തൊഴിൽരഹിതനായ പിതാവ്​ രണ്ടുവയസുകാരനെ കഴുത്തറുത്ത്​ കൊന്നു

ഹൈദരാബാദ്​: തൊഴിൽ രഹിതനായ യുവാവ്​ രണ്ടുവയസുകാരനായ മകനെ ​കഴുത്തറുത്ത്​ കൊലപ്പെടുത്തിയ ശേഷം ഒളിവിൽ പോയി. പ്രശാന്ത്​ നഗറിൽ വെള്ളിയാഴ്ചയാണ്​ ഞെട്ടിപ്പിക്കുന്ന സംഭവം.

ഹസീബ്​ എന്നയാളാണ്​ പ്രതി. താമസിക്കുന്ന കെട്ടിടത്തിന്‍റെ ഒന്നാം നിലയിലെത്തിച്ച ശേഷം മകന്‍റെ കഴുത്തറുക്കുകയായിരുന്നു. കുട്ടി സംഭവ സ്​ഥലത്ത്​ വെച്ച്​ തന്നെ മരിച്ചു. കൊലപാതക ശേഷം പ്രതി സ്​ഥലം വിട്ടു. പൊലീസ്​ നടത്തിയ പ്രാഥമിക അന്വേഷണത്തിൽ പ്രതിയായ തൊഴിൽരഹിതനായ ഹബീബിനെ​ ചില ആരോഗ്യ പ്രശ്​നങ്ങൾ അലട്ടിയിരുന്നതായും കണ്ടെത്തി.

അടുക്കളയിൽ നിന്ന്​ കത്തിയെടുത്താണ്​ ഹസീബ്​ കുട്ടിയെയും കൂട്ടി മുകളിലേക്ക്​ പോയത്​. സംശയം തോന്നിയ കുഞ്ഞിന്‍റെ മാതാവ്​ മുകളിൽ എത്തിയപ്പേഴേക്കും കൃത്യം നടത്തി പ്രതി സ്​ഥലം വിട്ടിരുന്നു.

ബന്ധുക്കൾ കുഞ്ഞിനെ ആശുപത്രിയിൽ എത്തിച്ചെങ്കിലും മരിച്ചു. കൊലപാതകത്തിന്​ പിന്നിലെ കാരണം വ്യക്തമല്ലെന്ന്​ ലങ്ങർ ഹൗസ്​ പൊലീസ്​ പറഞ്ഞു.