രാസലഹരിയും എയർ പിസ്റ്റളുമായി രണ്ട് യുവാക്കൾ പിടിയിൽ

പ​റ​വൂ​ർ: 6.6 ഗ്രാം ​രാ​സ​ല​ഹ​രി​യും എ​യ​ർ പി​സ്റ്റ​ളും തി​ര​ക​ളും 10 ഗ്രാം ​ക​ഞ്ചാ​വു​മാ​യി ര​ണ്ട് യു​വാ​ക്ക​ൾ പൊ​ലീ​സ്​ പി​ടി​യി​ലാ​യി. വ​രാ​പ്പു​ഴ പു​ത്ത​ൻ​പു​ര​ക്ക​ൽ പ​വി​ൻ ദാ​സ് (23), ക​രി​ങ്ങാം​തു​രു​ത്ത് കൊ​ങ്ങോ​ർ​പ്പി​ള്ളി ര​ജ​നി ഭ​വ​നി​ൽ വി. ​അ​ന​ന്ത​കൃ​ഷ്ണ​ൻ (25) എ​ന്നി​വ​രെ​യാ​ണ് ഡി​സ്ട്രി​ക്ട് ആ​ന്‍റി നാ​ർ​കോ​ട്ടി​ക് സ്പെ​ഷ​ൽ ആ​ക്​​ഷ​ൻ ഫോ​ഴ്സും വ​ട​ക്കേ​ക്ക​ര പൊ​ലീ​സും ചേ​ർ​ന്ന് പി​ടി​കൂ​ടി​യ​ത്. റൂ​റ​ൽ ജി​ല്ല പൊ​ലീ​സ് മേ​ധാ​വി വി​വേ​ക് കു​മാ​റി​ന് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് മൂ​ത്ത​കു​ന്നം ഭാ​ഗ​ത്തു​നി​ന്ന് ഇ​വ​ർ അ​റ​സ്റ്റി​ലാ​കു​ന്ന​ത്.

തോ​ക്കി​ൽ നി​റ​ക്കു​ന്ന 40 തി​ര​ക​ളും രാ​സ​ല​ഹ​രി പൊ​ടി​ക്കാ​നു​പ​യോ​ഗി​ക്കു​ന്ന ബ്ലെ​യ്ഡും തൂ​ക്കാ​നു​ള്ള ഡി​ജി​റ്റ​ൽ ത്രാ​സും ക​ണ്ടെ​ടു​ത്തു. മ​യ​ക്കു​മ​രു​ന്ന് ക​ട​ത്താ​നു​പ​യോ​ഗി​ച്ച കാ​റും ക​സ്റ്റ​ഡി​യി​ലെ​ടു​ത്തു. കോ​ഴി​ക്കോ​ടു​നി​ന്നു​മാ​ണ് ല​ഹ​രി കൊ​ണ്ടു​വ​ന്ന​ത്. യു​വാ​ക്ക​ൾ​ക്ക് വി​ൽ​ക്കു​ക​യാ​യി​രു​ന്നു ല​ക്ഷ്യം. ഇ​ൻ​സ്പെ​ക്ട​ർ വി.​സി. സൂ​ര​ജ് എ​സ്.​ഐ​മാ​രാ​യ എം.​എ​സ്. ഷെ​റി, വി.​എം. റ​സാ​ഖ്, എ.​എ​സ്.​ഐ റോ​ബ​ർ​ട്ട് ഡി​ക്സ​ൺ, സി.​പി.​ഒ​മാ​രാ​യ ടി.​എ​സ്. ശീ​ത​ൾ, മി​റാ​ഷ് തു​ട​ങ്ങി​യ​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. റൂ​റ​ൽ ജി​ല്ല​യി​ൽ ഒ​രു​മാ​സ​ത്തി​നു​ള്ളി​ൽ 50 ഗ്രാ​മോ​ളം രാ​സ​ല​ഹ​രി​യും 10 കി​ലോ​യി​ലേ​റെ ക​ഞ്ചാ​വും പി​ടി​കൂ​ടി​യി​രു​ന്നു.