി കു​ത്തി​ത്തു​റ​ക്കാ​ന്‍ ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ട​തോ​ടെ വി​ഗ്ര​ഹം മോ​ഷ്ടി​ക്കു​ക​യാ​യി​രു​ന്നു.

ക്ഷേ​ത്രം ഭ​ര​ണ​സ​മി​തി പൊ​ലീ​സി​ൽ പ​രാ​തി​പ്പെ​ട്ടി​രു​ന്നെ​ങ്കി​ലും കേ​സി​ല്‍ തു​മ്പൊ​ന്നും ല​ഭി​ച്ചി​രു​ന്നി​ല്ല.

ഇ​തോ​ടെ കേ​സ് അ​ന്വേ​ഷ​ണം മ​ര​വി​ച്ച മ​ട്ടി​ലാ​യി​രു​ന്നു. ഇ​തി​നി​ടെ ക​ഴി​ഞ്ഞ ദി​വ​സം ഷാ​പ്പി​ല്‍ മ​ദ്യ​പി​ക്കു​ന്ന​തി​നി​ടെ ശ​ശി സു​ഹൃ​ത്താ​യ ചേ​റ്റു​കു​ഴി സ്വ​ദേ​ശി​യോ​ട് പ​ഞ്ച​ലോ​ഹ​വി​ഗ്ര​ഹം മോ​ഷ്ടി​ച്ച വി​വ​രം പ​റ​ഞ്ഞു. വി​റ്റാ​ല്‍ 50,000 രൂ​പ കി​ട്ടു​മെ​ന്നും സു​ഹൃ​ത്തി​ന്‍റെ പ​ക്ക​ലു​ണ്ടെ​ന്നു​മാ​ണ് പ​റ​ഞ്ഞ​ത്. ഈ ​വി​വ​രം ക്ഷേ​ത്രം ഭ​ര​ണ​സ​മി​തി ഭാ​ര​വാ​ഹി​ക​ള്‍ അ​റി​ഞ്ഞു. ക്ഷേ​ത്രം ഭാ​ര​വാ​ഹി​ക​ള്‍ ശ​ശി​യെ ക​മ്പം​മെ​ട്ട് സ്റ്റേ​ഷ​നി​ല്‍ എ​ത്തി​ച്ചു. തു​ട​ര്‍ന്ന് പൊ​ലീ​സ് ന​ട​ത്തി​യ ചോ​ദ്യം​ചെ​യ്യ​ലി​ല്‍ മോ​ഷ്ടി​ച്ച പ​ഞ്ച​ലോ​ഹ വി​ഗ്ര​ഹം സു​ഹൃ​ത്ത് റെ​ജി ജോ​സ​ഫി​നെ എ​ല്‍പി​ച്ച​താ​യി തു​റ​ന്നു​പ​റ​ഞ്ഞു. റെ​ജി​യു​ടെ വി​ട്ടി​ല്‍ ക​മ്പം​മെ​ട്ട് പൊ​ലീ​സ് ന​ട​ത്തി​യ പ​രി​ശോ​ധ​ന​യി​ല്‍ കി​ട​പ്പു​മു​റി​യി​ല്‍ ബി​ഗ് ഷോ​പ്പ​റി​ലാ​ക്കി ചാ​ക്കി​ല്‍ പൊ​തി​ഞ്ഞ പ​ഞ്ച​ലോ​ഹ വി​ഗ്ര​ഹം ക​ണ്ടെ​ത്തു​ക​യാ​യി​രു​ന്നു. ഇ​രു​വ​രെ​യും അ​റ​സ്റ്റ്​ ചെ​യ്ത്​ കോ​ട​തി​യി​ല്‍ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.